الأحد، 4 مايو 2014

مراجعه لجهاز لوميا بريسيجن بلاس من فيليبس "الليزر المنزلي"



السسلام عليكم ورحمه الله ..
هالبوست كثييير انطلب مني من يوم وصلني الجهاز من فيليبس ويوميا تجيني اسئله عنو ! صح طولت عليكم بس بصراحه حاولت

اخذ وقتي علشان اقدر احكم على الجهاز تماما وبالذات الجهاز سعرو مو بسيط وانا وصلني فكونت احاول احكم عليه كااني دافعه
قيمتو .. "عارفين اني كنت ناويه اشتري قولت خلاص بس ازود فوق قيمه جلسه ليزر بالعياده واجيبو بااذن الله ثاني يوم يجيني
ايميل من فيليبس انو نبغى نرسلك هوا علشان تقولي رايك عنو !!"
بالبدايه حابه اوضح انا جدا مشعره و قد سويت جلسات ليزر بالعيادات فالشعر عندي خف بس مازال يطلع وكنت احتاج جلسات
كمان بس الجهاز وصل سرت استخدمو ووقفت العيادات علشان احكم عليه تمام .




الجهاز هوا جهاز ليزر منزلي اسمو (لوميا بريسيجن بلاس) من فيليبس .. بالظبط هوا نبضات ضوئيه مع شويه حراره تضرب ببصيله الشعر علشان تضعفها ومع الوقت والجلسات تضعف البصيله مرا لين ماعاد يطلع الشعر ، حبيت الجهاز مريح بالاستخدام وبمسكتو مو ثقيل وسهل بالاستخدام .. يحتوي على 10000 ومضه يعني يعمل 200 جلسه ! فهو مريح انو مايحتاج تشتري شي
بعدين تشحني او تجددي الضربات زي بعض اجهزه الليزر .


الجهاز يجي بعلبه او شنطه انيقه وقويه علشان تحفظي فيها وموجود فيها مكان للشاحن والراس الثاني .. يعني مرتبه جدا
بالنسبه للشاحن يجلس تقريبا ساعه ونص لساعتين وينشحن فول انا بالجلسه الوحده للساق / اليد / اندر امز / بكيني اشحن الجهاز 
مرتين مايكفيني مرا وحده .. اصلا متعب لو بتسوي كل الجسم مرا وحده حلو تسوي نص وتشحني تاخذي بريك وبعدين تكملي .
الجاهز يجي معاه راسين او حلقتين :$ وحده كبيره للاماكن الكبيره والثانيه صغيره للاماكن الضيقه زي مكان الشنب والبكيني ..
الراس يتنظف بسهوله بعود قطن تمسحي وينظف .،
مع الجهاز يجي كتيب يشرح كل شي طريقه الاستخدام والممنوعات وايش تسوي وماتسوي وقت الجلسات يجيب على كل اسئلتك
وفي على الكرتونه كمان درجات لون البشره ووكثافه الشعره وعلى اساسها كم تكون قوه الحراره اللي تختاريها .. عن نفسي 
ما التزمت وكنت احط اقوا شي تقريبا الا ببعض المناطق .. بس ملاحظه الجهاز مايناسب اللي بشرتهم غامقه جدا مايجيب نتيجه
يعني نفس الليزر بالعيادات معروف برضو انو مايناسب البشرات الغامقه للاسف :( نيجي لطريقه الاستخدام :



اول شي لازم تشيلي كل الشعر "بالحلاقه" مو النتف انتبهي انتبهي تنتفي او تشيلي بالحلاوه او الاله اللي تنتف لاان الليزر راح 
يضرب بصيله الشعر ولو انتي شلتيها ايش راح يضرب الجهاز ؟!
عن نفسي كنت استخدم موس فينيوس مرا كويس وانصح فيه "للاسف نسيت اصورو" او استخدم اله بس بالراس اللي يحلق مو ينتف
صورتلكم الاله من قريب علشان تعرفو الراس بالظبط اللي يحلق لاانو يجي مع الات بروان غالبا .. احب الاله افضل من الموس
لاانو لمى يجي يطلع الشعر مايحكك :$
ممكن قبل ماتبداي تقسمي جسمك وتخططي مكتوب انو تقدري تستخدمي كحل ابيض او قلم هاي لايتر "زي العيادات" والتقسيم
مرا راح يريحك ومكتوب بالكتاب كم تتركي مسافه بينهم موضح كل شي ويفيدك التقسيم علشان ماتعيدي على المكان اكثر من مره .



