الاثنين، 7 أكتوبر 2013

ايش هيا اله الكلارسونيك ؟ راي وتجربتي معاها ♥♡


السسلام عليكم والرحمه ،،
الصوره واضح حتكلم عن الكلارسونيك "واخيرا هههههه"
ارجع اقلكم السبب انا مااحب اتكلم عن شي الا بعد تجربه وتجربه وميييه تجربه الى مااحس اني متاكده من راي فلا تستعجلو عليا
تاكدو لو طلبتو مني ريفيو شي راح اسوي بس بعد مااعطي حقه من التجربه امكن بنات حيقولو من زمان عندك يمديك بشهر
تعرفي بس ماادري شوفت بنات باليوتيوب بعد فتره تغيرت النتايج معاهم فحبيت اجربها تقريبا ٣ شهور علشان احكم تمام♥♡






اول شي ايش هوا جهاز الكلارسونيك ؟
هوا فرشه تنظيف عميق للوجه تعمل على الذبذبه السرريعه علشان تنظف الجلد بنعومه وعمق وكلام الشركه المنتجه بموقعهم
وهيا اله ضد المويا يعني عادي تسبحيها معاك ههههه
من اثبات العيادات :
 تنظف البشره ٦ اضعاف من انو لو نظفتيها بيدك بس
٦١٪ افضل لاامتصاص فيتماين سي بعد استخدامها
امنه للاستخدام مرتين باليوم ناعمه ورقيقه
ومن كلام المستهلكين :
٩٤٪ اعطاهم جلد انعم
٩٠٪ اعطاهم لمعه وتوهج بالبشره


ليش اخترت الكلارسونيك على اله سيجما ؟
شوفت ريفيوهات كثييره على الكلارسونيك والككل يمدحها وانها حاجه بططله دورت على ريفيوهات على اله سيجما مالقيت وقتها
الا كم ريفيو بسيط وشوفت مقارنات بينهم الاغلب فضل الكلارسونيك على السيجما
اقتنعت اكثر كمان بسبب انو الكلارسونيك تشتغل ع الذبذبه ابدا ماتدور ولاهي خشنه او قويه بعكس السيجما فرشتها تدوور 
احسها ممكن تكون قويه على بشره الوجه :\



وقررت اخذ الميا ♥♡ و في ميا ٢ وبلس واريا بس احس مااحتاج مواصفات الباقيين ولا ابغى استخدمها للجسم :)
"مواصفات كل وحده منهم موجوده بالموقع بالتفصيل"
الميا تيجي بسرعه وحده وتشتغل لمده ٦٠ ثانيه وماتقدري تركبي عليها فرشه الجسم ويجي معاها فرشه للبشره الحساسه
وتقدري تغيريها ومكتوب بموقعهم انو يفضل تغييرها كل ٣ شهور




 كيف استخدمها ؟
ابلل وجهي شويا وبعدين احط الغسول عليها واشغلها وانتقل من منطقه لمنطقه زي ماهو واضح بالصوره الجبهه ٢٠ ثانيه
كل خد ١٠ ثواني والدقن والانف ٢٠ ثانيه ،، بعديها اغسل وجهي واجففه وترطيب



طيب راي فيها ؟
بالبدايه هيا الاله جميييله ♥♡ وكيوت كمان ههههه "بصراحه كنت ابغى الموف بس ماظبطت" المهم اقصد ملمسها جميل ومسكتها
حلوه وعلي اليد وتحسيها جد حاجه كواليتي جيد والماده المصنوعه منها كويسه
نيجي للاستخدام وهوا الاهم انا بشرتي عاديه مااعاني من مشاكل كثيره "الحمد لله" كانت عندي مسام متوسطه ع الانف
ورؤس سودا وحبات تطلع من فتره لفتره مو دايم بس تطفش غالبا تتعبني وتترك اثر ،، اوك هذي بشرتي
استخدمتها بعد الميك اب وبجد فرررق اشوف الفرشه قدامي كيف تطلع البلاوي ويقلب لونها !! يعني جد تنظيفها عميق
المسام عندي مررا خفت الحمد لله وهيا اول شي لاحظته منها بس الرؤس السودا ماختفت لا باقي امكن خفت ب ٣٠ الى ٤٠ بالميه
صح نعومه بااول الايام اللي استخدمتها فيها بعدين خلاص ماادري هوا انا اتعودت على الملمس او ايش :|
الحبوب اللي تطلع من فتره لفتره ججددا خفت ونادر تطلع بس ماسارت تطول يعني اول تجلس ممكن للعشره ايام بس مع 
الكلارسونيك ممكن ٥ ايام ولاتترك اثر وهذا اهم شي
بشرتي حسيتها انظف من دايم وتتنفس واستفيد من الكريمات بعدها افضل من قبل
يعني انا حسيت حسن بشرتي لدرجتين او ثلاث درجات افضل وحافظ عليها وبصراحه اهم شي المحافظه وماعاد استغني عنها♥♡
اليوم اللي مااستخدمها فيه احس ناقص شي واشيلها معايا بالسفر وكل مكان جدا عمليه :))
هذي اهم التغييرات اللي لاحظتها بس تغييرات واااو وانو بشرتي سارت احسن بشره وحلت كل المشاكل لا ابداا للان تطلع حبوب
للان بعض الاحيان تتقشر بعض المناطق والرؤس السودا مازالت موجوده !
لمى شوفت ريفيوهات عنها كثيير قالو انو بعد اسبوعين بهذلت بشرتهم بس استمرو وبعدها تحسنت وكنت خايفه من هالنقطه
بس الحمد لله ماعانيت ابدا من شي بس انتي حطي هالشي ببالك لو استخدمتيها :)


