الاثنين، 9 يونيو 2014

Home Haul ♥ مشتريات للمنزل ♥


السلام عليكم ورحمه الله ..
دايم اروح لروائع المكتبات بالرياض ويكون فاضي وفرق عن اللي بجده ! فااخر نزله لجده روحت وقضيت منو بس لمى رجعت


الرياض اريج قالتلي انو كولو لقتو بفرع الرياض !! المهم نقول ان شاء الله انو تحسن فرعنا
حقلكم من بدري سوري الاسعار مو بالظبط لاانو اصلا اغلبها مو مكتوب عليها :$ بحاول اتذكر او حول كم تقريبا :|


تبع الكب كيك حب من اول نظره انا اخذتو مو للكب كيك لا احط في اغراض متنوعه احتاج انها تكون قريبه مني واحط عليها
اشياء احبها وكذا والعصافير اسرو قلبي

تفتكرو بالبوست الاخير الديكور هول قولت اني مرا احب هالاشياء اللي تستخدميها للاكسسوارات اليوميه او اي غرض يومي وبنفس
الوقت تكون تحفه  من فورايفر ٢١ ب ٤٥ تقريبا .

البيت الجممييل هوا تحطي فيه شمعه ويعطي منظر جميل ويتعلق بس لاان مالقيت له مكان اعلقو :$ ب ١٠ ريال فقط !

 فازه ورد جميله حبيت تفاصيلها ومن جوا لونها بينك كيوت  سعرها ٤٥ ريال وفي طقمها فواحه وكم شي جميل بس مااخذتهم
 الورد اللي فيها من ايكيا بس لسى مارتبتو .



علبه لااغراض الخياطه كيووت مرررا في حجم اكبر بس انا اخذت هذي على قد اغراضي البسيطه
سعرها بحدود ال ٧٠ تقريبا :$ عارفين من الاشياء اللي بجد نفسي اتعلمها الخياطه ! 
ويارب اسير قدها واتعلم ع الاقل التقصير وتعديل ملابسي :)

ايطارين الكبير مرايا والصغير ايطار للصور حاليا بحاله حب مع هالدرجه من اللون الاخضر الكبير استخدمتو زي بالصوره كاانو صينيه ع المكتب طلع جدا جميل ورتب الاغراض .. السعر الكبير بحدود ال٨٠ والصغير امكن بحدود ٦٠ وفي منهم لون بينك .


ايطارين يتعلقو شكلهم جدا راقي وانا مرا احب هاللون اللي لا هوا ذهبي ولا فضي جميل مرا .. السعر ماافتكر بس مو فوق الميه :$

كماده كيوووت ب ٤٧ تقريبا.

طقم سلات بااحجام مختلفه اخذتها لغرفه النوم .. الكبيره ب ٨٣ للغسيل  بغرفه الملابس والصغيره ب ٦٠ تقريبا خليتها زباله وانتو بكرامه

هذي اخذتها لسجاده الصلاه مااحب شكلها كذا مرمي بالغرفه :$ شوفت خالتي تسوي كذا وقلدتها .

سله صغيره ب ٢٥ وزي الصينيه امكن ب ١٥ .. خليتهم بكورنور الميك اب بغرفه الملابس علشان يكون في تناسق

سفره لطاول الطعام .. كواته واخيرا شي غير رسمات الفواكه هههههه ب ٩٧ الحجم الكبير 

سفره طعام برسمه ثانيه بصراحه اشكال كثييره تحتاري ايش تاخذي بس حاولت يكونو مختلفين .. هذي الحجم الاصغر بحدود ال ٧٠
وتبغو الجد للان ماجبت الطاوله نفسها ههههههههه .


كوب الابراج .. عليه صوره برج الاسد ومواصفات شخصيه هالبرج ب ٩٠ ريال انا شوفتو كثير عليه وتركتو شويا تجي بنت
عمتي جايبتلي هوا يسعدها دايم احب الاكواب تكون لها معنى وهذا احلى معنى انو يكون منك يانوفامن محل بروائع المكتبات يبيع اشياء تنكريه وشغلات زي كذا .

دولاب او ايش ماادري ايش اسمي ههههه المهم بسلات مرا جميل اخذتو للمطبخ فكرت احط فيلو البصل والبطاطس والثوم بس خايفه انها تنكتم بس نجرب ونشوف .. في منو لون ثاني تكون السلات برضو بيضا يعني ابيض باابيض ب ١٧٠ من محمود سعيد بجده 
"اهل جده ياحظكم بمحمود سعيد بس "


 مريت على فيرجن اللي بالريد سي يالله عندهم اشياء جميله وغريبه ثاني مرا اقضي منو 
هالشي الجميل كنت ناويه اشتري من امازون وموجود بالسله .، هوا للعسل مرا كيووت لقيتو بفيرجن ب ٣٠ ريال بس ترا صغنوني

اللي تتابعني من زمان تعرف اني احب هالنوع من الكاسات لااني مو من اصحاب القهوه الساخنه هههه بالعكس احب الاشياء البارده
وكمان هالاكواب تساعد انك تشربي مويا اكثر اول اليوم اعبيها واقعد اشرب طول اليوم .. ب ٤٥ من فيرجن .


