الجمعة، 27 فبراير 2015

ريفيو لستريترز جوسي ايبر واي نوع منهم يناسبك ؟! ♥

    

السلام عليكم ورحمه الله 
ستريتر او سيراميك او ليس حسب كل ناس ايش يسمو  :$ من جوسي ايبر انشهرت مرا وكثير تجيني اسئلهايهم افضل
بما انو عندي اتوقع كل الانواع فقولت رراح اسويلكم ريفيو على كل نوع واحاول اشرح يناسب لمين لاان كل واحد له ميزات .

البينك هوا سيراميك ١٠٠ بالميه عرض ١ انش / اللي بالوسط اسرع سترينتر بالحراره / اخر واحد ستريتر للشعر
الجاف او رطب اختيارك للنوع يعتمد لنوع شعرك واحتياجك عليها قرري ايش تاخذي  .

هذا النوع سيراميك ١٠٠ بالميه فاامن على الشعر مايعدمو وكذا اللي عندي واحد انش في اعرض بشويه احس افضل
خفيف وشكلو الخارجي ولونو مرا حلوين يجي بالوان كذا قويه بينك وموف وفي الزيبرا يعني شكله الخارجي جدا جميل .
سعره ٣٥٠ ريال .
مافي الا زر واحد اللي يشغل ويطفي ومافي تحكم بالحراره ثابته بس حرارتو عاليه احبه علشان نحيف اقدر اسوي فيه ويفي.،
عن نفسي احتااج اعيد على الخصله مرتين يعطيني النتيجه المطلوبه .
هالنوع احس مناسب للشعور متوسطه الطول ومتوسطه بنعومتها لو شعرك طويل بيتعبك لاانو زي ماقولت ١ انش
فخذي نفس النوع بس الاعرض بس لو شعرك مجعد مرا مااتوقع يناسبك لاانك تحتاجي حراره اعلى .

اسرع ستريتر بالعالم "زي مابتقول الشركه" اسرع من ناحيه الحرار ومن جد بثانيه وحده الا هوا حاار خفيف ونحيف
فيه ميزه انو مايعدم الشعر بالحراره  وشكله الخارجي مرتب بس مافي منو الوان .
سعره ٥٠٠ ريال واحسه كثير عليه شويه :$
في زر واحد شكل عجله هيا اللي تشغل وتطفي وبنفس الوقت تتحكم بدرجه الحراره اللي توصل ٤٥٠ ، بوقت
قصير اذا رفعت الحراره الخصله امشي عليها مرا وحده وممكن الاطراف مرتين اخلص بدقايق واحبه نحيف اسوي فيه
ويفي ، هوا اكثر نوع ناسبني كااستخدام شخصي شعري متوسط الطول وكيرلي ناعم والشعره ناعمه بس الاطراف معدومه
فااحتاج شي حرارتو عاليه لاانو عارفين الشعور المعدومه مع الستريتر اذا ماكان حرارتو عاليه بعد ساعات ينفش :$
"كانت معاناتي قبل مااعرف جوسي ايبر انو شعري ستريت بالبيت اوصل العزومه يسير منكوش هههههه" .

النوع هذا ينفع لشعرك وهوا جاف او رطب "رطب يعني فيه مويه شويا مو يقطر !" شكله الخارجي عادي اعرض واحد فيهم
١ ونص انش وماقدرت اسوي فيه ويفي بسبب العرض وثقيل مقارنه بالباقيين بس عموما مااشوفو ثقيل اللي متعب .

فيه زر واحد يشغل ويطفي وكمان يتحكم بالحراره لها ٤ درجات توصل ل ٢٢٠ ، هذا النوع اول واحد منهم جربتو
وحبيتو وكان المفضل عندي بالذات باايام الجامعه بصراحه يفك ازمااات دايم اخذ شور و ابغى اسوي شي بسرعه
والاستشوار ياخذ وقت فهذا كان منقذ !! ومن جد حتى لو شعرك رطب واستخدمتي ماتسمعي "تششش = صوت الشعر
وهوا ينحرق هههههه" تحسي امن ، فيعني لو كنتي من النوع اللي دايم مستعجل ويسوي بااخر لحظه بينفعك .
"حاليا بموقعهم شوفت شكلو متغير فماادري ايش اللي عند الوكيل عندنا  الشكل اللي عندي او الاجدد"
سعره ٤٠٠ ريال واحس يستاهل لاان ميزه انو يستخدم والشعر رطب ميزه حلوه .

كلهم احب فيهم ميزه انو السلك ينلف معاك وتشتغل على ١١٠ و ٢٢٠ الكهربا .

