الخميس، 4 يونيو 2015

تجربتي مع المنتجات الكوريه ♥

السلام عليكم ورحمه الله وبركاته 
من زمان نفسي اجرب منتجات كوريه احس انها كيوت وعندهم اشياء حلوه بس ماادري ايش اجرب وسالتكم مرا

ونصحتوني بكم شي واخترتهم من متجر لينو  ووصلتني منهم وهما كمان اضافو منتجات منهم علشان اجربها واليوم راح اقلكم راي 
فيها اول شي المتجر هنا حبيتو لاانو يوصف كل منتج بالعربي وطريقه الاستخدام لاان مو كل منتجاتهم مكتوب
عليها بالانجلش :|


ماسك الطماطم اكثر منتج نصحتوني اجربو ومشهور .. اول مرا استخدمتو حسيت بحراره خفيفه وخفت بعد دقايق بعد 
ماشلتو حسيت انو امتص الدهون لدرجه الحبوب اللي تجيك تحت الجلد برزها ليا وهذا الشي اكدلي انو حار وقوي نوعا ما
النتيجه جدا حبيتها حسيت نظف بشرتي من الدهون واعطاني نضاره جميله جدا وامتلاء للخطوط .


من اليسار ماسك بلاك شوجر من سكين فود انا سمعت انو حلو تستخدمي وبعدو ماسك الرز وكنت اسوي كذا
- ماسك السكر الاسود في حبيبات السكر كبيره وكثيره وثقيل نوعا ما تمدي على بشرتك وتسوي مساج و اتركو لمده
ربع ساعه تقريبا حبيتو يشيل تقريبا الجلد الميت فيعطي نعومه وترطيب ونضاره .
- ماسك الرز خفيف وفي حبيبات الرز نفس الطريقه امدو على بشرتي بمساج واتركو لربع ساعه هوا يرطب مرررا فالبشره
الجافه راح تحبو بس انا بالمنطقه العاديه كان جيد بس ماحسيت شي واو اما المنطقه الدهنيه دهنها ليا بزياده :$


انا بجد انتظمت عليهم هالماسكات اللي بجد لاحظتو بشرتي بهالفتره جداا تحسنت ! ! مااقدر احكم من اي واحد منهم 
لااني استخدمتهم كلهم وعارفين فتره الحمل البشره تتعب بس بجد معاهم بشرتي تحسنت المسامات صغرت اللي بالانف
والرؤس السودا جدا خفت بشرتي نضره وجميله ومافيها علامات التعب كنت اقول اذا خلصت حمل حسوي تنظيف بشره
بس بجد اذا استمريت عليهم احس مااحتاج ان شاء الله ♥ 
بس ماسك الرز هوا اللي ماحسيتو مرا لااني زي ماقولت ماحسيت نتيجتو فرقت معايا وكمان يدهن التي زون 
بس لو بفتره بشرتي كانت جافه راح استخدمو .
بس زي ماقولت الانتظام والاستمرار هوا اللي يخليك تشوفي نتيجه 


ماسك للشعر التالف .. شعري تالف الاطراف اعطاني ترطيب وسط تقريبا مو عالي وبنفس الوقت مو اللي يدبق بس توقعت
ترطيبه يكون اعلى بصراحه ملمس الشعره ناعمه ورطبه بس النفشه موجوده حبيت فيه ريحتو جميييله وفوااحه تقعد يومين 
جد اتحمس استخدمو اكثر شي علشان الريحه .


مزيل للرؤس السودا من على ثلاث خطوات الاولى تفتح المسام والثانيه تشيل الرؤس والاخيره تقفل المسام 
ما شالي الرؤس السودا كلها شال تقريبا ٤٠ بالميه بس .


