السبت، 16 يناير 2016

Micro Bag | شنطتي المايكرو وايش تكفي ؟ ♥

السلام عليكم ورحمه الله وبركاته 
الشنط بحجم مايكرو "اصغر من الميني" من الشي اللي انتشر بالفتره الاخيره وبنات حبوها وبنات 
قالو لا صغيره جدا ماتكفي شي !
الشنطه جدا صغيره وغالبا تستخدم كقطعه اكسسوار مكمله للتنسيق اكثر من انها شنطه الستراب تبعها
ينلف على اليد كااسواره او ممكن الستراب تلفي على الخصر كحزام !
وغالبا يتركب عليها تعليقات الفرو وتطلع جدا جميله 


كثير براند نزلوها حبيت بيكيابو مايكرو من فيندي ، ديوراما من ديور "انتبهو في ديوراما والت ان تشين"
في فرق بينهم المشكله ديوراما وبيكابو اثنينهم الايفون مايدخل فيهم :( والايرمز جدا جميله 
في نقطه جدا مهمه لازم تعرفيها انو في اختلاف كمان بين البراندز بالحجم بعضهم اصغر شي عندهم مايكرو وبعضهم نانو وبنفس الوقت بعضهم المايكرو ماتعتبر صغيره زي سيلين مثلا المايكرو كبيره والنانو الاصغر شي
تعتبر كبيره مقارنه بالمايكرو اللي بالصور فلو حبيتي تطلبي اون لاين تاكدي من الحجم بكل بساطه انسخي اسم الشنطه اللي عاجبتك وابحثي بجوجل واكتبي بعد اسمها كلمه size راح تطلعلك بالصور احجامهم 




من فتره افكر بشنطه ليبورد برينت = طبعه النمر واول براند جا ببالي دولتشي اند جبانا لاانهم معروفين فيها
واحب طبعتهم ♥ فلمى شوفتها على طول عجبتني اجتمع فيها الليبورد برينت اللي احتاجها والحجم المايكرو 




بما انو لها قاعده تحت عريضه وقويه اعطتها مساحه كبيره وتشيل اشياء كثير
وتقدري تدخلي وتطلعي الاشياء بسهوله 


ايفون ، محفظه ، النت ، عطر ميني وروج هذي الاشياء كلها كانت بالشنطه وهي تقريبا الضروريات
اللي غالبا تكون شنطتي 
حبيت الشنط المايكرو واحس جدا عمليه بالذات لكل يوم او للسفر بس بنفس الوقت
لازم تكفي اغراضي الضروريه ، انتو ايش رايكم حبيتوها ولا ؟ 
- شنطتي من دولتشي اند جبانا من بوتيكهم بالمملكه سعرها ٣٣٠٠ تقريبا -
   ♡

     Twitter | Instagram | Bloglovin 






هناك 33 تعليقًا :

  1. تتهنين مشاء الله انا حقتي سايز ميديم الجلد الجديد اسود ، بس التايقر ماعجبتني 😅😘

    ردحذف
    الردود
    1. الله يهنيك يارب ،، عارفه انا كنت ابغى الميني تايجر بس الحمد لله مااخذت الميني لااني احسه ممل فلو كان بحجم
      ميني وكبرينت راح امل منه ولو يومي ماافضله كثير ،، وتتهني بحقك يارب ♥

      حذف
  2. جميله جدا ما شاء الله 😍 ، ماكانت عاجبتني شنط المايكرو ، بس كانه تغير رأيي حالياً ، تتهني فيها ما شاء الله .

    ردحذف
  3. ماكنت مقتنعة بفكرة الشنطة لان عادتي احب الشنط اللي اكبر بس من بعد البوست اقنعتيني بشدة ❤️❤️و لبس العععافية

    ردحذف
  4. تجنن الشنطه ماشالله 💙💙
    عندي من المايكرو دولتشي قابانا والميني برادا و النتفه هاميلتون مايكل كورس.
    احس المايكرو باقز عمليه اكثر ف اللبس وتريندي.
    ملبوس العافيه 🙊💭

    ردحذف
  5. حلوه بس بالنسبه لي ما أحب اشيل اغراض قليله يعني أميل للشنط اللي اكبر من كذا وهاذي ممكن بطلعه حديقه او مكان قريب للبيت 💜💜

    ردحذف
  6. حبيت الشنطة اختيار موفق فعلا انا اول ما قررت اشتري شنطة و شوز ليبورد فكرت بدولتشي بالنسبة لي افضل براند ضبط الليبورد و الماتيرل ممتاز بالنسبة للحجم انا افضل الميني لسى ما اقتنعت بالميكرو او النانو بس اشوفهم حلوين و ملبوس العافية

    ردحذف
  7. ماشاء الله تتهني فيها حبيبتي .. جداً جميييله
    والله صرت احتاج هالحجم لأن الحين مع شنطة البيبي ابي شي عملي وصغير ويأخذ الاساسيات بس 😐
    جاري التقليد 😊

    ردحذف
    الردود
    1. الله يهنيك يارب ،، وصح مع شنطه البيبي احس الام تحتاج شنطه ميني خفيفه تحط ضرورياتها وفقط .

      حذف
  8. مرررررره حلوه ما شاء الله وانا من الناس اللي وقعت ف حب الشنط الصغيره مره واهنيك ع ذوقك الجميل ياجميله

    ردحذف
  9. م شاء الله جميله حيل وحبيتها ، ملبوس العافيه <3.