 بعدها تشغلي الجهاز بالزر الدائري تحت وبعدين ترفعي وتقللي الحراره زي ماتحبي الدرجات من 1 الى 5 انا كامل الجسم 5
ماعدا البكيني والشنب اقلل تكون على 3 غالبا .. طبعا فرق الدرجات عن اجهزه 
العيادات انا بالعياده اضرب 14 !! طبعا ماتقارنو بينهم لاان المنزلي اضعف علشان
يكون صالح للاستعمال المنزلي وبما انو اضعف تحتاجي وقت اطول .
 الجهاز ممكن تستخدمي على حسب ماهو مكتوب بالكتيب على (الذراعين ،الساقين ،تحت الابط ، منطقه البكيني ، البطن "والوجه" بس الشفه العليا والذقن والسوالف) .


بعدها تحطي الجهاز على المنطقه وتظغطي الين ماتقفلي كل حلقات الامن اللي موجوده بالراس او الحلقه :$
اذا ظغطتي تمام ينور الجهاز باللون الاخضر مكتوب ريدي وقتها تظغطي .. هالشي جدا حبيتو بالجهاز يعني امن لاابعد درجه
انتي بالبدايه خايفه وكذا بالعكس تطمني ماراح يجي الليزر بعيونك هههههه ولو لاسمح الله احد مسكو "طفل مثلا" وجلس يظغط ابدا ماراح يضرب معاه فجدا جدا امن 
وبعد ماتضربي تمشي بنفس الطريقه على كامل المنطقه واذا خلصتها ماترجعي تعيدي مرا غلط لاانو كثر الضرب ممكن يااثر عليك
سلبا يضر بشرتك:\
بالنسبه للالم مايعتبر في الم ابدا لسعات خفيفه جدا


نيجي لطريقه الجلسات اول جلسه تسويها لازم تنتظري اقل شي اسبوعين علشان تسوي الجلسه الثانيه بعد الجلسه الثانيه تستني 
اسبوعين لين تسوي الجلسه الثالثه وكذا وبعدين يعتمد على احتياجك لو تاخر الشعر اكثر من اسبوعين عادي يعني يسير تستني الشعر
يطلع وتعملي جلسه .
انا زي ماوضحتلكم قبل قد سويت جلسات بالعيادات .. فااول جلسه مع جهاز فيليبس استغربت مرا ضعيف مقارنه بالعياده بس طبيعي
جهاز منزلي مايقارن بالاجهزه بالعياده ! المهم اول جلسه سويتها طلع الشعر بسرعه كااني حلقت بس ! بس طبعا مانحكم من اول مرا بعد ثاني جلسه النتيجه افضل وكل مرا افضل من قبل الين هالوقت "قريب 8 شهور" سرت مااستخدمه الا بفترات متباعده وقت مااحتاجو يعني سرت اسوي جلسه يطول الوقت الين مايطلع الشعر واذا طلع يكون خفيف جدا فااحلقو واجلس فتره يطول الين يطلع ثاني مرا وقتها ممكن اسوي جلسه "تقريبا كل شهرين اسوي جلسه" .



دحين اقلكم راي بالجهاز بصراحه .. الجهاز جداا رائع اغناني عن العيادات وخلاص بطلت اروحلهم عن نفسي ،، النتيجه معايا مختلفه من منطقه لمنطقه مثلا "البكيني" جدااا رائعه وافضل من العياده !! الساق والاندر امز نتيجه كويسه مرا بطيئ الشعر وضعيف وخفيييف وفي اماكن فيها ماعاد يطلع فيها الشعر ،، اليد النتيجه فيها كانت اقلهم :| في اماكن ماعاد تطلع فيها بس في اماكن تطلع بسرعه ! الشنب حسيت عادي :$ يعني مازال في الاسمرار البسيط فاافضل الشمع والفتله عليه .، عموما كل المناطق

