الثلاثاء، 1 أكتوبر 2013

مفضلاتي ♡ My Fav jun jul aug & sep





السلام عليكم ورحمه الله وبركاته
ادري تاخرت كثيير بمفضلاتي هالفتره :"( بس جد انا احب اجرب الاشياء مره ومرتين وعشششره علشان اتاكد
واجربها فتره واتركها وارجع استخدمها علشان اتاكد :$ مااحب اكتب عن شي وبالذات يكون من مفضلاتي الا اكون
متاكده ١٠٠ بالميه ! 

هالمره راح اضيف اشياء جربتها وكانت سيئه ـ غير مفضله ـ ! اكتشفت انو الاشياء اللي اجربها ولا تناسبني انسى
اكتب عنها فخلاص راح انزلها مع المفضلات بس بس هيا غير مفضله :| 


منتج مقوي للاظافر من شركه مافالا من قزاز سعره مايزيد عن ال ٥٠
انا اظافري مرررا ضعيفه وتتكسر بسرعه وبالفتره الاخيره كمان تتشقق :$ وانا عارفه من اكلي السئ :"((
قد جربت اخذ فيتامين مااحس جاب نتيجه جيده فقررت اجرب مقويات زي كذا وبصراحه مررررا حبيتو وقوا اظافري
وسارت نادرا تتكسر الحمد لله  نفس الظفر سار اقوا واصلب ،،
طريقتو تحطي علي نص الظفر لفوق وتخلي دقيقه وتمسحي بس للامانه انا اسيبو وقت طويل وبعض الاحيان احطو
وبعدين مناكير واجلس فيه ايام ماشوفت اي ضرر بس اهم شي لا يجي على جلدك حول اظافرك راح تسير شي قاااسي
فقبل ماتحطي ادهني بعود اذاني حول ظفرك بالفازلين وبعدين حطي يومين بالاسبوع ولو وصلتي لنتيجه اللي تبغيها
قللي المده بس اذا انقطعتي مده طويله راح يرجع ظفرك بس انا عن نفسي حستمر عليه ان شاء الله ♥♥



من نفس الشركه مافالا قطن مزيل للمناكير خالي من الاستون ب ٤٠ ريال من قزاز
كنت حابه اجرب شي بدون استون وبنفس الوقت للسفر فااخذتها وحبيتها وسحبت على باقي المزيلات اللي عندي !
جميييله جدا وناعمه على الاظافر والجلد اللي حولها فيها زي الزيت مايجفف الاظافر ابدا ويرطب الجلد اللي حلوها ،
 وقطنه وحده مع انها صغيره وخفيفه الا غالبا تكفيني وحده بس !
اذا خلصت راح اجيب منها للسفر وناويه اجرب المزيل العادي اللي من نفس الشركه خالي من الاستون كمان




منتج من ايسي له ٣ استخدامات مقوي للاظافر وبيس كوت = الطبقه اللي قبل المناكير وتوب كوت = الطبقه بعد المناكير
اخذته من صيدليه وايتس واذا مو غلطانه ب ٤٥ ريال
غالبا اذا حطينا مناكير لكم يوم اذا مسحناها نلاقي الظفر تعبان وباهت وممكن متششق واذا كان لون قوي يمسك بالظفر وحوله 
وهالشي مرا ينرفز احس اهتمام الايام اللي قبل يروح بكل بساطه :"(
فقولت اجيب بيس كوت ونشوف اذا جد يفرق بصراحه مرررا فرق صح ماقوا اظافري ابدا بس حماها من المناكير يعني معاه اذا
مسحت المناكير حتى لو كان لون وقوي ولكم يوم مايمسك اللون والظفر كويس وماهو باهت ولا تعبان !
سار شي اساسي عندي وبجد حسيت بفرق معاه
بس زي ماقولت من ناحيه يقوي الاظافر مالاحظت هالشي ابدا وماقد جربته كتوب كوت :$





مناكير اليانتو والدرجه واضحه ب ٦ ريال او ١٠ من ماليزيا "نصيحه اللي تروح ماليزيا لا تفوت هالماركه ابدااا مرا بططله "
اللون اغلب الصيف كنت احطو جميييل موف على شووويه بينك وبالانستجرام كثيير سالتوني عنو
عاده اللون الموف يسمر اليد بس هذا ابدا لا جدا جممميل ♥♡