انا بصراحه مو من النوع اللي يستخدم الستريتر دايم ماادري احسو مرا يعدم الشعر :|واحس ضروري حامي من الحرار
قبل ماتستخدمي استخدم اتز اتن او تريسمي طالبتهم من درج ستور وحكيت عنهم قبل .

وبعد مااخلص استخدم سيروم على الاطراف بس يرتب الشعر ويعطي لمعه خفيفه بس انتبهي لا تكثري .

زي ماقولت اختيارك يعتمد على شعرك واحتياجاتك .. اللي عندي كلهم من الوكيل موجود بكشك بحياه مول / غرناطه /
بانوراما وبجده بمجمع العرب والشرقيه بالظهران مول .

ان شاء الله تستفيدو من الريفيو ..احبكم ياجميلات 




هناك 36 تعليقًا :

  1. شكرا لك استفدت منك

    ردحذف
  2. ما جربت هادي الشركة في السرميكه بس دحين سرت اشتري بواريك عشان ما احب اسوي شعري يتعب ومضر لشعر
    حالياً افضل البس و اعمل الميك أب و ارفع شعري و نقي الباروكه الي تناسب لون و شكل و طول لا شعري يخرب من السخونه والمثبتات الحمدلله راحه
    ولو رحتي لصالون تعمل شعرك ما يطلع زي ما تبغي

    ردحذف
    الردود
    1. من فين تشتري بواريك وهل شكلها طبيعي ؟

      حذف

    2. حبيبتي بس حابه اوضحلك انتبهي من البواريك حكمها حرام ياريت تقري عنها ♥♥

      حذف
  3. ربي يسعدك
    ريفيو خفيف وبيفيد الكل
    بالنسبه لي عندي الفوشي ومرتاحه عليه وطمعانة في ghd
    يعطيك العافيه والله يقومك بالسلامة

    ردحذف
  4. يعطيك العافيه ع البوست
    اختصرتي علي الوقت لانو مفكره اجيب لي واحد جديد وها البوست ساعدني سو شكرا =)

    ردحذف
  5. جا بوقتو بصراحة
    سويت نفسي يعنني وعطيت بنت اختي حقي وقلت لامي أبغى واحد جديد هههههههه
    وراح أخذ البينك أن شاءالله
    لان شعري وسط مو مجعد بس نافش وفوقها انا ابغاه عشان اقدر اسوي فيه ويفي

    شكرااا أميرة الله يسعدك يارب ..

    ردحذف
  6. من فترة أفكر في هذه الماركة لأشتريها لأختي
    عندي ghd وأحبها جدًا لكن أغلب تجارب الناس معها حاليًا على موقعهم تقول أن الجودة انخفضت ولم تعد كما كانت للأسف شيء محبط
    شكرًا على المقارنة والمعلومات المفيدة :)

    ردحذف
  7. غطيتي حتى على ادق تفصيله موفقه

    ردحذف
  8. ربي يعطيك العافية اميرة 💗
    إن شاء الله احس الي يستاهل اشتريه واجربه الي يستخدم للشعر الرطب والجاف معاناة من جد مع الجامعه ههههه

    ردحذف
  9. البوست جميل يعطيك العافيه
    انا جربت الفوشي و اخذته من الوكيل في دبي
    و جميل مره و ناسبني بس اكثر شي ازعجني فيه
    هو ريحة شعري بعد ما ااعمله كأنه فيه شي محروق
    مادري اذا صارت لك او لا و لما سالت عنها قال لي
    اذا الشعر مصبوغ او فيه حنا اكيد يطلع له ريحه
    ماادري اذا كلامه صحيح (:

    ردحذف
    الردود
    1. من جمالك
      الريحه هذي لو كان في شي بشعرك مويا وممكن من الصبغه لاان هالمواد زي اللي تتحرق
      فيطلعلك الريحه .. ممكن تستخدمي عطر للشعر بعد ماتخلصي راح يريحك . عطر الشعر اللي عندي من شانيل ♥

      حذف
    2. من جمالك
      الريحه هذي لو كان في شي بشعرك مويا وممكن من الصبغه لاان هالمواد زي اللي تتحرق
      فيطلعلك الريحه .. ممكن تستخدمي عطر للشعر بعد ماتخلصي راح يريحك . عطر الشعر اللي عندي من شانيل ♥

