الأحد، 31 مايو 2015

الصيف جا ولازم نحمي بشرتنا ♥

 السلام عليكم ورحمه الله 
مررا وحشتوني ووحشني التدوين والرجعه لحياتي الطبيعيه 
اليوم البوست مختلف وراح يكون في مواضيع زي كذا مستقبلا بمدونتي ،، فكره البوست اني اعرفكم على منتجات جديده
نازله بالسوق لاان غالبا انتظر اجرب المنتج علشان اكتب عنو وعدا الوقت وانا اجرب هذا وهذا وحايسه بينهم وبالاخر
لا انا اللي نزلت عنهم ولا انتو استفدتو !! فقررت اسوي مواضيع تكون تعريفيه عن منتجات جديده وبنفس الوقت انطباعي
عنها او انطباعي الاول عنها اليوم حعرفكم على منتجات وقايه من الشمس للكبار والصغار اللي احنا مستهونين فيه !

بالبدايه اقولكم انا انسانه كنت مهمله ناحيه الوقايه من الشمس واتكسل بس بعد الجامعه ندمت ندمت جدااا اني كنت 
مهمله هالنقطه !! للان اثار الحروق من الشمس عندي ! وعندي نمش بسبب الشمس :$ فبجد لا تستهوني بهالموضوع .


الماركه اسمها اوشن بوشن من اليمين بخاخ واقي من الشمس حبيت فكرتو لو كنتي مستعجله ويناسب البشره الدهنيه علشان
ماتزيد بالدهون لو لوشن ويدبق معاها ، والثاني لوشن حلو للبشرات الجافه جربتو مرا حبيتو وناسبني خفيف وماايدبق اهم نقطه عندي انو مايدبق لااني بعضها تنرفزني الى مااغسلها وارتاح :$ خفيف وريحتو حلوه بجد حبيتو وناسبني وجميل انو يحتوي على فيتامين اي وكل منتجاتهم خاليه من البارابين 
زي ماانتو شايفين فوق لهم ٣ درجات ٣٠ و٥٠ و ٧٠ انا كنت احسب كل مازاد الرقم زادت قوته واكتشفت انو هالرقم معامل
الاس بي اف يدل ع المده اللي راح يحميك فيها ومو ع القوه !! 


الحجم الصغير جدا جميل للشنطه وزي ماقولت معامل الاس بي اف يدل ع المده فمثلا انتي بشرتك بعد ١٠ دقايق تبدا
تتاثر من الشمس فالمعامل ال ٧٠ يعطيك ٧٠ مره حمايه مثل جلدك ،، فيعني تحتاجي تجددي كل كم ساعه فحلو يكون
بالشنطه 
بالنسبه للوجه نازل نوعين الدائري حبيتو انو للوجه والشفايف والاذن حسيتو بطل وقت مانسوي تان مانقعد نشيل واقي 
لكل شي خلاص هذا على كامل الوجه ،، كمان مسوينو انو تحطي فوقو ميك اب عادي عن نفسي حسيت قوامو ثقيل ع وجهي بس توزع بسرعه ومااعطاني الطبقه البيضا هذا كتجربه اوليه،، الثاني للوجه بقوام اخف راح استمر بتجربتهم علشان اسويلكم ريفيو عنهم لاان كثير تجيني اسئله  عن واقيات الشمس من بنات الجامعه .


في منها للاطفال نفس الشي بخاخ ولوشن سلطانجدا انبسط ع البخاخ سريع وبارد فسار مرا يتحمس معايا ويحطو
من غير ملاحقه هههههه .


والوردي للبشره الحساسه والبيبز 


والازرق للسبورت ميزتو مقاوم للمويا ٨٠ دقيقه ويمكن استخدامه على جلد مبلول و خالي تمام من الزيوت في منو لوشن
وبخاخ .
اوشن بوشن متوفره بااغلب الصيدليات زي النهدي وادمه والجميله والسقاف واسعارهم معقوله ،، ان شاء الله استفدتو من
البوست ولو كان لكم تجربه مع منتج من المنتجات ياريت تشاركينا هيا نستفيد .، وكالعاده احبكم ياوحشيني 










هناك 18 تعليقًا :

  1. ياعمريييييي الي واحشانا اكتتتتتتتتتر حبيبتي الحمد لله ع سلامتك وجاء البوست ف وقتو طيررررران ع النهدي 8________*

    ردحذف
  2. جد ليكي وحشه مرا كتير ❤️💕حبيت التدوينا وانا من النوع الي اروح الصيدليه واتفرج بواقي الشمس احسهم كلهم زي بعض بس دا شكلو يحمس
    شكراً عشان رجعتي تدوني جد اشتقنالك 😘💜💕