مازال يطلع فيها الشعر بس بشكل خفييف وبطيئ يعني انو الشعر يختفي نهائي ماحصل معايا اصلا حتى بالعياده يطلع مافي شي 
اسمو نهائي ! بس يضعف ويطول بالمده الين مايطلع .. تجيني فترات امل منه واتكيسل اسوي بس نفس الشي كنت لمى كنت بالعياده اتكيسل اروح :$ تمنيت لو كان معاه نضاره اريح للعين مزعج شويا الضوء :|
هل انصح بالجهاز ؟ ايوا انصح فيه اول شي راح يوفر عليك مبالغ الجلسات بالعياده ويكفي فيه الخصوصيه والراحه والفكه 
من مواعيد العياده والري توش "بس" اهم شي حطي ببالك انو النتايج معاه راح تكون بطيئه تحتاجي وقت طويل وصبر الين توصلي
للنتيجه الكويسه وكمان تحطي ببالك انو ماراح يختفي الشعر نهائي بس راح ترتاحي كثثيير
في نقطه كثير بنات يقولو انو اجهزه الليزر ماتعطي نعومه زي الحلاوه وهذا الشي غلط بالعكس نفس النتيجه النعومه تحتاج تسوي
تقشير دايم لجسمك وترطيب واحلى نعومه 

الجهاز تلاقو بصيدليه النهدي واكسترا والدانوب وبوتس و وايتس بسعر 3699 "السعر زي ماهوا مذكور عندي بالبروشور"
 كذا خلصت الريفيو .. لو عندك اي سوال ياريت تكتبي بالكومنت علشان يكون البوست مرجع لكل البنات .


 ♥♡







هناك 78 تعليقًا :

  1. مو الراس الصغير للوجهه والكبير للجسم

    ردحذف
    الردود

    1. لا مو محدد بس انو الصغير للاماكن الضيقه والكبير للاماكن الواسعه

      حذف
    2. انا عندي له سنتين معه وللحين تسوي جلسات فيه صدق فيه اماكن م فيها بس يبيله طوووووووله بال اللي مافيها صبر لاتااخذه لانه مرا مرا بطئ وع هالمده يطلع شععر لامر اسبووع لازم اشيل ب المووس

      حذف
  2. اول شي مشكورة على الريفيو الجميل والمفيد مرة رائع
    ثانيا جهازك كم اصداره ؟؟
    ثالثا لو خلصت الومضات اقدر اعبيها !!
    واذا بغيت اشتريه من شركة فليبيس كيف اقدر اوصلها
    وسوري على كثرة الاسئلة وشكرا

    ردحذف
    الردود

    1. العفوو
      والله مااعرف اي اصدار بالظبط بس اسمو لوميا بريسحن بلاس مكتوب كمان SC2003 واللي قبل لوميا بريسجن CS2002
      الومضات ماتخلص تقريبا واتوقع اذا مو غلطانه ماتقدري
      والعفوو

      حذف
  3. اميره شكرا لك بس بقولك عادي اشترك فيه مع اختي ؟؟؟

    ردحذف
    الردود

    1. مو مكتوب شي عن هالنقطه
      بس انا احسو يعتبر شي شخصي :$

      حذف
  4. ميما تعرفي انا مره اتالم بسرعه كيف الجهاز كان يعور و لا لا

    ردحذف
    الردود

    1. لا من ناحيه الالم شوفي بالعياده انا كنت الي 12 عادي الم اصبر عليه
      فهذا مقارنه بالعياده احسو ولا شي هههههه
      شي جدااا بسسيط وترا بعض الاحيان يحطو بالصيدليات انو تجربي ضربه
      اسالي ممكن تلاقي وتجربي قبل افضل :)

      حذف
  5. سمعت عنه هالجهاز كلام طيب و ان شاء الله اجربه
    يعطيك العافية اميرة <3

    ردحذف
  6. يعطيك العافيه ياجميله حبيت البوست وشرحك الجميل
    واتخذت قرار اني ما اشتريه يعني ايش الفايده ان الشعر يتأخر في الظهور بس صعبه انا كنت افكر اشتريه لمنطقة الوجه وخصوصا الشنب بس الظاهر انه لازم العياده اول بعدين هوا ممكن ينفع كرتوش وعلى كذا يبيلنا سنتين او ثلاث او اكثر اذا بستخدم الجهاز وحده من غير ما اروح للعياده عموما اشكرك ياقمر على الموضوع

    ردحذف
    الردود

    1. الله يعافيك ويسعدني جدا اني ساعدتك بااتخاذ قرارك :)

      حذف
  7. انا مرررة نفسي فيه بس خايفه من شغله انو ما ينفع للسمر انا قمحية مايله للسمار " بفضل الجامعة " و شعري اسود اسود هل ممكن يجيب نتيجه معايا ؟؟؟

