الأحد، 11 مايو 2014

طريقتي بلوك برونزي ديوي وريفيو لبرونزر شانيل ♥


السلام عليكم ورحمه الله
راح اقلكم على طريقتي بعمل لوك ديوي برونزي = البرونز بلمعه بالوجه بس مو اللمعه كااضاءه
 لا اللمعه اللي تطلع مع البشره الصحيه زي لمعه الفازلين تقريبا :$ يارب فهمتو المقصد .


 اول شي راح احكي عن برونزر شانيل اسمو" solel tan de chanel "
اخذتو من سيفورا دبي من شوال بالبدايه ماحبيتو ماعرفت اتفاهم معاه جربتو بااكثر من طريقه قبل الفاوندشين 
وبعد الفاوندشين ولوحدو ماادري ماحبيتو حسيت مرا ثقيل بس من فتره جربتو بطريقه وحبيييتها




المنتج كريمي ثقيل بس بنفس الوقت في بملمسو زي الموس "الموس بالميك اب زي لو تعرفو الدريم موس من مايبيلين ؟"
زي كذا بس شي بسسسيط يعني يميل للكريمي الثقيل بس هالملمس زي الموس يعطي سهوله بالتوزيع .
اللون يبان معاك من اول طبقه ولو حابه تزيدي اضيفي طبقه وطبقتين عادي مايبين ثقيل .. وراح اقلكم طريقتي 


اول شي احط ستروب كريم من ماك .. حكيت عنو بالمدونه اذكر ..هوا زي البيس قبل الفاونديشين يعطي لمعه او اضاءه
 للوجه اوزعو على كامل الوجه قبل اي شي وهالنقطه هيا اللي خلتني احب المنتج .


بعدها بفرشه اف ٨٠ من سيجما اوزع البرونزر .. بما انو كريمي فياخذ وقت شويا بتوزيعو وانتبهي لا يكون بجهه اكثر من الثانيه
عن نفسي اكتفي فيه مااستخدم كونسيلر او اي شي قبلو بس مرا طلعتلي حبه فااستخدمت الكونسيلر عليها قبل مااوزع البرنزر
وبعدين حطيت البرونزر وكان تمام .

شوفو الصوره باليمين استخدمت الستروب كريم من ماك قبل البرونزر واليسار بدون الستروب وان شاء الله واضح الفرق بينهم
بدون الستروب اللون مرا مات وماادري ماحبيتو :$ اما مع الستروب مرا حلو ويعطي لوك برنزي ديوي جميل جدا



حبيت المنتج بعد مااكشفت هالطريقه حبيتو يعطي لوك جدا جميل ..واقدر اتحكم بالدرجه وفي الايام اللي اكون كسلانه

 احط فاونديشين وكونسيلر وكذا انبسط عليه لااني اكتفي فيه مع بلاشر بدرجه كورال يطلع جمال
 بس ماحبيتو فوق فاونديشن يسير ثقيل مرا :$ تغليف المنتج جدا جميل وعملي علبتو قزاز قويه ماينخاف عليه
 ارمي اي مكان بس شويا كبير .. سعرو ٢٢٠ تقريبا والسعر جدا معقول مقارنه بالكميه .
 موجود بسيفورا بس للاسف دايم مخلص عندنا بس ممكن تطلبي اون لاين .


 ♥♡



هناك 7 تعليقات :

  1. عاجبني هالمنتج كثييير
    مره نفسي اشتريه وبعد الريفيو حقك شكلي حاشتريه خلاص بدون تردد

    يعطيك العافية اميرة ^^

    ردحذف
  2. من اول اسمع عنه كلام وكذا نفسي اجربه بس احسه غالي شوي الا للي يحبوا البرونزير ويحطوا ميك اب كثير
    بس الستروب كريم جربته قبل وممره حبيته يعطي الوجه شكل صحي ممره وما يبهت الوجه مع الميك اب :)
    يعطيك العافية وبانتظار البوست القادم :**
    تفرحيني لو اخذتي نظرة على مدونتي لسا جديدة تقريباً واحتاج شوية تشجيع :$

    http://shahadibrahiem.blogspot.com

    ردحذف
  3. جربيه بالكونتور ,مره جميل وطبيعي

    ردحذف
  4. احبه لو ان لونه يميل للاورنجي عيبه الوحيد ان ما فيه الا درجة وحدة فممكن يكون غامق او فاتح على بعض الناس

    ردحذف
  5. موجود كما في وجوه

    ردحذف

Back to Top