    ردحذف
  3. ووانتي كمان وحشتيناااا بقوووووووووه حبيت الموضوع وخصوصا انو انا ناويه اغير واقي الشمس حقي حق فيجي وياليت يكون فيه بوستات عن الطبخ والاشياء الجميلة ذي

    ردحذف
  4. واخييرا نزلتي بوست مره اشتقنا لك

    ردحذف
  5. اهلا بجميلتها الشقراء اهلا 💁✨
    اشتقت لك واشتقت لك اخيراً اميرة طبيعية هههه
    حلوة الفكرة بين مشتريات وبين ريفيو حب وسط
    كـ رأى اول ..
    انا استخدم حماية بيوديرما
    وبجيب جديد إن شاء الله اجرب هذا ( إن شاء الله القى مااحب ادوّر خصوصا بالصيدليات اطلع باشياء غير الي جايه عشانها هههههههههه
    شكله لعبة ماينلام سلطان ماما حطي 😂❤️.
    احبك ياوحشتيني 👋🏼❤️

    ردحذف
  6. اميرة ليش رجعتك للتدوين باعلان؟ مدري ليش ما تقولي ان المنتج مرسل من الشركة؟ من حق متابعاتك عرفو لو هالمنتج اختيارك والا ارسلته شركة للتسويق. ما اشكك في تجربتك بس للأمانة المفروض تذكري هالشي. يعني هالمنتج لو كان من ديور كان ذكرتي انهم ارسلوه. بليز لا تتغيري ما حببني فيك الا المصداقية و من حقك تعلني و تسترزقي بس لازم توضحي انه المنتج مرسل مثل كل اليوتوبرز و البلوقرز الاجانب.

    ردحذف
    الردود

    1. كل المنتجات اللي تنرسلي اوضح هالشي من اصغر شركه لااكبرها سواء ديور او غيرها ،، وبهالتدوينه انا ماقلت اشتريت المنتجات ابدا وواضح جدا انو من الشركه مرسله ليا ولا بالعقل انا راح اشتري كل هالمنتجات من نفس الشركه واشتري الواقي بكل الدرجات !! التدوينه كلها تعريف بالشركه ومنتجاتها ،، صدقيني مصداقيتي اقوا من مصداقيتك لاانك لو بجد تعرفيني ومصداقيتي ماكان اول كلمه كتبتيها ليا بعد رجعتي انو ليش راجعه بااعلان ؟! كان باامكاني ماانشر ردك لاان واضح نيتك من كلامك ومحاسبتك ليا من اول كلمه كتبتيها!! نشرت ردك لااني واثقه من نفسي ومصداقيتي ! الحمد لله ماحد يقدر يشكك بمصداقيتي ولو واحد بالميه لااني اخاف ربنا قبل كل شي ،، وحبيبتي البلوجرز الاجانب اللي تقولو عليهم يسوقو عليك منتجات كثيييره وانتي مو عارفه شي !

      حذف
  7. جميل جدا اميره يعطيك العافيه يارب و يكتب اجرك على مشاركتنا بكل شي تستفيدي منه

    ردحذف
  8. جمييييل حبيت البوست الله يسعدك

    ردحذف
  9. حمستيني اجربو :)

    ردحذف
  10. جميل حبيت فكرة البخااخ

    ردحذف
  11. الحمد لله علي سلامتك
    تدوينه مفيده والفكره مرره جميله

    ننتظر جديدك داايم

    ردحذف
  12. اهلا اميره ، يا جمال رجعتك للتدوين ، اشتقنالك !

    وأكيد ما أحد يشكك بمصداقيتك أميره حبيبتي ، ممكن الأخت خانها التعبير لا أكثر، و طالما هي متابعه وعلقت معناته رأيك يهمها !! :)

    زي ما أكيد رأيك يهمنا و أنا أحب بوستاتك وعفويتك ، ربي يسعدك ويحفظ لك ولدك يارب .. و ننتظر جديدك دائماً .

    :)

    ردحذف
  13. هلا هلاوالله اشتقنالك كثييييير بس "من طول الغيبات جاب الغنايم"❤️
    بوست جاء بوقتو شكرًا اميره.لاتطولين علينا❤️❤️

    ردحذف
  14. رغم إني مؤمنه بضرورة الواقي الا اني مهملته ، جربت كم مرا وكلهم ماناسبوني ، شكلي بجرب هالمره هذا ، حبيت انه اقدر استخدم الفاونديشن بعده ..

    ردحذف
  15. جميل ! تحمست اجربه

    ردحذف
  16. كنت حايسة ادور واحد علشان الدوام قرب :( بس الله يسعدك فكيتي ازمتي
    حبيت اسئلك الازرق ممكن نستخدمه للوجه ؟
    وشكراً ، ربي يسعدك ويوفقك ويخلي لك حلوينك .

    ردحذف
  17. موضوع جداً مهم ❤️❤️❤️❤️

    ردحذف

Back to Top