    و مرة يعطيك العافية على البوست المرتب و الجميل

    ردحذف
    الردود

    1. مااقدر احدد انا اذا يناسبك او لا بس شوفي الكرتونه من ورا عليها توضيح لدرجات الوان البشره بالصوره
      شيكي عليه قبل ماتشتري :) والله يعافيك

      حذف
  8. على قولتك شخصي بس لان بنشترك بالدفع عرفتي مايمدي لحالي ادفع ��

    ردحذف
    الردود

    1. ماادري بس ممكن تسالي الصيدلاني بهالشغله :$

      حذف
  9. الله يسعدك رفيو رائع جدا ♡
    اياليت تسوي رفيو لجهاز تريا المنزلي مع العلم انو جهاز ليزر مو وميض وتقارنيه ب فيليبس ؛
    وسؤال بعد ما استخدم الليزر اخذ كم يوم عشان اسوي تقشير و نرطيب ؟

    ردحذف
    الردود

    1. ويسعدك .. ماعندي تريا علشان اقدر اقارن بينهم .. انا كنت استنى يومين وبعدها عادي :)

      حذف
  10. يعطيك العافيه اميره
    ريفيو كامل وكل شي كنت حابه اعرفه عن هالجهاز صار واضح

    ربي يسعدك ياختي :$

    ردحذف
  11. أميرة حبيبتي ارجعي جاوبينا بالأسك نحنا بجد نستفيد منك دايما

    ردحذف
  12. الله يعطيكي العافيه اميرة انا كنت انتظر الرفيو حتى اخذ قراري اشتريه او لا
    بس تحمست وان شاء الله بشتريه
    طرحك رائع ومميز

    ردحذف
  13. اولاً شكراً على الرفيو الجميل
    بغيت اسألك عن المدة بين الجلسات لازم اسبوعين ولا بمجرد مايطلع الشعر استخدم الجهاز

    ردحذف
    الردود

    1. العفو
      وضحت هالنقطه هوا اقل شي يكون بين الجلستين اسبوعين يعني حتى لو الشعر طلع قبل الاسبوعين لازم تنتظري
      اسبوعين بعدين تسوي جلسه ثانيه لاانو لو سويتي جلستين وبينهم اقل من اسبوعين يكون مضر لجلدك :$
      يارب فهمتي عليا :)

      حذف
  14. اميره مشكوره على ااريفيو بجد جزاكى الله الخير
    سؤالي انا فاضل على زواجى 8شهور تقريبا والعيادات بالنسبالي مكلفه
    فالو اشتريت فيليبس لوميا هيعمل معايا نتبجه في الفتره دي
    علما بانى مشعره بس مو مره

    ردحذف
    الردود

    1. ايوا ان شاء الله حيعمل معاك
      وبعدين كملي بعد الزواج ترا الزواج ماحيمنعك انك تكملي تهتمي بنفسك
      ترا مهما اهتميتي دحين لازم تستمري بعد الزواج كمان ولا كل شي راح يختفي بعد كم شهر
      وربنا يوفقك يارب ♥

      حذف
  15. لو سمحتي انا عندي نفس الجهاز هذا بس بعد استخدامه من اول مره وجهي صار كله حبوب حمره كبيره وصغيره هالشي مره نرفزني لان وجهي كان مافيه شي بس من بعد استخدامه صارلي كذا هل هذا شي طبيعي ؟ فيه كريمات او حاجات لازم استخدمها بعده ولا ؟؟

    ردحذف
    الردود

    1. ماادري والله انا ماوجهت هالشي
      بس انيت تعرضتي للشمس وقتها ؟
      واقري بالكتيب اللي معاه ايش مكتوب تسوي لو مثلا جاتك اعراض زي كذا
      ومعافيه ♥

      حذف
  16. الله يسعدك يااميره .. بسالك انا في مناطق استعمل فيها جهاز المد لايت في العيادات .. هل اقدر استعمل هالجهاز بالمناطق اللي استعملت فيها جهاز المد لايت ..
    امممم السؤال الثاني .. اقدر استعمله بالصدر

    ومشكوووره مره ثانيه ...❤

    ردحذف
    الردود

    1. ويسعدك يارب .. انا مااعرف الميد لايت بس اتوقع انو عادي بس لو حابه تتطمني اسالي دكتوره جلديه
      الصدر اتوقع لا لاانو مو مكتوب من ضمن المناطق المذكوره بالكتاب اللي جا معاه
      والعفووو ♥

