السبت، 30 يناير 2016

طريقه اخفاء الهالات السودا والتصبغات بالميك اب♡!

السلام عليكم ورحمه الله 
الهالات السودا اغلبنا نعاني منها اسبابها كثيره وطرق علاجها كثيره بس من اهم طرق علاجها النوم
والترطيب وعن تجربه 


من جد خفت معايا ، المهم بالميك اب نقدر نخفيها بخطوات بسيطه بس الغالب يشتكي انها تقلب 
رمادي او ممكن تخفيها بس ماتكون المنطقه منوره  ونظيفه.
دايم احب اجرب منتجات وطرق قبل فتره كان ليا موعد مع خبيره ميك اب من ماك وعلمتني طريقه 
ومن جد اعتمدتها وفرق معايا بشكل كبير !
جا ببالي فكره اني اطبق عليكم الخطوات علشان توصلكم اكثر فرسمت على ايدي بكحل بني ودمجته ويكون
التطبيق عليها ونفس الخطوات تقدري تطبقيها على اماكن التصبغات لو عندك .




اول خطوه ومهمه جدا هي ترطيب المنطقه تحت العين هذي راح تساعد انو الميك اب مايخطط معاك ويحافظ 
على بشرتك بنفس الوقت .
اللي استخدمه من كيلز بالافوكادو جميل جدا وحكيت عنه بمفضلاتي هنا قبل فتره حكت عنه حنان النجاده 
انه من افضل كريمات تحت العين بالذات قبل الميك اب لاان من مميزاته يعطي زي الاضاءه او الاناره تحت العين 
وبجد يعطي انعكاس يخفف من حدتها .
حطيته على المنطقه الغامقه وشايفين كيف اضائته قويه ويعكس وبعد هالخطوه احب اوزع الفاونديشين
حتى تحت العين .


الخطوه الثانيه او ممكن تكون الثالثه يعني قبل الفاونديشين او بعد ماتفرق ، المهم الخطوه هذي هي اهم خطوه
اللي هي المصحح انا استخدم من ماك ستوديو كونسيل اند كوركت دو رائع جدا، حتى الميك اب ارتست نوره
بو عوض تنصح فيه ويستاهل واكثر شي يعجبني فيه انه يجمع المصحح الاورنج والاصفر ، متوفر منه
درجات كثيره حاولت اطلع الدرجه اللي عندي للاسف مو واضح ، سعره اذكر بحدود ال ١٥٠ .
اول شي تبدأي بالمصحح الاورنج فايدته انه يكسرلك ويمحيلك اللون الاسود او البني ومايخليه يقلب على رمادي
بس ابدا لاتكثري لاان اللون قوي وغني فكميه بسيطه تغنيك .


بفرشه فلات اف ٨٠ الحجم الصغير دمجت المصحح وتقدري تستخدمي بيوتي بليندر او اصباعك او
اي فرشه صغيره للمنتجات الكريميه ، شايفين النتيجه كيف اورنج واضح وقوي !


بعدها تجي الخطوه الثانيه من المصحح اللون الاصفر اللون هذا راح يخفف من حدة اللون الاورنج وبنفس الوقت
اللون الاصفر راح ينورلك ويصفيلك المنطقه اصلا ممكن تستخدمي بااماكن اللي تبغي تسويلها هاي لايت قبل
الهاي لايت راح يضاعفلك النتيجه .
ممكن لو انتي هالاتك خفيفه تستخدمي مصحح بدرجه مشمشي تغنيك عن الخطوتين لاان لو تلاحظو بعد دمج الدرجتين نوصل للمشمشي ، بس لو هالاتك غامقه جدا افضل يكون منفصلين اللونين علشان تتحكمي بالدرجه .


الخطوه الثالثه الكونسيلر ، كثير بنات يقولو يقلب رمادي هو غالبا يكون السبب ان الهالات غامقه ولون 
الكونسيلر فاتح فيقلب معاك ! البعض ماعندها هالات ويقلب رمادي السبب غالبا انها اخذت درجه فاتحه عليها ،
الافضل الكونسيلر تاخذي نفس درجتك او افتح بدرجه بالكثير بدرجتين ، الكونسيلر عمله يخفي العيوب
بس مايفتحلك ولا ينور المنطقه .


استخدمت كونسيلر اتش دي من ميك اب فور ايفر اول مرا اجربه واستخدمت بيوتي بليندر من جهه البوز لدمجه لاحظت سريع الدمج .

