الأحد، 29 يونيو 2014

believe in pink ♥


السلام عليكم ورحمه الله وبركاته ،،
رمضان كريم وكل عام وانتو بخير وصحه وسلامه يارب
راح احاول انزل تنسيقات برمضان علشان تساعدكم بتنسيقاتكم للعيد
ان شاء الله مو شرط نفس تنسيقي ممكن الهمك بفكره او ستايل او تتحمسي تجربي ستايل جديد :)

 

كلنا عارفين انو الكروب توب = البلايز القصيره مرا دارجه بخريف وصيف هالسنه وانا مرا احبها تناسبني بس صح تنسيقها صعب
بس مع هاي ويست سكيرت = تنوره خصرها مرتفع او حتى لو بنطلون يطلع جميل ومرتب 
هذا الكروب توب اول ماشوفتو مرا حبيتو مع انو بالعلاقه كان شي صغير مرا ماما تقولي تستهبلي انتي ! هذا "برا" ههههههه
بس كنت متاكده باللبس يبين حلو لاانو الرافلز = الكشكشه ماادري اللي هوا اسمها هههههه ماتبين الا باللبس فدايم حاولي تجربيها باللبس وبعدين احكمي :)



نسقت عليه هاي ويست سكيرت لون بينك مررا كان نفسي بشي بينك بما انو من الشتا دارج ولا قدرت البسو
 فااول ماطلعها الموظفت اخذتها من غير كلام  وطلعو كيوت سوا



لو حابه تضيفي قطعه للتوب غطا جا ببالي جاكيت جينز اتخيلو جدا جميل بما انو كمان تريند هالفتره مو شرط جاكيت
 ممكن فيست جينز = سديري جينز بلون فاتح بيكون بطل


الشنطه مرا شلت سودا ومرا اخذت الزيتيه حبيت الزيتيه اكثر لاانها جايه بشكل غريب مو مألوف :)


عارفين انو الهيلز اللي بالالوان الفاتحه زي النود = اللون اللحمي تقريبا تعطي طول اكثر فزي مثلا لبسي فاتح ولبست شي لونو
غامق اسوي حدود لجسمي ويبين اقصر اما الفاتح يطعي منظر اطول "عرفتها من ستايلست واقول بقولكم عليها وانسى :$"



الاكسسوارات بسيطه وناعمه بيد ساعه ومعاها الاسواره الخيط اللي فيها كرستال واليد الثانيه اسواره سي اتش وخواتم وحلق
مناكير حبيت يكون شي غير وصيفي من اليانتو رقم S09 هنا الصوره كنت حاطه منو نزلتها بالانستجرام 

 

 تفاصيل اللبس /
التوب والتنوره : زارا
الشنطه : سيلين 
الهاي هيلز : لابوتان
الساعه : جيفنشي 
الاسواره : سي اتش
الحلق : فيرزاتشي
الخواتم والاسواره الخيط من محل اكسسوارات بجده .

 
                                      ♥♡





هناك 22 تعليقًا :

  1. ماشاء الله تبارك الله لبس العافية ياقلبي
    بس عندي سوال ازا ممكن التنوره متى اشتريتها من زارا ؟
    و شكرا

    ردحذف
    الردود

    1. الله يعافيك يارب .. اخذتها ببدايه الاجازه تقريبا والعفو❤

      حذف
  2. يسلم ذوقك والله اتعب وانا اقول انييق ، ممكن تفيدينا وتكتبين كم كلفتك السكيرت و الكروب توب ♥

    ردحذف
    الردود
    1. تسلمي والله
      كلفني حول ال ٣٥٠ تقريبا اذا مو غلطانه :$

      حذف
  3. كل عام وانت بخير

    انيقه ماشاء الله تبارك الله

    ردحذف
  4. اتخيلت لو انو نلبس فوقها جاكيت جينز مع بنطلون حيطلع احلى او تنوره واسعه طويله وتكون ملونه

    ردحذف
  5. جميل اللبس ودلوع تتهني

    ردحذف
  6. ماشاء الله مرره جميل و دي البلايز مررره احبها 💗💗💗... عجبني التنسيق جميل 😍😍😍بس الشنطه ما حبيتها مع دا الاستايل ، لو شي انعم واصغر بيكون احلى👛 ... دا رايي وشكرا

    ردحذف
    الردود

    1. ممكن لاان مرا شلتها مع شانيل وصاحباتي قالو مع شانيل كان اللبس احلي بس ماادري حبيتو مع سيلين علشان اللون :)
      ومن ذوقك ياجميل ❤

      حذف
  7. اكثر البوستات اللي انتظرها منك بوست التنسيقات جدددددددا جميله وتعطي افكار وذوقك ماشالله دايم راااقي ❤

    ردحذف
  8. التنسيق جميل وذوووق
    بس ااكشكشه تكبر الصدر 😢

    ردحذف
    الردود

    1. صح كلامك تكبر بس انا نحيفه فتمام :)

      حذف
  9. كل عام وانت بخير اميره ... تنسيق بطل يعطيك العافيه

    ردحذف
  10. ماشاء الله الشنطة جميلة جدا . ايش اسم اللون او اذا تعرفي موقع يبيعها لأنها مو موجودة بموقع سيلين :/

    ردحذف
    الردود

    1. من ذوقك .. بالنسبه للشنطه مااعرف اسم الدرجه ومن ناحيه موقع يبيعها انتبهي سيلين ماتنباع اون لاين ابدا !

      حذف
  11. ما شاء الله أنييقة وتنسيقاتك رائعة والى الأمام ان شاء الله،اول مرا اسير مدمنه مدونه * حبيت أسألك عن المكتب شكله حلو و مميز ما شاء الله فين ممكن ألقااه؟ واذا عندك فكره عن التسريحة الي كلها مراياا فين تنباع ياليت تدليني و شكرا *

    ردحذف
  12. مررا احب تنسيقاتك 😍 ممكن تقولياي بكم الشنطة ازا م يضايقك لاني ابا اشتريها ومو عارفه قد ايه ح تكلفني و م ابا غير الاصليه :$ وتتهني ي رب بلبسك

    ردحذف
  13. سو كيوت❤ لاحظت دي اليومتين زارا بنزلو تنانير مرة حلوة❤❤

    ردحذف
  14. جميييل وناعممم ❤️❤️

    ردحذف
  15. very Elegant,Unique & Fabolous Outfit...a standing ovation for Your Style
    mashallah!

    ردحذف

Back to Top