 شاحنها مغناطيسي حلو سهل ومن ناحيه مو حلو ممكن اي حركه يتحرك وماعاد يشحن وانتي تحسبيها تنشحن "دايم تسير معايا
ههههه" وتجلس يوم كامل تقريبا علشان تنشحن بس بعدين تطول معاك
الكود او الرقم اللي مكتوب باين بالصوره هذا يجي على كل جهاز رقم علشان تتاكدي اذا حقتك اصليه او لا !!
تسجلي بالموقع وتدخلي الكود اذا كانت اصليه راح تسجلي واذا تقليد راح يقولك كود فيلد يعني غلط الكود :$
فعلشان كذا انصحكم تاخذو من موقعهم اضمن شي ♥♡
سعرها وقت مااخذتها ١١٩ دولار حاليا اشوفها ١٢٥ دولار ! صح امكن تشوفيها غاليه بس عن نفسي ع النتايج اللي لقيتها
وانها اله تعيش معايا لمده طويله وكل يوم استخدمها اشوفها تستحق الملبغ .  
هذا موقعهم لو حابه تشوفيها والانواع الثانيه وفيديوهات تشرح طريقه الاستخدام والاسعار وكل شي ،،
 http://www.clarisonic.com


♥♡

Twitter | Instagram | Bloglovin | Ask     








هناك 29 تعليقًا :

  1. شجعتيني اشتري وحدة من زمان بدي اياها بس كنت محتارة بين السيقما و هاي بس متل ما قلتي انا بحتاجها للوجه مش للجسم و ان شاء لله قريبا رح بشتريها

    ردحذف
  2. فعلن الآله مررره جميلخ لي اسبوع استخدمها احس وجهي فرررش ومنور
    مشكوووره حبيبتي علئ تجربتك

    ردحذف
  3. يسلمو ع الريفيو من زمان ادور ع ريفيو للآله عشان اشتريها ولا لا وانشاءالله قريبا راح اشتريها ، مره ثانيه مشكوره حبيبتي وموفقه ، تدرين لقيتها في الموقت ب ١٥٠ يعني زاد سعرها

    ردحذف
    الردود
    1. ايوا صح زاد سعرها انا لاحظت
      اذكر وقت مااخذتها ب ١١٩ دولا اذا مو غلطانه
      والعفوو

      حذف
  4. سبحااااااااااان الله لسه قبل شويا قاعدة أدورها بأمازون لأنها عاجبتني من ريفيوهات الأجانب
    ودخلت بالصدفة ع بلوقك ولقيتك كاتبه عنو ..
    ربي يسعدك مرة شكرًا رأيك أثق فيه بجد :")

    بإذن الله رح أطلبها أحس بشرتي نوعًا ما دهنية فيارب تفيد معاي
    شكرًا لكِ :$

    ردحذف
    الردود

    1. ان شاء الله افدتك يارب ❤
      وان شاء الله تجيب نتايج كويسه معاك بس من ناحيه انو دهني ماادري لاانو هيا تساعد ع التنظيف
      والحفاظ على النظافه بس ماادري بالنسبه للدهون :$

      والعفو

      حذف
  5. بجد هي شي مره بطل وجميل

    ردحذف
  6. كيف طلبتي من عندهم ؟ ابغى اعرف كيف لأنو يوم جيت بشتري السعودية ماكانت موجودة ؟ ,وكمان كنت حابة اسئلك اشتريتيه عن طريق بريدك الامريكي ولا بالفيزا ؟

    ردحذف
    الردود

    1. والله قريبي باامريكا هوا طلبها ليا وجابها معاه لمى جا السعوديه وماادري كيف طلبها :$

      حذف
  7. الله يسعدك ويعطيك العافيه هي مجرد جهاز ممتاز بالتنظيف ومو سحر حتى الحبوب لها اسباب كثيره من الداخل وهذي تنظيف خارجي
    طيب اميره الله يعافيك كيف اغير الفرشاة ومن وين

    ردحذف
    الردود
    1. تنفك زي ماتفكي الغطا تقريبا
      وبموقعهم تنباع الفرش :)

      حذف
  8. مره جميله يعطيك العافيه كالعاده متالقه

    ردحذف
  9. انا عن نفسي اعطيهم جائزة الاوارد لأنه الاختراع يستاهل بصراحة ، لكن ما أحس غيرت لي شيء ببشرتي لدرجة الوااااو
    ولا يمكن عشاني كنت متوقعه نتايج أكثر من اللي تسويه مدري ، بس عموماً أنا كان أكبر همي الرؤوس السوداء صح تخففها نوعاً ما لكنها ما تغنيك عن اللصقات .