      حذف
  17. الله يعطيك العافيه بس ليت لو صورتي كثر الشعر قبل وبعد بيكون اوضح وليتهم يحطون ومضات معدوده بسعر ارخص ابي للمناطق الحساسه بس مو كامل الجسم احسه مشوار ومايروح نهائي .. وبسال نتيجته زي اني شايله ببراون ولا تختفي المسام نهائي ؟؟

    ردحذف
    الردود

    1. الله يعافيك .. والله كان نفسي وحاولت اصورلكم شعر يدي حاليا بس ماكان واضح
      وحسيت بالصوره مبين اقل من الواقع فماحبيت ابين لكم شي وهوا مختلف عن الواقع :$
      المسام خفت معايا من بديت الليزر عموما بالعيادات ومعاه كمان كانت خفيفه
      وللمعلوميه المسام هذي متعبه بس اعملي دايم تقشير لجسمك لاان المسام عباره عن شعر تحت الجلد
      فلو دايم تسوي تقشير ماراح تطلع تحتو ان شاء الله :)

      حذف
  18. أهلا اميره ,, يعطيك العافية عالريفيو الجميل
    حبيت اسالك عن شغلتين
    1/ آلة الحلاقة .. اللي فوق الفضي للتنعيم صح ! طيب استخدمه قبل الليزر او اكتفي باللي قدام مثل الاسنان << شرح فاشل :(
    2/ منطقة البكيني :$ كلها ينفع لها الليزر حتى اللي تحت ؟؟ أو بس المنطقة الجانبية اللي على حدود الكلوت << آسفه عالجرأة بس كلنا بنات :$

    الله يسعدك يارب ويوفقك :)

    ردحذف
    الردود

    1. يااهلين
      تستخدمي الراس هذا هوا يشتقل الاسنان مع الشي الفضي مو كل واحد لوحدو :\
      بالنسبه للسوال الثاني هوا مكتوب انو الحدود بس انا استخدمت لكامل المنطقه وتمام
      ويسعدك يارب ♥

      حذف
  19. شكرا عل البوست القميييل .. بس ايش الفرق بينه وبين جهاز ليزر ترياا

    ردحذف
  20. مره جميل .. بس ايش يفرق عن جهاز ليزر ترياا وصح هذاك يعادل حق العيادات .. ياريت تخبريناا او اللي جربت تقولنا

    ردحذف
    الردود

    1. والله مالي تجربه مع تريا علشان اقدر اقارن بينهم :$

      حذف
  21. اقطر استخدمه للوجةة ؟
    للمنطقة الي تحت الخد والسوالف ؟

    ردحذف
    الردود

    1. ذكرت الاماكن بالظبط الجهاز ممكن تستخدمي على حسب ماهو مكتوب بالكتيب على (الذراعين ،الساقين ،تحت الابط ، منطقه البكيني ، البطن "والوجه" بس الشفه العليا والذقن والسوالف)

      حذف
    2. يعني منطقة البكيني (كامل المنطقه من الاعلى -العانه- و حتى الجزء الداخلي الى خط البكيني؟ ) ارجو الافاده

      حذف
  22. مرحباا اميره
    مرره شكرا عالريفيو افادني بصراحه
    وحابه اسأل عن philips ladyshave انا صراحة اشتريتها بعد ماشفت الريفيو مالقيتها هنا ووصيتها من برا
    بس ياليت تسوي ريفيو عنها لان مالقيت باليوتيوب شرح لها وهي عاجبتني بصراحه وكيف طريقة تنظيفها وقبل وبعد الاستخدام اذا احط كريم او لا؟؟
    وشاكرة لك :)

    ردحذف
  23. الله يسعدك ياعسسسسل ويوفقك دنيا واخره ..ان شاءالله اني اشتريه قريب بإذن الله ..لكن بسألك الحين قبل كل جلسه احلق الشعر؟؟!