هذي النتيجه بعد الكونسيلر اللون البني تغطى والكونسيلر تغطيته عاليه بس ماادري عن ثباته كيف للان
ولا اعرف هل يخطط او لا .



هذي الخطوه اللي اغلب البنات تلخبط بينها وبين الكونسيلر ، هي خطوه الاضاءه تحت العين تستخدمي لون فاتح
بعد الكونسيلر ماراح يقلب معاك ان شاء الله انا احب حق ديور اسمه سكين فلاش تستخدمه حنان النجاده غالبا
بس مخلص استخدمت حق سان لوران كويس بس ديور افضل وانا لاان ماعندي هالات قويه استخدم المصحح
بعدين الفاونديشين واستغني عن الكونسيلر واحط هالاضاءه وجدا النتيجه رائعه .


هذي نتيجه الاضاءه شايفين كيف فتح ونور المنطقه .






بعدها نجد لخطوه التثبيت احب استخدم بادور تكون مايله للاصفر تناسب بشرتي وتعطي اضاءه للمنطقه ،
عندي لورا مارسيه بس احب اللي بكنتور انستازيا اكثر وممكن تستخدمي بودره شفافه راح تثبتلك بس بدون اضاءه .

هذي النتيجه بعد الباودر تغطيه كامله للون البني ولا قلب رمادي بالعكس النتيجه اللون موحد وقطعه وحده ،
مافي اي اثر للخطوات اللي قبل بالعكس النتيجه نظيفه وتغطيه عاليه .


وهذي طريقتي ان شاء الله انكم تستفيدو منها واذا طبقتوها قولولي بالنسبه للمنتجات مو لازم تلتزمي بنفسها بالعكس حاولي تستخدمي اللي عندك بس جيبي اللي ناقصك .. وكالعاده احبكم جميلاتي 
 ♡

     Twitter | Instagram | Bloglovin 







هناك 94 تعليقًا :

  1. يعطيك العافيه 👍🏼😍😍

    ردحذف
  2. يسعدك ربي 😍

    ردحذف
  3. خطيره 👌🏼 جاري التجربه

    ردحذف
  4. مررررره جميله ألطريقه. شكرا

    ردحذف
  5. ماشاءالله شرح متعوب عليه ، شكراً لك استفدت❤️❤️

    ردحذف
  6. تقريبا نفس طريقتي 👍🏻

    ردحذف
  7. ماشاء الله عليك ، شرح جميل وف الصور جدا واضح الفرق قبل وبعد
    تسلمين وننتظر المزيد من هالبوستات :) <3

    ردحذف
  8. مرره حلوه الطريقه ربي يسعدك ��

    ردحذف
  9. يعطيك العافيه

    ردحذف
  10. يسعدك ربي موضوع مره مهم وحيساعد كثييير 😻👌🏼❤️❤️

    ردحذف
  11. يعطيك العافيه

    ردحذف
  12. I love you ❤️

    ردحذف
  13. راح اموت ولا بقدر في يوم اغطيها او الاقي فاونديشن كويس

    جربت كل شي وضاعت فلوسي لكن اثق فيك بجرب وبجي اوافيك بالاخبار

    شكرا اميرة

    ردحذف
  14. ان شالله بجرب الطريقة يارب تزبط

    ردحذف
  15. شكررا أم سلطان استفدت منك الله يسعدك 😍❤️❤️

    ردحذف
  16. مرره نحتاج تدوينه مثل كذا منك احد نثق فيه مثلك ❤️❤️❤️❤️
    يسعدك ربي

    ردحذف
  17. آميره ما تتخيلين شنو تعنين لي
    شعور لما تعرفين وحده في مكان جديد لحالك 😭❤️
    اعرفك من ايام منتديات الاقلاع ثم الانستقرام وانا آوائل من اضافك بالسناب❤️❤️❤️
    احبتس 🌸

    ردحذف
  18. احببببببببببببك ربي يسعدك ، عادي اسير اختك ؟؟؟؟؟؟

    ردحذف
  19. الله يعطيش الف الف عافيه ربي يسعدش ويوفقش❤️

    ردحذف
  20. الله يعطيش الف الف عافيه ربي يسعدش ويوفقش ❤️

    ردحذف
  21. مشكووره ميرا ❤️❤️يعطيك العافيه ،،الحمد لله ماعندي هالات بس عندي مسامات ��الدرس الجاي عن المسام ��يلا ندور لها حلول ��هي تخف بس ماتروح للاسف
    نستنى بوست المفضلات وفلوق اليوتيوب ����ايش رايك نعمل عد تنازلي سوا لين يوووم تنزيل الفلوووق ����
    موفقه يارب ومن نجاح لنجاح ياااارب

    ردحذف
  22. الله يوفقك اميرة تستاهلين كل خير والله الموضوع جداً جميل خصوصا انو احط اصفر بعد الكوركتر البرتقالي معلومة جديده اول مرة اعرفها يعطيك العافيه يا قلبي موفقه ����

    ردحذف
  23. تسلم يدك عالبوست

    ردحذف
  24. يسلموووواميره, مره حبيت اعجبتني الخطوات وراح اطبقهاا.