    ردحذف
    الردود

    1. انتي نفس تجربتي :)
      ماادري اللصقات كثير حذروني منها انها تزيد الحبوب وللان اخاف من تجربتها :$

      حذف
  10. حبيبتي ابي اسألك وش تجي معها ؟ قصدي الفرشه نفسها ايش نوعها لأني قريت بموقعهم ان فيها فرشات كثيره ومن ضمنها البشره الحساسه و الدهنيه
    اللي تجي مع الجهاز الفرشه الاصليه شنهي ؟ وهل تجي معها فرشه اضافيه :$ والا لازم اطلبهاُ اسفه كثرت الاسئله ههههههههههَ

    ردحذف
    الردود

    1. تيجي معاها تبغ البشره الحساسه ولا ماتيجي معاها اضافيات لا انتي تطلبيها بنفسك وبسعر ثاني
      ولا عادي خذي راحتك ♥

      حذف
  11. مساء الخير اميرة انا شريت البلس من سيفورا دبي
    صارلي تقريبا اسبوعين استخدمها يوميا بجد فرفت بشرتي انا بشرتي مختلطة والحبوب شي اساسي بوجهي الحين من دون مبالغه وﻻحبة ووجهي صارت مشرق الحمدلله مرة كويسه انصح كل البنات فيها
    بس بسألك ايش نوع المشقر اللي اقدر استخدمة للجسم ﻻنوا اللي شريتيه منهم خلص وهي حذرتني انو مو اي مشقر استعمل

    ردحذف
  12. صراحه جربتها وكانت مره جميله

    ردحذف
  13. شجعتيني استخدمها
    @pink4evershop

    ردحذف
  14. سؤآل وان شاءالله تردين علي ..,

    هل الغسول يجي معهآ اذا طلبتهآ من موقعهم ؟؟؟؟؟

    ردحذف
  15. ماجآوبتني على سؤآلي !

    ردحذف
  16. سوري ياغلااتي طرحت سوالي الاول بالمكان الخطآ
    راح اعيد لك سوال الغسول لازم يكون معين ولا اي غسول انا استخدم كلير *!
    افيديني بليز علشان لا اشتريها واتورط وتعدم البشرة وكده *)

    ردحذف

  17. استفدت من كلامك ..اخذت البلس لاني محتاجة للجسم , من الامازون وعليها تخفيض ١٥٪ و بدون ضرائب والحلو ان البائع معتمد من الشركة وهي معتمدة بائعين بالامازون وايباي(بالموقع موجودين عشان من تشتري من غير الموقع تتاكد هو معتمد ولا ..عشان الضمان ) ..كانت راح تكلفني من موقعهم بالضرائب بس الامازون وفر علي كثير تخفيض و بدون ضرائب ،،،،يعطيك العافيه

    ردحذف
  18. معليش حتعبك معايا بس انا فجاة قلت اشوف ادا الكلارسوينك حقتي اصليه او لا وطلعي Lot code is invalid!
    وقلت بما انك طلبتيها من الموقع حطيت الكود تبعك باين في الصوره وطلعي نفس الشي فبسالك كيف تتاكدي يمكن اتاكدت غلط وشكرا

    ردحذف
    الردود

    1. ايوا حبيبتي حقتي يطلعلك فيلد لاانو انا خلاص مسجله برقمها عرفتي ؟
      حقتك مفروض مايطلعلك لاانو انتي اول وحده تسجلها :)
      فهمتي عليا ؟

      حذف
    2. اميره لو سمحتي انا اشترت الجهاز من الامازون والعلبه الي جاةمكنش معاها العلبه البلاستك الحافظه للجهاز وانا مش عارفه ادخل الكود علشان اعرفها اصليه ولا حتي كتابته الكود غير عن الجهاز بتاعك ممكن تسعديني

      حذف
  19. ايوا فهمت تسلمي ياعسل والله يسامحها المندوبه هادا وانا اخذتها من وحده سمعتها طيبه في الانستقرام :(

    ردحذف
  20. اهلن حبيبتي ، اممم انا حابة أعرف وين بالضبط احط الكود ؟ ممكن تفهميني اكثر . لانو سجلت و مدري كيف كأني ما سجلت ! مافهمت له ..

    ردحذف

Back to Top