الثلاثاء، 15 يوليو 2014

ريفيو لمجموعه الجسم من لورا مارسييه ♡




السلام عليكم ورحمه الله وبركاته 

لورا مارسييه ماركه امريكيه تنتج ميك اب ومنتجات للجسم وعطور الماركه جميله ومرتبه 

عندي مجموعه الجسم منهم مكونه من بودي سوفيله .. مقشر للجسم .. هوني باث = صابونه البانيو :$ وشمعه .
المجموعه اللي عندي بريحه عنبر وفانيلا بصراحه انا وصيت صاحبتي عليها واول ماقالتلي انو في بريحه العنبر والفانيلا
قولتلها جيبيها من غير تفكير لااني من محبي ريحه العنبر والفانيلا "بس مو اي فانيلا" والحمد لله توفقت بالريحه جدا جميله وهاديه  وشايفين كيف شكلهم راقي وفخم 



البودي سوفليه .. هوا كريم للجسم مسمينو سوفليه على ملمسو ونعومتو من جد ملمسو غير عن اي كريم !
ترطيبو ماحسيت بشي واو حلو يعني حق نص يوم اذا انتي بمنطقه جافه زي الرياض :$ بس ريحتو جميله
وثاابته تمسك بملابسك مرا حتى مسكت بشرشف الصلاه وجلست كم يوم ماسكه !! شي جميييل ثبات الريحه 
بس الريحه تثبت اكثر لو استخدمتي المجموعه كامله .



البودي سكرب = مقشر الجسم .. قوامو وسط يمتد بسهوله وحبوب التقشير صغيره وكثيره احب هالنوع من المقشرات
مايذوب بسرعه مع المويا ولمى تغسلي منو لازم تمسحي تمام .. ريحتو نفس كامل المجموعه جميله ويساعد على ثبات
الريحه اكثر بس نتيجتو كمقشر عادي ماحسيت بااختلاف عن مقشرات الجسم العاديه .



الهوني باث = صابونه البانيو .. يالله كميه جمال بهالجار او القزازه
♥ حبيتو يخلي المويا ناعمه بشكل كاانها حرير !!
يعمل ببيل بالباث بس مو كثير اجمل شي جربتو للباث هوا للان .


اخر شي شمعه او بقايا شمعه هههه .. يالله كنت مستهونه فيها وساحبه عليها ماادري امكن علشان الباكجينج عادي جدا
مقارنه بباقي المجموعه !! المهم انها بطله مرررا تحرق شي بسسسيط وتنشر ريحه لمنطقه كبيره 

راي بكل المجموعه بطله انو من ناحيه الباكيجينج علب قزاز مرتبه تحسي شي راقي او من ثبات الريحه البطل  بس
زعلانه اني مااخذت العطر اتوقع مع العطر بيكون ثباتها يوم كامل بقوه وريحه فواحه رائعه !
جميله جدا للسهرات والمناسبات حتى بالبيت احب استخدمها لو حابه اغير جو واروق ثاني مرا راح اخذ المجموعه كامله بس ممكن 
استغني عن السكرب بس لازم اخذ العطر . 
المجموعه كامله اخذتها ب ٣٥٥ من هارفي نيلكز بدبي وفي ببلومينج دايلز "اشكر متابعتي اللي صححتلي " اتوقع انو كان عليه عرض وقتها .. وفي بموقعهم تقدري تطلبي 
اون لاين اذا مو غلطانه .. حلوه فكره المجموعه اللي زي كذا كهديه بالذات لو لعروسه 
بس بجد انصحك اذا شوفتي الماركه تجربي شي من منتجاتهم للجسم لاانها جميله وتستاهل التجربه .

                                      




هناك 15 تعليقًا :

  1. كأنو قلتي قبل كدا انو هارفي

    ردحذف
    الردود
    1. صح صح عليك صحتت المعلومه
      بس علشان انا شوفتها اول مرا ببلومينج دايلز وثبتت بعقلي وكمان نوره لمى اشترتلي اخذت حقها من بلومينج
      دايلز وحقي من هارفي فضربت الفيوز ههههه شكرا لك

      حذف
  2. سمعت عليها مدح كثير ♡
    وججد الباكينج جمميل يحسس بالرقي والجمال 😍
    حبيتها قبل لا أجرببها
    وان شااء الله اذا شفتها أجررب شي من عندهم 😍♡
    الله يسسعدك أميرة

    ردحذف
    الردود
    1. ريفيو جميل و متكامل كعادتك يتميز بالأمانة و الدقة و المصداقية و هذا اللي يعجبني فيك لدرجة اذا نويت اشتري شي افتح حسابك أشوف تكلمني عنه ولا لأ
      و اكثر شي حمسني بالمجموعة الهوني باث و الريحة صراحة تحمست اجربها مره
      بس كمان حابه أسألك أميرة ابغى سكراب للوجة و الجسم يكون تقشيرها عميق لان مع الحمل و الصوم جفت بشرتي و طلعت لها قشور اول مره أشوفها رغم أني ارطبها اول بأول
      يا ليت تنصحيني بشي مجربته و شكرًا

      حذف
  3. ريفيو جميل و متكامل كعادتك يتميز بالأمانة و الدقة و المصداقية و هذا اللي يعجبني فيك لدرجة اذا نويت اشتري شي افتح حسابك أشوف تكلمني عنه ولا لأ
    و اكثر شي حمسني بالمجموعة الهوني باث و الريحة صراحة تحمست اجربها مره
    بس كمان حابه أسألك أميرة ابغى سكراب للوجة و الجسم يكون تقشيرها عميق لان مع الحمل و الصوم جفت بشرتي و طلعت لها قشور اول مره أشوفها رغم أني ارطبها اول بأول
    يا ليت تنصحيني بشي مجربته و شكرًا

    ردحذف
  4. جمممممممميل الله يسعدك

    ردحذف
  5. عاجبني شكل العلب حقتهم مره كيوت

    تسلمين اميره على الريفيو ^^

    ردحذف
  6. ياخى انتى كووتلت جمال يعنى ما يحتاج الجمال دا كلو 😊😍😘

    ردحذف
  7. شكككرا عالبوست جمييييل جدددا والمجموعه حلووه

    ردحذف
  8. قالو قريبا حيفتح في جدة مو قادرة اصبر وبس قرات البوست اتحمست اكثر لدي المجموعة يعطيكي العافية اميرة ♡♡

    ردحذف
    الردود
    1. الله يعافيك يارب .. بس ليه كل شي جده قبلنا :"( ونقول ان شاء الله

      حذف
  9. مقرره اشتريها من نوردستورم وحطيتها بالسلة بعدين ترددت بس حمستينييييي !الهوني باث ايش طريقته مافهمت ؟

    ردحذف
  10. 😍😍😍😍😍😶

    ردحذف
  11. الله يجزاك خير اميره ع كذا معلومات

    اقدر احصلها في الرياض ؟؟

    ردحذف

Back to Top