تينت من بنفيت اسمو تشا تشا سعره اتوقع بحدود ال ١٢٠ يستخدم للشفايف وبلاشر
بصراحه انا كنت متخوفه اجربه وعندي البينك من زمان ولا جربته لاانو عاده الشي السايل اخاف اني مااعرف ادمجو ويبقع :$
بس اشوف الناس دايم تمدحه وجربته وندممممت ليه ماجربتو من قبل !!
جميييل جدا ويعطي لوك طبيعي والاجمل الثبااات !! يقعد معايا اقل شي ٥ ساعات :)) فمرا ينفع للجامعه والصباح والدوامات
طريقتي احطي كم نقطه منطقه البلاشر وعلى طول ادمجه بالفرشه انتبهي تحطي بخد وتروحي للخد الثاني وبعدين تدمجي 
وقتها راح تلاقي نقط مبقعه بوجهك ههههه وبعدها اخذ بلاشر قريب من لونه احطو فوقه يطلع الشكل جميييل ♡♥
بالنسبه للشفايف جربت احطو عليها مابان معايا اللون الا شي بسسسيط :\



هاي لاتير سوفت اند جنتل من ماك ب ١٤٠ تقريبا من دبي
اكييد انتو زي سمعتو المدح اللي عليها ودايم مخلصه وقبل فتره سالت البنات بالانستجرام ايش افضل هاي لايتر كثيير قالو سوفت
اند جنتل من ماك وتحمست اجربها مع اني كنت احس مكتفيه من الهاي لايترز 
جربتها اول مرا خرجت ورجعت اطالع بوجهي ياي في شي جميل "مع نفسي صح ههههههه " لا جد في شي متغير بوجهي
والاشياء كلها دايم استخدمها قعدت اشوف ايش استخدمت كانت هيا ! وبجد اللي اختلف بوجهي المنطقه اللي حطيتها فيها !
ورجعت اجربها وبجد بطططله جميله الحلو فيها جججدا ناعمه وتعطي لوك جميل وناعم وبعيد عن اللمعه الاوفر جد جمااال ♥♥♥ 

 اكثر روجين استخدمتهم بالفتره اللي راحت من اليمين 


روج من كيت موس ماركه ريميل درجه ١٠٢
اكثثثررر شي حبيتو بالروج درجه اللون بينك جمييل ومررررا ناسبني حتى بدون ميك اب يبين هادي وناعم ،، كريمي ويرطب
 الشفايف بس بما انو كريمي ويرطبها فمرا مافي ثبات بالذات مع الاكل والشرب يختفي ! بعض المرات بعد مايختفي يقشر الشفايف
بس مو دايم ،، بس انا عشقتو علشان اللون اكثر شي





روج الور من شانيل والدرجه  ٩١
ليا فتره ادور بينك ناعم يميل للون الشفايف الطبيعي لكل يوم والخرجات البسيطه ولقيت هالدرجه بشانيل بصراحه من تجربتي قبل
مع ديور وايف سان لوران كرهت الارواج الهاي اند احس ندفع مبلغ علي الفاضي !!
بس بصراحه هالروج غيرلي نظرتي مرررا حبيتو كريمي وترطيبو عاالي صح مايثبت ويختفي مع الاكل والشرب بس ترطيبه
يبقى ع الشفايف لوقت طويل :))
بصراحه تحمست اجرب ارواج اكثر من شانيل

بودره للجسم وفي بنات يستخدموها كمزيل للعرق اخذتها على مدح صاحبتي ميمو ومرررا عجبتني للجسم ريحتها  دهن عود بس ابدا
مو قويه هااديه احب استخدمها ذا بطلع لمناسبات او سهرات او بعض الاحيان بالبيت اذا حبيت اغير ♥♡
ب ١٥ ريال بسس ! من محل اجمل اخذتها من فرعهم اللي بالعثيم مول .