    ردحذف
  10. ملبوس العافيه تتهني ياقلبي حبيت الشنطه منك

    ردحذف
  11. دمييله تتهني فيها مخططه عليها لانو فعلا دارج المني سايز كثير بس ممكن لون ثاني لانو احس التايقر يحتاج لبس معين ولا ؛)

    ردحذف
    الردود
    1. صح كلامك التايجر يحتاج لبس مايكون في طبعات كثيره وانا غالبا لبسي هادي او بتكون مع العبايه
      وكمان لاان حجمها مايكرو ماتحسيها كبيره فالتايجر ماتحسي طالع كثير باللوك .

      حذف
  12. ليه سعرها كدا؟ انا حقتي كحلي و اخدتها ب ٤٥٠٠ من فرع جدة !!

    ردحذف
    الردود
    1. حقك مو الميني اللي اكبر منها ؟؟ لااني سالت عنها وقالي سعرها حدود ال ٤٥٠٠ تقريبا

      حذف
    2. مع انها قالتلي ميني
      عالعموم لو هي اكبر ممكن بس لو نفس الحجم حرام يكون فرق السعر .. اوفر ١٢٠٠ ريال افضل :P

      حذف
    3. سوري لخبطك انا :$ ايوا انتي حقك الميني صح ب ٤٤٠٠ حقي انا مايكرو اصغر من حقتك ب ٣٣٠٠ .

      حذف
  13. مره كياته الحجم
    اشوفها تشيل صراحه ماهي صغيره
    حبيت تتهنين فيها

    ردحذف
  14. عند بنت خالتي زيها مره أنيقة
    ونا عندي دولتشي السوداء ميديم
    اشتريتها قبل ماتنزل المايكرو

    جميلة ماشاء الله ملبوس العافية يارب

    ردحذف
  15. تتهني جميله وحجمها كيووووت 😍❤️❤️
    عندي سوال أميرة ؟
    ليش ماخذتي لون ساده ؟ يعني زي الأخضر وغيرها ماتروح موضته عكس الطباعه

    ردحذف
    الردود
    1. سوالك جميل ،، انا مااخذت ساده لااني مكتفيه تقريبا من الساده وكمان طبعه النمر عمرها ماتقدم بالعكس
      صح فترات تكون طالعه تريند وتنتشر بشكل كبير بس كمان بنفس الوقت ماتقدري تقولي طبعه النمر شي قديم !
      زي مثلا ماركه رويبرتوكفالي هالماركه من الماركات اللي انربط اسمها بطبعه النمر وبشكل جميل ولا عمرنا حسينا انه قديم صح ؟
      في طبعات صح تقدم اللي تكون بالسيزون تطلعها نفس الماركه وتلاقيها اصلا اخر السيزون مخفض عليها !
      بس زي النمر او مثلا طبعه ماركه ال في هذي من الاشياء تقريبا تعتبر كلاسيك ♥

      حذف
  16. مرره حبيت المايكرو باغ ،، حبيت ترتيبك للاشياء لو اني مكانك حـ تكون هاذي أغراضي الضرورية كمان ،،، بس عندي ملاحظة ، مو كأنها غالية ! احس حرام مايكرو بـ٣٣٠٠ .. ايوه كلنا نحب نكشخ ونلبس أحسن الماركات بس برضو لازم يكون في توازن لانه الله قال " لتسئلن يومئذ عن النعيم " ما فيها شيء ناخذ شيء رخيص عشان ربي ما يعاقبنا بهذا الاسراف

    ردحذف
  17. تونس جداً تحسيها بيبي !3!❤️
    حبيت ميدالايت الفرو * ما اعرف اسمها إذا ممكن تفيديني -o-" *
    اختيارك للنمري موفق مو مرتبط بموضه او هبه معينه من زمان والناس تشتري اي شيء نمري ومستحيل يكون قديم
    تخيلتها على فستان احمر أو الأخضر *الزمردي الغامق*
    ماجاء ببالي إلا هاللونين ❤️O❤️

    ردحذف
  18. مرا حلو شكل الشنطه تتهنين فيها يارب و اكثر شي حبيتها ان على انها مايكرو لكن ستل تكفي اغراضك الضروريه انا عن نفسي دايم احب الشنط الصغيره، مو مرا اميل للشنط الكبار الا نادرا و لو كان الشنطه بتسراب طويل تصير احلى و احلى و عمليه و اريح لك

    ردحذف
  19. تتهني يّ ألبي ❤️😍

    ردحذف
  20. كيووووت عن نفسي احب التايقر بكل شي ��❤️
    بس السايز هذا مايخدمني للأسف��
    توني من فتره اخذت نفسها سايز ميديم بس اللون الزيتي لقيته بعد جهد جهييييد بكل مكان سولد اوت مره مطلوب
    لحد مالقيته في هارودز بعد حجز ولسته ناس ومطاقق ����
    والميديم من داخل وسييييعه مشالله وحقت كرف����

    ردحذف
  21. مرآ جميلة الشنطة تتهني فيهآ يا عسل :)

    ردحذف
  22. حبيت انا عشق الشنط المني اول ما طلعت انا على طول اشتريت منها احسها مميزه عشان لا تشيلي عفش كتير المهم وبس اول لما كانت سيلين جبت المني وكانت كبيره فيها عفش مرا كتير اما هادي اختصرت الهرجه بقوه بس انا المني حقتي من چيس ماليها قاعده من تحت بس تشيل مدري كيف 😂❤️👍🏻

    ردحذف
  23. حبيتها ووايد وما شاء الله ذووقج واايد فخممم 👌🏻واحب ستاايلج وتتهني

    ردحذف
  24. حبيييتها من اول نظرة 😻❤️❤️❤️❤️

    ردحذف
  25. احب هالنوع من الشنط رايق وخفيف ..

    ردحذف

Back to Top