    ردحذف
    الردود

    1. الله يسعدك يارب .. اكيد ماقريتي الكلام ولا كان عرفتي اذا نحلق قبل او لا :$

      حذف
  24. يعطيك العافيه اميره .. شرحك وتعرفك للجهاز مره كامل والكمال لله
    بس سؤال هو ليش الليزر ما ينفع للسمر ؟

    ردحذف
    الردود

    1. والله مااعرف السبب بالظبط بس اتوقع شي مرتبط بالبصيله اذا مو غلطانه لو بحثتي ممكن تلاقي السبب :)

      حذف
    2. تعقيب بعد إذنك على الأخت الي سالت ليش ماينفع للسمر ، بشكل عام الليزر يتعامل مع اللون فكل ماكان المكان غامق الي يضربها الليزر يحرقها عشان كدا يقولك الي شعرها كثيف واسود تستفيد اكتر اتمنى تكون وصلت ..

      حذف
  25. أميرة اقدر استعمله للظهر ؟

    ردحذف
    الردود
    1. هوا مو مكتوب انو يستخدم للظهر بس انا احس عادي لاانو امن وضعيف وبالعياده اقوا ويستخدم بالظهر

      حذف
  26. انا هدا اول استخدام لسه مابينت النتيجه بس مو مكتوب عندي عدد النبضات ممكن تختلف من دوله لاخرى اشريته بشي 650دولار ممكن تساعدوني

    ردحذف
  27. طيب ماينفع للظهر والمنطقة الخلفيه

    ردحذف
  28. انا بشرتي بيييييضااااا .. وشعري فاتح .. حابة اسأل اذا ينفع او لا ؟؟؟

    ردحذف
    الردود

    1. اذا فاتح مرا مااتوقع راح يجيب معاك نتيجه كويسه انتي ممكن تشوفي الجدول التوضيحي على الكرتونه قبل تشتري افضل :)

      حذف
  29. اهلا اميره
    البوست جدا جميل و مفيد
    الله يعطيك العافية ويرزقك
    بس عندي سؤال لما تخلص الومضات يصير الجهاز مالوه داعي صح ؟
    وما اقدر اعبيها ..

    ردحذف
    الردود
    1. يااهلين
      ايوا ينتهي الجهاز وماتقدري تعبيها .

      حذف
  30. هل ينفع للمنطقة الحساسة ولا بس البيكيني

    ردحذف
    الردود

    1. هما كاتبين بكيني بس ،، عن نفسي استخدمو لكل المنطقه والوضع تمام واوك ♡

      حذف
  31. اميره هو نستخدموه كل اسبوعين طيب يعني يصير بالشهر نستخدموه مرتين
    لو مر مثلا اسبوعين او شهر ماطلع شعر نستخدموه او لا
    يعني مافي و لا شعره طلعت او طلع بمنطقة صغيرة اشيل بس هالمنطقه و استخذم الليزر عليها بس
    صح كذا ؟

    ردحذف
  32. اميره الجلسه كول اسبوعين يعني اني سويت 1 بشهر ومن يصير 14 بشهر اسوي جلسه ثانيه يعني كول اسبوعين جلسه ماكو رتوش بين الاسبوعين لو لا كول اسبوعين اسوي مره

    ردحذف
  33. شكرا أختي على هذا الشرح و التوضيح ..... لكن اود ان أسأل اني سمعت انه لا يسمح بإزاله الشعر بالطرق التقليديه بعد استخدام هذا الجهاز او الليزر في العيادات و إلا سيعود الشعر كالسابق.. هل هذا صحيح ؟

    ردحذف
  34. حبيت صراحتك يا أميرة و انتي بتقولي حطي ببالك انو الشعر ما راح يروح نهائيا و لتوضيح اكثر ان سمحتي الشعر ما رح يروح نهائيا لأنو الجهاز بيسلط وميض ضوئي يعمل على اخماد بصيلة الشعر يعني كانوا بيخدرها أو يدخلها في فترة راحة resting phase و بالتالي الجهاز ما عم يحرق البصيلة أي ما يعني انو بمجرد التوقف عن استعمال الجهاز لفترة تختلف من شخص الى اخر و غالبا لا تتجاوز الشهرين بيرجع الشعر ينمو الى ان يرجع الى ما كان عليه بعد مدة اطول.
    انا احس انو مش لازم نقارن فيلبس لوميا بالليزر في العيادات أنا بحب ان اصف الجهاز بمكينة حلاقة متطورة جدا بتريح من الشعر لمدة أطول نسبيا مقارنة بالحلاوة و غيرها من الوسائل.
    باعتقادي لازم الشركة توضح هذه المعلومات ليكتسب الجهاز قبول اكبر لأنو بتفرق مع الشخص و هو عم بيحاول يتخذ القرار انو يشتري ولا.... انا عن نفسي كثير كنت متحمسة بي بعد ما قرأت عنو كثير و طلعت بالمعلومات السابق ذكرها غيرت رأي بس هو الجهاز بينفع عموما احسن من حلاوة و وجعها يعني ما بمانع اذا شركة فيلبس تهديني اياه :)

