السلام عليكم ورحمه الله♥♥
لوحه الالهام من الافكار اللي اشوفها من زمان وحابتها جدا بس لااني ابغاها بطريقه معينه فعلشان كذا
تاخرت فيها :$ بس بعد ماسويتها وخلصت ندمت ليه مو من زمان لاانها طلعت اجمل مماتخيلت ♥ سو يلا نبدا
لااني زي ماقولت ماابغاها عاديه سويت ايطار بالمقاسات اللي ابغاها بالظبط "اي محل مرايات وايطارات جمب بيتكم
راح يسوي لك" المهم اخترتو خشب لون ابيض وبعدين دورت على فلين طبيعي ينباع بالمقاسات اللي احتاجها بس مالقيت :( فااخذت لوحه ملاحظات كبيره من جرير .
اخذت مقاسات الاطار "من الداخل"
وبديت بالقص بالسكينه وبعدين رتبتو بالمقص .
وبعدين ثبتيها بالدباسه .
بعدها يبدأ الشغل الجميل♥ جيبي مقص وابداي قصي اشياء تحبيها وتلهمك انا قصيت من كتاب شانيل وديور صور جميله ومن المجله الموضه للفتره الجايه من ارواج واللبس واشياء حبيتها♥ واضيفي اشياء شخصيه تحبيها♥ انا حطيت صور ليا وصور سلطان "ياشو للان ماطلعت صورها :(" وكمان عبارات ايجابيه رسمه من طفلك ♥
بعدها رتبي الاشياء زي ماتحبي ♥
علشان تضيفي لمسه انثويه للبورد جبت دبابيس مسطحه وغريت عليها لولو وفيونكات طلعو مررا كيوت♥ .
هذي النتيجه طلعو صغار ع الدبابيس بس الجود من الموجود والدبابيس الفراشات اخذتهم من فيرحن .
هنا النتيجه النهائيه مررا حبيت♥♥♥ فوق حطيت حبل وصور وكذا حلو علشان لو حابه اغيرهم يكون سهل و اليمين حطيت اشياء الفاشن واليسار البيوتي "الوان الارواج اللي بالصوره هيا حتكون موضه الفتره الجايه " وتحت صورتي لاانها راح تتغطى بشاشه الماك وهذا الشي كويس لااني دايم اصور بالسناب فتكون متخبيه افضل هههه :) .
وهنا بعد ماعلقتها في حاله حب معاها♥♥ ممكن كثير يقولو لو رفعتيها فوق افضل بس ابدا ماافضل لاانها مكمله للوح الثانيه وكل ترتيب المكتب .
زي ماانتو شايفين من الجنب جدا واضحه لاان شاشه الاي ماك نحيفه .
الورده والفيونكات واللولو لمسات بسيطه بس اضافو جمال وانوثه للبورد .
وبكذا خلصت ان شاء الله حبيتو النتيجه زي♥♥♥ بالنسبه لمكتبي قريب بااذن الله راح اسوي تور كامل واحطلكم كل التفاصيل .
لو طبقتو الافكار بليز خلوني اشوف بجد مرررا انبسط في شغلكم♥ وكالعاده احبكم كثيير جميلاتي ♥♥
وش اقول وش اخلي ؟ ماشاء الله فنانه ❤
ردحذفحبيتها، بس ما احب منظر الخشب😂💜😢
ردحذفجدا جدا جميلهه الفكره مشاء الله عليك
ردحذفتحمست اروح المكتبه ذحين واخذ فلين واقصص اوراق
ربي يسعدك ان شاءالله
:)
جمييييل ماشاءالله ❤️👌
ردحذفجميل جداجدا جدا
ردحذفمره حبيت الفكره وراح يطلع منها افكار كثيررررره
شكرا اميره وجاري التجربه❤️❤️
واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااو
ردحذفأقسم بالله جمال , تبارك الله بس ♥♥♥♥♥♥♥♥♥♥♥♥♥♥♥♥♥♥♥♥♥♥
امور شنووو هالفن ماشااءلله ♡
ردحذفمتحمسه لبيتي الجديد عشان مكتبي بس ههههههه
مره حبييييييت واحب ذوقك الي يشبهني ♡
الله الله ع الجمال و الذوق❤️ . .
ردحذفجداً جميل و راقي , يعطيج العافيـة يارب ع هالابداع.