قلفز لتقشير الجسم من سوب اند جلوري صيدليه بوتس بحدود ال ٥٠
افتكر زمان جربت قلفز من بودي شوب ومن محلات عاديه وكانت جيده بس ماتفرق اذا استخدمتها او لا :| فشلت من بالي هالشي
بس يوم شوفت البينك هذي واغراني لونها من سوب اند جلوري اخذتها وكووويس اني اخذتها مررررا كوووويسه وافضل من اللي 
جربتهم قبل ! استخدمها مع مقشرات الجسم تعطي نتيجه افضضضضل بكثييير بس تسحب كميه كبيره من نفس المقشر فغالبا اسوي 
تقشير خفيف بيدي وبعدين اعيد بالقلفز :))
استخدمها حتى لو مع شور جيل بس وتعطي نعووومه



نيجي دحين للاشياء ـ غير مفضله

ديودرنت "مزيل للعرق" من دوف انا دايم استخدم لويس ويدمر وجربت فيتشي حلو بس مو زي لويس ومرا بنت بالانستجرام قالتلي
انو في ماده بلويس ويدمر مو كويس انو تستخدميها لمده طويله فقولت اجرب شي جديد وشوفت يمدحو باليوتيوب دوف بس شكله
غير بس ماناسبني ابدا :/ وماقدرت اكمل عليه اسبوع ورجعت للويس ويدمر :)


غسول للوجه من سوب اند جلوري مكتوب انو ٤ بواحد وانو غسول عميق وكويس للتي زون بالحليب انا بشرتي عاديه والتي زون 
دهني ماناسبني ابداا مااحسه ينظف ابدااا كاانك تغسلي بكريم :\ وتحسي يكتم البشره اول ماجربتو كنت بجده مع الرطوبه قلب وجهي
دهنني واحسو مكتوم ورجعت جربتو بالرياض ومع الكلارسونيك بس ابدا مااحسه ينظف :|
احس ممكن يناسب البشره الجافه بما انو مرا بالحليب ومرا يرطب .

خلصت ان شاء الله تعجبكم وشاركوني تجاربكم لو جربتو شي منهم ♥♡ 

                                                                           
♥♡

Twitter | Instagram | Bloglovin | Ask     



هناك 23 تعليقًا :

  1. روووعه مفضلاتك حمستيني للهاي لايت بس للاسف ماعندنا ماك بجيزان جيزان مراااا مظلومه بالماركات خاطري اخذ اشياء من فور ايفر سيفورا ماك ذابالم للأسف كلهل لازم طلبيه من تاجره اوو اسافر لها معاناااااه ارواج كيت موس حبيتها بس المات استغربت انك تقولي روجك كريمي اللي اعرفه ان المات يكون من برا لونها احمر والكريمي يكون اسود عموما استمتعت وانا اشووف البوست للأمام ياأميره ترا اتعلمت حاجات كثيره منك وباااقي ابغاا اتعلم يعطيم الف عااافيه يارب

    ردحذف
    الردود
    1. شكرررا لك من ذوقك ياعسل
      يلا الحمد لله التاجرات والطلب اون لاين سهل علينا كثيرر
      صح كلامك على الروج انا لمى جربتو بالبيت شكيت انو من مجموعه المات ! بس كلامك اكدلي هالشي
      بس جدا ابدا مو مات !!
      والله يعافيك ياررب

      حذف
  2. يازينك ويازين مفضلاتك و ان شاءالله احصل الهاي لايتر ب حكم انها كل شوي مو موجوده !
    بس حبيبتي انا عندي سواد ب ابطي من بعد الحمل بس الي الان ما خف وانا تقريباً بكمل سنة قوليلي وش اسوي وش استخدم مزيلات ؟ حتى ما اعرف لكريمات الترطيب خاصه لهالمنطقة انصحيني ! مرا مرا متضايقه منها :(
    ايهما افضل لويس ويدمر ولا فيتشي ؟
    احبك ف الله ()

    ردحذف
    الردود

    1. شكرا من ذوقك ♥
      من ناحيه مشكلتك استخدمي الليمون يوميا بدل مزيل العرق انتي جربي لو ناسبك اوك
      لو ماناسبك ممكن تستخدمي لمى تكوني في البيت لوحدك لاانه جججدا كويس ،، طبعا تجنبي الحلاقه لهالمنطقه لاانو لها دور كبير
      بالنسبه لهم ايهم افضل انا حبيت لويس اكثر
      واحبك الله اللي حبيتيني فيه