      حذف
  10. يعطيك العافية حياتي 😙

    ردحذف
  11. تسلمي يالغلا على هالبوست الاكتر من رائع 😙

    ردحذف
  12. إنعدمت شعورنا من كثر مانستخدمهم :(

    ردحذف
    الردود

    1. حاولي تخففي منها ترا بجد تعدم الشعر :/

      حذف
  13. السيرم حلو بعد الاستشوار بس مشكلته اذا كثرتي منهه يزيت بالشعر :((

    ردحذف
  14. الله يسعدك
    ممكن تعطينا تفاصيل اكثر عن النتيجة ! يعني يعطي نفس فرد الصالونات ؟؟
    اثق برأيك واتحمست لما شوفتك حاطه رفيو عنه ، لأني ما اشتريت الفير إلا بعد ما شوفت كلامك عنه ،، وطلع بالضبط نفس ماقلتي 😘❤️

    ردحذف
    الردود
    1. ويسعدك يارب .. يعتمد على نوع شعرك بس الستريتر الكويس واذا ناسب شعرك راح يعطيك نفس فرد الصالونات
      وانا مااعرف نوعيه شعرك مااقدر احكم على النتيجه بس شوفي مقارنتي ومنها راح تعرفي ان شاء الله الانسب لك ♥

      حذف
  15. مرررره حبيت البوست وغطيتي فيه كل التفاصيل ريحتيني من التدوير هنا وهنا
    انا عندي الحجم الميني مرره صغير يمكن نص انش اخذته مع الفير عرض ينفعني للغرة واطراف الشعر بس مرره متعب لو ابغى اسوي شعري كامل وكنت محتارة اخذ اي نوع واي مقاس بس بعد شرحك قررت اخذ للشعر الجاف والرطب لانو انا من نوع اللي يجهز باخر لحظة ويادوب دا ينفع معايا

    ردحذف
  16. تدوينه متكامله يا اميره
    بس ذكرتي انه متفر بمجمع العرب بجده وين في اي محل ؟

    ردحذف
  17. اخر واحد اشتريتو ب ٢٦٠ فرق السعر !

    ردحذف
  18. بوست جميييل يسعدك ربي .
    حبيبتي اميره بس بنبه على شغله الكشك حق جوسي ايبر الي كان بمجمع العرب شالوه وانا رحت وما لقيته ، ولمن رحت عزيز مول لقيت الكشك حق جوسي ايبر موجود هناك يعني نقلو الكشك من مجمع العرب لعزيز مول وبس ♥♥♥ .

    ردحذف
  19. مشكوووره ياعسل مدونتك جدا مفيده جزاك الله خير
    بسألك الحين لو اشتريت السيراميك هل اقدر اعمل ويفي ؟ يعني ما احتاج اشتري فير؟

    ردحذف
  20. انا حابة أخذ البنك حابة اسوي فية ويفي وانا شعري طويل هل يناسبني و إذا أخذت الاعرض يناسب اسوي فية ويفي

    ارجو الرد

    ردحذف
  21. أزال المؤلف هذا التعليق.

    ردحذف
  22. انا شعري طويل وكيرلي يعني اخذ اللي للجاف /الرطب بما انه اعرض وحرارته عالية! 😟

    ردحذف
  23. انا عندي اللي لونه اسود وابيض نمري .. من جوسي ايير .. لايكون مش اصلي😢

    ردحذف
  24. طيب حبيبتي بسألك
    لان نوعية شعري كيرلي وينفش وطويل
    هل بيناسبني الجاف الرطب
    وهل هو سريع ولا يحتاج اعيد عليه اكثر من مره😢
    لاني نفسي اغير ستايلي بدل الكيرلي ويكون استخدامي دائم

    انتظر ردك لاني مرره مستعجله ابى اشتريه ومتحمسه
    بس خايفه يكون موهالقد💐
    وشكرا 😘

    ردحذف
  25. طيب حبيبتي بسألك
    لان نوعية شعري كيرلي وينفش وطويل
    هل بيناسبني الجاف الرطب
    وهل هو سريع ولا يحتاج اعيد عليه اكثر من مره😢
    لان نفسي اغير ستايلي ويكون استخدامي دائم

    وانتظر ردك حبيبي لان متحمسه
    لكن اخاف يكون موهالقد

    وشكرا 😘

    ردحذف
  26. حامي الحرارة والسيروم من اهم خطوات التعرض للحرارة ❤️❤️❤️❤️

    ردحذف
  27. انا عندي نفس الوردي بس لاحظت انه الطبقه الخارجيه العلويه ساخنه فهل هذا طبيعي ولا الجهاز فيه عطل مع العلم انه المقبض عادي مش ساخن بس الجزء العلوي

    ردحذف
  28. حبيبتي انا ادور اللي بالنص من مده من وين اشتريه او لو تعرفي وحده توفره لي بكون ممنونه لك ربي يسعدك 🌹

    ردحذف

Back to Top