و ان شاءالله اني بشاركج اذا غيّرت ف المكتب❤️❤️❤️❤️❤️.
أفكارك جميلة
ردحذفجداً حبيتها من زمان وأنا ابي أسويها
شكراً لك يا جميلةة ❤️❤️❤️
مرررررة جمييلة وكيوت.. حبيت جميع التفاصيل.. 💕
ردحذفماشالله ابداااع ..شغل مرتب ونظيف وفعلا ملهم 💜
ردحذفاييييي اموره مره تجنن ما شاء الله ، حبيتها وحبيت اللون الأبيض مع لون الخشب 💜🙊
ردحذفتجنن ❤️❤️
ردحذفجددا جممميله ، انتظرها من امس
ردحذفياليت التور على مكتبك لانه ودي اسوي لي مكتب و حابه مكتبك ، ابي اعرف من وين اخذتيه
:)
مرررررره حبيت ماشاءالله :$
ردحذفابداع من جد ماشاءالله ودا شيء مو جديد عليك ..
تبارك الرحمن يجنننن حبيتو
ردحذفتدوينة ملهمة شكرا لك :)
ردحذفما احلاكي يا اميره وما احلئ ابداعك دائما ادخل اقرا البوستات تبعك يجيني حماس وطاقه واجابيه كبيره الله يسعدك يارب وانتي دائما مبدعه 💜💜💜
ردحذفمبدعه علطول أميره،الهمتيني❤️
ردحذفماشاء الله اتعب واقول انتي كتلة جمااال 😩
ردحذفدائما مبدعة اميرة .. حمستيني اسويها ..
ردحذفدائما مبدعة اميرة ،، حمستيني اسويها ..
ردحذفكيوووت ماشاء الله
ردحذفلو تشوفي لوحتي حقت الالهام تجيب الهم
الا جزء بسيط يعنيني وهو العبارات محفزه
لكن بشوف لها صرفه كاني تحمست
أحط لمساتي الخاصه يسعدك
Ab_S35
ماشاء الله التنفيذ رووعه ويفتح النفس
ردحذفمن زمان ودي بشي مثل هالنظام
وتنفيذك للفكرة يحمس
باذن الله بحطها بالليست <~ يارب أنفذ الليست بس ؛_؛
مره تهبل عجبني فكره يعطيك العافيه
ردحذفاميره مره نزلتي ب سناب ترتيب تسريحه وقلتي ان بتسوي بوست ياليت تسوين بوست تنسيق تسريحه
ماشاء الله بوست جميل وتصوير اجمل متميزه كعادتك استمري والى الامام
ردحذفمرررا ماشاء الله يحمس العمل الهام حقيقي ماشاء الله😍
ردحذفماشاء الله ماشاء الله .. تلهميني اميره
ردحذفماشاءالله شغل جميل ورايق اهنيك الصراحه
ردحذففكرة وتنسيق جميل مبددعة كاعادتك 💓🌷
ردحذفمبدعة كاعادتك 🌷💓
ردحذفمره ذوق ماشاء الله حبيتها من كل قلبي
ردحذفم شاء الله قمةة في الجمال والروعه , هههه فرق بين لوحتي ولوحتج ..
ردحذفبس شكلي باخذ شوية من افكارج " اقصد وايد " وبعدل مالتي ...
ويعطيج العافيةة اموور ^^
راقية جدا جدا أهنيك عليها
ردحذفدبابيس كروك بورد تبعي ماخذتهم من كتبة عادية وألوانها مرا حلوة
ذهبي وروز قولد وأحجام مختلفة ممكن تفيدك شكلها رائع وبرضوألوانها
وبالنسبة للمكتب إذا حابة طقم مكتب في فموقع كيت سبيد أشكال شفافة راقية حتناسب مكتبك
سوري طولت عليك بس حبيت أفيدك ^^
وش اقول بس !! جمااال وذوق فاخر ماشا الله
ردحذفماشاء الله مررره جميل وملهم استمري في ابداعاتك الجميله ^_^
ردحذفماشاءالله فنانة , وحبيت لمساتك وكيف جمعتي بين الإلهام والجمال مشاءالله حبيت ذوقك وشغلك <3
ردحذفمرا متحمسة أشوف باقي مكتبك <3
وعليك بالعافية <3.