      حذف
  3. يعطيك العافيه امييرا مابغيتي تنزليها هههه
    الهايلايتر جممييل فعلا
    لمقوى للاظافير و القلافز ب اقرب فرصه حشتريه كنت محتاجه هالشئين لانو فعلا حقت بودي شوب ماتسوي شي

    اما التنت تشا تشا عندي من كم شهر
    ومخليته ماجربته الا مره وكذا ماحبيته تعودت ع البودره
    بس برجع اجربه بالفرشه زي ماقلتي واحط فوقه بلاشر نفس الدرجه ممكن احبه ..

    يعطيك العافيييه استمري <3
    @m_aram8

    ردحذف
  4. تكلمي عن البشره الجافففه وجهي يتقشر مع البودره والشي الوحيد الي يرطبه الفازلين بببليز نبي بوست

    ردحذف
    الردود
    1. المشكله بشرتي دهنيه ومالي خبره بالجافه
      بس شوفي مرطب البشره من سيتافيل علبتو كبيره تكلمت عنه مرا بمفضلاتي
      ترطيبه جدا عميق وغالبا يناسب البشرات الجافه

      حذف
  5. تسلم يدك ياعسوله

    ردحذف
  6. جميله امور كالعاده :* والتصوير طبعا ماشالله مره حمستيني على الباودر حقت دهن العود ان شاء الله بجيبها xx

    ردحذف
  7. يآزين مفضلآتك أمورة وتصويرك ماشاآءالله يحمس لدرجة إنه حتى الأشيآء اللي ندمتي عليها يتحمس الوآحد يشتريها من حلآة التصوير ماشاءالله

    عجبني كثير التينت من بنفت لأني أعشق المشمشي ودرجاته أكثر من البينك فـ آن شاءالله رح أشوفه ..وطبعاً كل شي جمميل كالعآدة ♥♥

    ردحذف
  8. ماشاء الله البوست جدا جميييييييل بس سؤالي عن الهايلايتر تغطي منطقة العين تمام يعني تغني عن الكونسيلر لان ماعندي هالات الا حاجة بسيطة واللمعة الي فيها تنفع للصباح يعني مو اوفر لان شكلها فالعلبة مرررة فيها شيمر ويعطيك العاااااافية ياعسل

    ردحذف
    الردود

    1. لااا ايوا هذي هاي لايتز لمعه مو هاي لايتر تغطيه :\
      والله يعافيك يارب ♥

      حذف
  9. وهي افضل او اضاءة ذا بالم نسيت اسمها والله ههههههه لان كنت بطلبها من تاجرة لكن لم شفت تبع ماك ترددت شوي ♥♥

    ردحذف
    الردود

    1. بس اجربهم الاثنين راح اقارنلك بينهم ♥

      حذف
  10. بالنسبه لبودره دهن العود قديم مرره واستخدمه من زمان مره حلو دايما احط منه بعد الشاور يجنن ينعشك وكثير سالوني عن ريحتي لما احطو مره ممتاز

    ردحذف
  11. قلفز التقشيرر علي قولتك ياخذ برودكت كثير وهذا يعتبر عيب انا استخدمه معاه شاورجل يعطي رغوه أقوى والسكراب استخدم ليفه زي المغربيه بس انعم تعطيني نتيجه افضل وبس يعطيك العافيه علي هالمفضلات الجميله

    ردحذف
  12. جربي روج شانيل 33 مطفي ولونه قريب من الي حاطته وايد حلو وقريب من لون الشفايف الطبيعي

    ردحذف
  13. مدونه رائعة بكل ماتعنية الكلمة من معنى

    ردحذف
  14. التنت من بنفت وارواج ريميل كيت موس مره يجننو ♥♥

    ردحذف
  15. ايش افضل اضاءه بنفت ولا ماك سوفت اند جنتل

    ردحذف
  16. شكررا اميره😍
    اشتريت مقوي الاظافر من مدحك له❤️
    بس بسالك هوا يمنع الوضوء ولالا يعني انزلو بمزيل المناكير ولا كيف😢

    ردحذف

Back to Top