    ردحذف
  25. يعطيك العافيه ❤️❤️❤️
    انا ماكنت اعرف متى احط كونسيلر غامق ومتى فاتح 😢❤️

    ردحذف
  26. امييره .. احببك و احب صوتك و عيووشه وسلطان ❤️❤️❤️ ياربي يسعدك انتي وعائلتك الصغييره / وشكرا على الدرس الجميل عندي كلهم باستثناء نقطة تنوير المنطقه في الاخير / هند

    ردحذف
  27. حبيت الشرح يعطيك العافية .. مرة استفدت كثير

    استمري بدروس الميك اب خصوصاً بالاشياء اللي كثير مايعرف لها ويعاني منها

    ردحذف
  28. ماشاء الله بوست مفيد ومتكامل يعطيك الف عافية حبيت النتيجة وحبيت الشرح وان شاء الله اطبقها

    ردحذف
  29. طريقة جميلة و ما شاء الله النتيجة رائعة

    ردحذف
  30. يعطييج العاافيه آميرررره ومشكووره ع الشرح

    ردحذف
  31. اميرة بحثت في مدونات اجنبية حصلت الدرجة واسمها Rich Yellow/Burnt Coral هي الوحيدة اللي فيها اورنج واصفر الباقي اما يكون وردي واصفر ولا بني واورنج والله اعلم

    ردحذف
  32. مبدعه كعادتك يعطيك العافية عالشرح البسيط والمرتب نعرف قد ايش تتعبين على المدونه جيت من السناب عشان اكتبلك كم كلمه تحفزك وتشجعك الله يوفقك واشوفك دايما متقدمه للاحسن ❤️

    ردحذف
  33. تسلمييييييين واول تعليقق لي ف مدونه جميييييييل الطريقةة وباذن الله اجربها واقول النتيجة❤️❤️❤️❤️❤️❤️

    ردحذف
  34. الله يعطيك العافيه
    موضوع مفييد جاء بوقته الله يسعدك 💞
    دانه

    ردحذف
  35. يسعدك ربي ������

    ردحذف
  36. يسعدك ربي على الموضوع 😍💘💘💘💘

    ردحذف
  37. مبدعة كل عادة اميرة💗

    ردحذف
  38. يعطيك العافيه ... جاري التطبيق .. ربي يسعدك .. وانا كمان اول تعليق لي فالمدونه .. احبك ❤️❤️❤️❤️

    ردحذف
  39. شكرا ياجميله .. اعجبتني فكره الكحل البني 😂😂

    ردحذف
  40. شششكررااا اميرة الله يعطيك العافية ❤️
    انا استخدمت المصحح البرتقالي الدائري و بعده كونسيلر بيج افتح مني بدرجتين اعطاني نتيجة مرضيه لكن ما حسيته نور المنطقه بجرب طريقتك بالترتيب اللي ذكرتيه ان شاء الله ..
    ������

    ردحذف
  41. شششكرا اميرة الله يعطيك العافية❤️

    ردحذف
  42. يسسسسسعد قلبك ياارب
    موضوعك بطططططل والله
    وشرحت كل الخطوات بالتفصيل الممل 😍
    انا كنت البس نظارة طبية لمدة 10 سنين وبعد ماعملت ليزك
    صارت الهالات واضحة جداااا
    كنت عشان اخفيها ..ابدا على طول بعد ما ارطب وجهي احط كوريكتر اورنج من ماك
    وبعدها كونسيلر بعدسن الاساس
    كانت مرات تزبط ومرات كثثثثثيييير تخطط وتكون بشعة
    قررت اني استخدم مرطب خاص بالعين
    واطبق خطواتك بالضببببط ..
    وباذن الله بتكون النتيجة جمميلة 😍😍

    ردحذف
  43. روحي يا شيخه ربي يفتحلك ابواب السعاده كل اللي قلتيه ماكنت اعرفو حدي ايلاينر وروج وبلاشر كنت اسوي اساس وبيبي كريم بس اكره شكل الهالات تطلع رمادي وتركتها لي فتره طويله ما احط ذي الاشياء بجربها ومتحمسه الله يوفقك ياعسل استمري مبدعه احبك ��❤️