جمممميله كالعادهه
ردحذفماشاء الله مرا جميلة
ردحذفحبيتها مرا
عندي لوحة تقريباً نفس الفكرة ومعلقه فيها الحاجات اللي أبغاها تصير ليا
وعبارات محفزة ليا
بس يبغالها ترتيب
ربي يسسسسعدك حبيبتي ويعطيكِ العافية
ماشالله تبارگ الرحمن 👏🏻👏🏻
ردحذفالله يسعدگ ي رب 😘❤️
ماشاء الله تبارك الله مبدعه
ردحذفعفوا أميره في طلب مره صغيرون وهو فعلا يخجلْ بس نحن كبنآت كتكوتاات نطلب هالشيء من ناس اكبر منا تساعدنا
ردحذفياليت تتكلمي عن أشياء لنظافة المنطقة الحساسه من غسول كريمات وإلخ .
💜💜💜💜💜💜ماشاء الله مرره حبيت
ردحذفماشاء الله تبارك الله
ردحذفججججدا جميييلة وتفتح النفس ♥
تفاصيلك دائما تبهرني
ردحذفحابه اسأله وين ألقى كتاب شانيل ؟
مكتب جميل والفكره اجمل 😻 ولمساتك فرقت وابدعتي أميره 💜 وننتظر التور مره متحمسه له 👏🏻
ردحذفروعه الشعل مرتب و ملهم 😍 أهنيك على الابداع keep going ❤️🌹
ردحذفماشاء االله عليك مبدعه دائما وأفكارك سهله وجميلة
ردحذفماشاء االله عليك مبدعه دائما وأفكارك سهله وجميلة
ردحذفجميييل مررة ما شاء الله و ترتيب اجمل اقتدي فيييك صراحه اهتمام في بيتك و فيك و اناقه و ترتيب و جماال ماشاء الله فعلن اتمنا كمان تشاركينا عل انستغراام و هينا انا من متابعينك صرااحه و بقووه
ردحذفجميله اللوحة والله وكان خاطري فيها من زمان و ما حصلت عندنا الا مقاسات صغيره ضاق صدري ان شاء الله اقدر انجز مثلك ه اللوحة
ردحذفاول مره احس اني احب دي أي واي و اتحمس اسويها فعلًا شغل مرتب و مختلف و بسيط و انثوي .. اهنيك صراحه على ذائقتك ..
ردحذفلوف يو اميره .. انتظر التور بفارغ الصبر
مرحبا يا المدونه أميره , أنا من اشد المعجبين بالموضوع ..
ردحذفومن معجبينالافكار حقتك كلها ..
حاسه كها تناسب كل بنت وكل مرأه ..افكار كلها أنوثه ..وجمال
بصرآآحه أنتي انسبايريشن لي ..
احب افكارك ومعجبه فيها ...لأني ألقى كثير من افكار فيك ..
انتظر جديدك ..
ماشاء الله مررره جميله ان شاء الله راح اسويها :)
ردحذفملهمه وايجابيه 💚💚💚
ردحذفكل شيئ جميل بس لو تكتبين من وين المكتب لاني ادور علية من زمان و باقي الاشياء على المكتب " انتظر التور و بشدة "
ردحذفاول مرا اشوف احد بيرفكت مثلك اتمنى اصير مثلك او انت مشاءالله عليك استمري ")
كككيوتت 🙊💕
ردحذفربي يسعدك
ردحذفالشكل النهائي جدا جميل 💜بس وربي الاجمل الاضافات الي هي اللولو والفيونكات والحبل على بساطتها الا انها هي اكثر شي شادني واحسهم هم الي مخلينها تجذب .. ماشاء الله ذوقك جميل وطحت بغرام اللوحه 💘🌹
ردحذفسهلة و أنيقة
ردحذفالفكره تجنن <3
ردحذفتسلم الايادي وعاش الذوق الراقي
ردحذفحبيتها مره وراح يكون اسم مدونتك بلوحة الهامي الخاصه
جاري التنفيذ
فنانة يا أميره ماشاء الله
ردحذفبغيت اسألك من فين اخذتي مكتبك لو سمحتي ؟ :$
حبييييت ما شاء الله!
ردحذفلازم اطبق هالشي الجميل باقرب فرصة ممكنة
شكراً امور على الالهام المستمر
صراحه انتي ملهمتي للاشياء الحلوه والايجابيه love ya keep going ��
ردحذفجميييلة ما شاء الله ❤️❤️
ردحذف