جل صبار من يستخدم للبشره والشعر وكل شي بصراحه انا مااحب ريحه الصبار فماقدرت استخدمو لبشرتي او جسمي
استخدمتو للشعر كذا احطو قبل الشور ماحسيت بفرق :$ احسو جيد ولا اعطيتو حقو بس انا الريحه عندي تاثر لو مااحبها
تخليني اتجنب المنتج :\


مرطب لليد بالخوخ .. يوعد انو يفتحها وكذا ترطيبه حلو بس يعني حق كم ساعه مو الترطيب العميق استمريت عليه فتره قبل
النوم لاحظت نضاره بيدي ونتيجه جميله بس تركتو رجعت  ايدي زي ماكانت .


قلوسات بصراحه شكلهم كيوت وكذا بس طفولي هيا اللي تحطيها وتعطيك زي اللمعه وترطيب كانت عاديه احسها حلوه
هديه لبنوتات صغار .

الماكرون الكيووت♥ من زمان اشوفو عند اليوتيوبر ونفسي فيه ونفس حالتهم استخدمتو كديكور جدا كيووت ترطيبو جيد
الخفيف ع الشفايف حق كم ساعه بس يعجني انو مو من النوع اللي يسوي طبقه وتتقشر لاانو خفيف اصلا .

هذا المنتج زي البي بي كريم والسي سي كريم من تولي مولي فيه نسبه وقايه من الشمس ٣٠ فينفع للنهار
اول شي لونو جدا فاتح اول مااحطو كاانو قناع هههههه بس شويات يبدا ياخذ مع حراره البشره تغطيتو خفيفه لمتوسطه
ويندمج بس برضو فاتح بس مع بودره برونز شي خفيف تمام حلو يعطي نضاره للبشره جدا جميله وينور البشره زي الكوريات
من جد !! بس بعض الاحيان يكتل معايا ولاحظت مايبغالو كميه كثيره اذا حطيت يعني نقطه ممكن تكفي الوجه كامل لو كثرت يكتل ويبهذل .. حلو بس اتمنى لو في درجات منو .
وبس هذي تجربتي مع المنتجات بالنسبه لموقع لينو بجد حبيتو حسيت موقع ثقه وشامل ومتخصصين لكل شي تبع كوريا
وكذا يعني بكل امانه لو افكر بيوم اجرب شي كوري راح اخذ منهم

وانتو ايش جربتو من منتجات كوريه وكيف كانت تجربتكم ؟ شاركوني بالكومنتس نستفيد كلنا .. واحبكم كالعاده جميلاتي 






هناك 16 تعليقًا :

  1. شكراً انك قلتي تجربتك بصراحه دايمن اسمع مدح بزياده وكنت ابغى اجرب بس تجربتك بتفيدني بالاشياء الكويسه و الاشياء الي شكل جد شكراً لانك رجعتي تدوني

    ردحذف
  2. جل الوفيرا
    انا استخدمه للوجه يناسب اكثر لو بشرتك حساسه يهديها
    ماسك الارز والطماطم ناويه اشتريهم ان شاء الله 👍
    انا بشرتي من نوع مختلطه وحساسه 💔 واخاف يزيد نسبة الدهون بالتي زون بس شكلي بستخدمه بعد ماسك الطماطم😍

    بس عندي سؤال ماسك الطماطم ريحته طماطم ؟ ﻻني اكره ريحته 😣

    ردحذف
    الردود
    1. ماسك الطماطم ريحته عطر.. ابدا مو ريحة طماطم

      حذف
    2. ماسك الطماطم ريحته عطر.. ابدا مو ريحة طماطم

      حذف
    3. ماسك الرز للبشرة الدهنية ابد ماانصح بي

      حذف
  3. جربت مرطب الكب كيك مره جميل

    ردحذف
  4. يعطيك ربي الف عافيه على مجهودك
    ومرررا افدتيني لاني ابي اجرب كم شغله من اول بس كنت متردده
    بس بسألك ، الكريم اللي على شكل تفاحه مكتوب بالموقع انه لليد كيف استخدمتيه للوجه :"(
    ومرا شكرا

    ردحذف
  5. حبيت البوست مع اني ماحربت ولا منتج ولا كان براسي بس حبيت اشكالهم اكثر تحسيهم كيووت 😍
    يعطيكي العافيه اموره