    ردحذف
  44. الله يسعدك ياااااميره ويخفي عنك كل الامور السيئه من حياتك ،ماشاء الله احب نقاوة روحك احبك��☹

    ردحذف
  45. شششككككراً أميره مرره يعطيك العافيه ❤️❤️
    منجد استفدت وحاجربها ان شاء الله😍❤️

    ردحذف
  46. شكرا اميره انا اسوي هالطريقه بس كم ساعه وتصير منطقة الهالات زي الغبار عليها😭

    ردحذف
    الردود
    1. العفو ياجميله ، بالنسبه للغبار انتي ممكن تكثري البودره او انك ماتدمجيها كويس وتخففيها
      فتسوي طبقه ، ممكن كمان تبخي ماك فيكس بلس ترا يخفف من منظر الغبره .

      حذف
  47. يسعدك ربي ، الشرح واضح والدرس مفيد ..
    كثير بنات تعقدهم الهالات ؛ لكن التدريب المستمر بيثمر إن شاء الله .

    ردحذف
  48. يعطيك الف عافيه أميرة من وين الكريم من زمان أدور عليه

    ردحذف
    الردود
    1. انا اخذته من دبي وممكن تلاقي اون لاين راح ادور موقع لو لقيت بقولكم تجربتي .

      حذف
  49. جمييييييل الله يسعدك❤️💕

    ردحذف
  50. جمييييييل الله يسعدك 💕❤️

    ردحذف
  51. يعطيك العافيه ما قصرتي 👏🏻👌🏻❤️

    ردحذف
  52. اميرة الجمال يعطيك العافيه راح اجرب طريقتك بإذن الله ♡♡

    ردحذف
  53. ماشاءالله تبارك الله ابدعتي ربي يوفقك وفكرتك جميلة وجداً مبسوطة انو قدرتي تفهمينا بدون مايبان شي من وجهك او يكون لكي عذر وتسلمين تسلمين بروح ذحين بجرب الخطوات وان شاءالله تكون بيرفكت🕊💕

    ردحذف
  54. برافو ....جاري التجربه

    ردحذف
  55. جميل وواضح يعطيك العافية اميره *

    ردحذف
  56. شكرا اميره ساعدتديني كثير

    ردحذف
  57. اهلا اميرة
    تدوينة جدا جميلة كانت عندي مشكله باستخدام الكونسيلر و الكوريكتور
    ينفع اثبتهم ببودرة البناي ؟

    ردحذف
  58. شككرا اميره 💗
    شرحك وافي وراح اجرب الطريقه ان شاءالله ومتأكدة بتعجبني النتيجه ..

    ردحذف
  59. شكككراا حبيبتي الله يعطيك العافية الصور ماشاءالله واضضحة والشرح بعد ماقصرتي❤️❤️

    ردحذف
  60. حبيتي اميره يعطييج الف عافيه ع هالبوست الشرح وايد واضح..
    من زمان وانا ادور حلول حق الهالات واول مره احصل تجربه بالتفاصيل، احس دايما الميكب ارتسيت ما يعطونا الشرح بالضبط!!!!!
    ان شاءالله تضبط هالمره.
    شو الدرجه الي خذتيها مال ديور فلاش هل اخذ لون قريب من بشرتي ولا يفضل افتح بكمن درجه؟
    تسلميين ايدينج ام سلطان 3>

    ردحذف
  61. يعطيك العافية ياعسل ع الشرح البسيط الرائع

    ردحذف
  62. يعطيك العافيه 👍💕

    ردحذف
  63. يعطيك العافييه يارب ، الله لو احد يسوي باليت فيه كل هالاغراض 😩 ، كوركتر ، وكونسيلر ، ومرطب للعين ، ولوس بودر ❤️❤️❤️ مجرد اني تخيلت الباليت جاتني سعاده 😂