شي جميل وعملي كرسي وفيه مغناطيس يمسك الشي اللي يمسك الورق ماادري ايش اسمو :$ باامكن ٣٠ ريال :$


 
 ستيكي نوت من فيرجن حبيتهم بالذات omg بس اللي تحت :|| بس لازم مع بعض يجو .. الصغار ب ٢٥ والكبيره امكن ١٩
هالحدود من فيرجن كمان :)

اخر شي روائع المكتبات بالرياض بالعزيزيه مول وبجده عند ايس لاند مااعرف اسم الشارع بالظبط .. 
وفي بالدمام مدري الظهران مدري الخبر ههههه مابقيت شي المهم هما اصلا كلهم واحد.
فيرجن بجده وبالرياض مافي وماعندي خبر عن الشرقيه بس لو في ياريت بنات الشرقيه يفيدو بعض :) .

 ♥♡







هناك 28 تعليقًا :

  1. الله يسعدك اموره ويديك العافيه بجد دايم ذوقك رااقي 😍😍
    بالنسبه للفروع روائع المكتبات في جدة شارع الامير سلطان بعد مستشفى غسان فرعون / الظهران شارع الامير فيصل بن فهد في امواج مول مقابل الظهران مول
    فيرجن جده في الردسي وروشانه مول ومطار الملك عبدالعزيز / الشرقيه في الظهران مول اتوقع بوابة ١١

    ردحذف
  2. والله خققه ماشالله كل اشيائك خقه الوان السلات اصابتني في مقتل

    ردحذف
  3. روائع المكتبات في الشرقيه موجود في امواج مول.

    ردحذف
  4. مشتروات الهنا ي اموره وفعلن زوقك رايق ونفس زوقي وانبسط كتير لمن تشاركينا الحاجات دي ومبارك بيتك الجديد ي قلبي

    ردحذف
  5. ماشاء الله تبارك الرحمن ، اشياء جمييله جدا وكيوت
    انيقه وذوقك كالعاده انيق ، الله يهنيكم في بيتكم الجديد
    وعساه بيت عامر بأهله الطيبين

    ردحذف
  6. ياربيييه الاغراض كيووت
    عليج بالعافية💗

    ردحذف
  7. في بالشرقيه فيرجن بالظهران مول :)❤️

    ردحذف
  8. فيه بالشرقية في الظهران في مجمع اسمه امواج حتلاقي روائع المكتبات

    ردحذف
  9. أزال المؤلف هذا التعليق.

    ردحذف
  10. ما شاء الله تتهني ب اغراضك مرا ذوق

    ردحذف
  11. ما شاء الله ذووق تتهني ب اغراضك و بيت الهنا و السعاده ي رب

    ردحذف
  12. تتهني ي رب مرا ذوق اغراضك ما شاء الله

    ردحذف
  13. أغراضك كيوت وجميلة مره الله يسعدك

    ردحذف
  14. أميرة أنا زعلانه منك عشانك ما تردي على الآسك بس أغراضك بصراحه جننتني

    ردحذف
  15. ما أنصحك تحطي بصل في السلال لأنها جدا جميلة فكري تحطي أشياء ثانيه فيها

    ردحذف
  16. مشاء الله تبارك الله امورة اشيائك مرا حلوة ومرتبة انتي زيي انا احب تشكيلة الاثاثا الي كذا بس مو تعملي زيي لمن خلصت تأثيث لقيت الالوان كولها زي بعض لا اعتمدي شي يكسر اللون ويكونوغامق زي مجلس الرجال لانو رسمي وموفقة ياجميله ..بالنسبة لسلال المطبخرالي فيها البصل اكيد بطلع ريحة انتي شيلي قطع القماش الي علية وخلي بس السله وماحتخرب بإذن الله ،،،اخيرا انتي شي مشرف حقيقة .

    ردحذف
  17. اي قسم ادخل روائع المكتبات القرطاسية ولا ايش

    ردحذف
  18. زي ما توقعت برجك الأسد P;
    وقعت بغرام الاكواب ذي بشككلللللل *-*

    ردحذف
  19. روائع المكتبات جدة بشارع الامير سلطان جنب مستشفى غسان فرعون

    ردحذف
  20. روووووووغه تتهني فيهم

    ردحذف
  21. تبارك الله تجنن مشترياتك حبيت قطع فيرجن خساره مافي فرع بالرياض
    علبه الخياطه تجنن نفس طموحي اتعلم خياطه قاعده اتعلمها جدا صعبه

    ردحذف
  22. عجبني ذوقك واكثر شيء عجبني كاس سوبر مان *-* تتهني فيهم يارب وحبيت انبهك ان العصفور يعتبر صنم فياليت تتخلصين منه

    ردحذف
  23. حطي في السلات اغراض الشعر مكر وبنس وشباصات وكدا وممكن اللكاليك الي تنلبس في الشتا
    تتنهي في اغراضك

    ردحذف
  24. وشش كثرها اغراضك مكياج وغيره اهبببببببببببب عليك ماتخلص فلوسك

    ردحذف
  25. هااااااااااااااااااااااي !!
    أعجبتني مشترياتك وماشاء الله كلها ع بعض كيووت
    وأنا مع حبي للتغير والتنسيق كذالك أعجبتني مشترياتك
    لكن ممكن طلب إنك تسوي room tour
    حابة أشوف غرفتك وتنسيقاتك ...!!

    ردحذف
  26. ماشاالله تبار الله ذوقك حلو ..اول تعليق لي

    ردحذف
  27. اشياءك حلوة
    بس سالفة الابراج حرام تصدقيها

    ردحذف

Back to Top