    ردحذف
  6. اميره الله يسعدك جربتي هالنتجات وانتي حامل؟؟؟

    وانا حابه اطلب من برا اش تنصحيني بشركه شحن

    ردحذف
  7. للامانه ما جربت ولا شي مع اني مسجله بالموقع من فتره طوويله وفي شغلات حابه أجربهااا وسمعت عنها بس مشكلتي التردد هو العائق اللي لو اتخلص منه أمور كثيره راح تتغير حتى بحياتي الله كريم / حبيت تجربتك كنت متحمسه لماسك الارز بس بما ان عندي منطقه التي زون دهنيه يمكن ابطل منه وفي بدائل وأن شاء الله لو طلبت وجربتها راح أنزلها في حسابي في الانستاا . 😘🌹😍👌🏼

    ردحذف
  8. حبيت تجربتك,يازينك ياميره وزين عفويتك:(
    بالنسبه لي أنا أعتبر نفسي مدمنه للمنتجات الأسيوية,أستخدمت ماسك الطماطم ومثلك حسيت بحرق بالأول بس نتايجه حلوه وفعلاً برز الحبوب اللي تحت الجلد! أنصدمت بالواقع المر لأني كنت أظن بشرتي صافيه 100%.
    ماسك البلاك شوقر أستخدمته وحبيته مره وأمي بشرتها جافه وحبته أكثر.
    ماسك الأنف أستخدمت واحد من ماركه ذا فيس شوب,ولا فيه أي نتيجه تذكر يمكن شال 10% وكثير عليه بعد,وأستخدمت ماسك شفايف من عندهم مُجرد ترطيب وشويه امتلاء,مرطب العسل فعلاً مرطب جبار للشفايف وحبيته,مرطبات لليدين ع شكل قطط شكلها كيوت وتفتح النفس لكن الترطيب مو ذاك الزود بس حلو.
    شريت من عندهم بودرة للجسم تعطي لمعه وحسيتها كويسه تجميلية وليس علاجية,ايضاً شريت كريم مُفتح للهالات ويعتني فيهم شهر كامل أستخدمته مع نومي المنتظم وللأسف مافيه أي نتيجه تذكر.
    مقشر كيور الياباني فعلاً فتاك,مجموعة لوفيلي ميكس من ذا فيس شوب أفضل مجموعة جربتها جباره.
    جربت السي سي كريم والبيبي كريم تقريباً من أشهر الماركات الكورية وبعضها صاب وبعضها خاب.
    ياه كأني طولت؟,أدري لاكملت ماراح أخلص وبكتب بوست بدال رد.
    شكراً أميره ع التدوينه.

    ردحذف
  9. عندي تخوف من المنتجات الكوريه :/ احس انها بتكون مرا كويسه او مرا مرا سيئة وأحس مقدر اجازف :|

    ردحذف
  10. ماسك الأرز والسكر الأسود عندي حلوين حبيتهم...

    والماكروناااااات حاخذهم قريب كمان كديكوريشن مره جنان...

    ردحذف
  11. المنتجات الي اشتريتها من متجر لينو كمان ! جربت جل الصبار و ما حسيت صار فيه فرق كبير ! و كمان اشتريت مجموعة الأرقان حقت الشعر لاحظت فرق في شعري من اول اسبوع انو شعري ما صار متقصف بس انا شريته على اساس انو يكثف الشعر و ما لاحظت تغير كثير !! و شريت حق الرؤوس السوداء الصراحة ليتني ما شريته ما سوا لي اي شيء T-T
    علعموم شكراً على التدوينة استفدت منها بصراحة ^3^

    ردحذف
  12. جربت ماسك الطماطم و بجد لاحظت نتيجه و قلت اثار الحبوب بالتدريج
    جل الصبار عمل لي حبوب و ينكن كون بشرتي حساسه بس استخدمه للشعر
    افكر اجرب ماسك الرز كون بشرتي جافه احيانا ..

    شكرا لتجربتك :)

    تدوينه جميله

    ردحذف

Back to Top