    ردحذف
  64. الله يسعدك جداً استفدت استمري🌹💕

    ردحذف
  65. الله يسعدك جداً استفدت استمري🌹💕

    ردحذف
  66. مررررررره حبيت ماشالله الله يسعدك في اشياء كثيره حسيت لو سويتها راح تفرق معايه زي حركه الكريكتر الاورنج وبعده الاصفر وكمان الهايلايتر تبع ديور طبعا انا مشكلتي مشكله مع الهالات بس حسيت اني قاعده اطور فنفسي كل مره واحس بديت اخفيها مضبوط وعلى طاري كريم كيلز انا كنت مسافره ولقيت محلهم وتحمست دايم اسمع الناس تمدحه بس يوم دخلت نسيت اش ابغى وبعدين قلت شكله كريم العين واخذته وطلع فيه كريم ثاني واللي تبيع الا مصره اني اخذ النوع الثاني وانا عندت واخذته هههههههههههههههه فيوم كتبتي عنه قلت الحمد لله اني ماسمعت كلامها مرررررره شكرا اميره luv u

    ردحذف
  67. جاري التطبيق وما ننحرمش الابداع الدايم يا امورة :)

    ردحذف
  68. الله يسعدك ي اميره .. ماتدري كيف ازمتني موضوع الهالات بس بعد ماطبقت طريقتك جدا ابسطت :) الله ويفوقك ويسعدك يارب

    ردحذف
  69. يسعدك ياعسل ويعطيك على قد نيتك وجهدك وأكثر 💕💕💕💕💕

    ردحذف
  70. شكرا من قلب عالتوضيح ماننخرم من وجودك

    ردحذف
  71. يجنن الشرح وواضح ان شاءالله اجربها ﻻن انامرا متعبتني ربي يسعددك♡

    ردحذف
  72. ماشاء الله النتيجة بطلة و البشرة طلعت صاافية <33
    ربي يسعدك .

    ردحذف
  73. فكره مره حلوووه واضحه وسهله طبعاً كلها أعرفها قبل بس الحقيقه النتيجه مبهره ماشاء الله لازم أجرب أضاءة ديور باذن الله قريب
    والكوريكتر راح أجيبه لبنتي فيها هالات خفيفه او استغني عنه بكونسيلر تغطيته حلوه زي كونسيلر ماك جاري التجربه في اقرب فرصه ../ استمري موفقه ~

    ردحذف
  74. شكراا اميرة تسلمي انا مررة معجبة فيكي استمري للافضل ان شاء الله انتي فخر للوطن العربي بشكل عام يامبدعة ...عندي استفسار بسيط والكل يسال وين ممكن الاقي الكريم كريم ترطيب العين

    ردحذف
  75. ماشاء الله النتيجة خورافيه
    مررررة جميلة ،
    تقريبا نفس الخطوات اللي اتبعها الا الاضاءة مااستخدمها وحبين نتيجتها كثيررر
    يعطيك العافيه ي جميلة

    ردحذف
  76. نتيجة جمييييلة ما شاء الله ��
    تحمست أقوم أجربها حااالا بالا ��
    وان شاء الله تطلع نفسها

    ردحذف
  77. الله يسعدك اميرة
    النتيجة تجنن

    باعتمدها باذن الله

    شكرا

    ردحذف
  78. تصدقين انه حق ماك الكونسيل اند كوركت كنت استخدم البرتقالي تحت عيوني بس توقعت الاصفر انه هايلايت ف كنت احطه مكان الهايلات ههههه "إحراج" كان يعطي لمعه خفيفه حبيتها ... يعطيج العافية الحين بستخدمه صح

    ردحذف
  79. يعطيج العافيه ان شاء الله يضبط وياي ..
    الهالات اللي تحت عيوني مسببتلي ازمه "دموع"
    الله يوفقج

    ردحذف
  80. النتيجة حلوه ماشاءالله

    ردحذف
  81. يعطيك العافيه ❤️

    ردحذف
  82. يعطيك العافية أميرة الطريقة شرحك مرا سهل و بسيط الله يسعدك 💕

    ردحذف
  83. الله يعطيك العافيه ما قصرتي ومشكوره ع جهدك وشرحك عشان نستفيد الله يسعدك ♡♡♡♡♡

    ردحذف
  84. الله يعطيك العافيه ما قصرتي ومشكوره ع جهدك وشرحك عشان نستفيد الله يسعدك ♡♡♡♡♡

    ردحذف
  85. اميره فين الاقي الكريم بجده او مكه اي محل��ممكن

    ردحذف
  86. حبيبتي اميره بسالك عن اسم او درجة كونسيلر ميبيلين الي استخدمتيه

    ردحذف
    الردود
    1. ناسيه اي درجه بس غالبا لنفسي استخدم لايت او مرات ميديم

      حذف
  87. شوقني مصحح ماك انه سائل ماحب المصححات الثقيلة ،، شكرا على البوست الجميل

    ردحذف
  88. الله يسعدك ماقصرتي ()

    ردحذف

Back to Top