    ردحذف
  35. حبيبتي عملت ٥ جلسات ليزر. في عياده وبعد ٣شهور طلع اغلب الشعر
    وشريت الجهاز قبل فتره وعملت ٣ جلسات وفي اماكن بطل يطلع الشعر فيها الحين الجلسه الجايه اسوي الاماكن الفاضيه كمان اللي بطل الشعر يطلع فيها؟

    ردحذف
  36. السلام عليكم ..شكرا عالتوضيح
    بس سؤال عندك فكره اذابيستخدم مع المرضع واذا لا ليش؟

    ردحذف
    الردود
    1. السلام عليكم اريد ان اسئلك اذا وصلتي الى اجابه؟ لاني انا ايضا اريد ان اعرف ازا يصلح للمرضع؟؟؟؟

      حذف
    2. لو سمحتي مسموح للمرضع استخدامه؟؟؟

      حذف
    3. مااعرف عزيزتي تاكدي بسوال دكتوره

      حذف
  37. بسالك هو زي الي بالعيادة اذا شيلتي فيه ماتستخدمين الصابون ولا مكياج لمدة يوم او يومين ؟؟؟

    ردحذف
  38. انا اخدتو الخميس اللي راح وزواجي بعد ٣ شهور هل رح يختفي وكم حياخد وقت معايا وليلة الزواج اشيل بالموس ولا ايشش 😱!! وسمعت انو الاماكن السميكه عادي تعيدي عليها بعد ٣ ايام !!
    وانا شعري جدا سميك واسود وكتير افيديني ايش اسوي !!

    ردحذف
  39. اقدر اشيل بالكريم مزيل الشعر لانو الموس يسبب هيجان ولا يعتبر من النتف !

    ردحذف
    الردود
    1. الكريم مايعتبر نتف بس انتبهي لاانه شي كيميائي وبعده ليزر ممكن يضر الجلد لا سمح الله

      حذف
  40. طيب اختي عادي استخدمه في( منطقه الصدر والجبهه وفوق الحاجب والظهر) ولالا لان الكتيب كله بالانجليزي 🙊🙊ليت تردين ضرووووري .... ويعطيك العافيةة

    ردحذف
    الردود
    1. اسالي الصيدلاني عن هالنقطه انا مااعرف

      حذف
  41. وكمان بغيت اسأل عن تغيير العدسات مدري ايش اسمها يعني ابي استخدم حق الوجه كيف افكها اخاف تنكسر كيف بالضبط 😶🙊....وشكررررررا

    ردحذف
  42. انا حسوي زيك اول شي بروح عند عيادة كم جلسة وبعدها بشتريه لاني نفسك مشعره :#

    ردحذف
  43. اميره انا سويت ليزر كل جسمي بس منطقة البكيني ماسويتها اخذت موعد ثاني لها متخوفه اسويها هل لها اضرار ولالا وسويتيها ف العيادة اذا سويتي هذي المنطقة ولا بالجهاز حق فليبس

    ردحذف
    الردود
    1. انا سويت قبل جلسات بالعياده امكن ١٢ جلسه وبعدها بديت بالمنزلي والمنزلي ارتحت معاه اكثر
      وان شاء الله مافي اي ضرر

      حذف
  44. أميرة شكرًا جزيلًا ع الموضوع والله يبارك لك ويزيدك ويحسن إليك ♡

    إذا هو لازم نلصق فتحة الجهاز باليد ما ينفع كم شخص يستخدمه ولا؟
    خاصة للمناطق الحساسة بيكون مضر!
    الألم كم بالنسبة للحلاوة والشمع ؟
    *ما قد جربت ليزر*

    ويارب ترد أميرة وتوفقها وتسعدها وتقر عيونها بصلاح وبر سعود وعيوشة ♡

    ردحذف
  45. واشترينا الجهاز علي مدحك
    يعطيك العافيه يارب 💜🙏🏼

    ردحذف
  46. يعطيك العافية ويسلم اناملك

    ردحذف

Back to Top