الثلاثاء، 17 سبتمبر 2013

مراجعه لمجموعه من منتجات لوش | Review : LUSH Products



السسلام عليكم ورحمه الله وبركاته ♡♥

كيفكم بنات ؟ ان شاء الله تمام ومبسوطين ؟
ليا فتره استخدم منتجات من لوش للي ماتعرف المحل هوا محل يبيع منتجات للعنايه بالبشره والشعر وعندهم ميك اب وعطور
زي مايقول المحل انو منتجاتهم طبيعيه "ما اادري بس دايم احس مافي شي طبيعي ١٠٠ بالميه وهالكلام للجذب"
الحلو انو مو مجربه على الحيوانات وهذا شي جيد :)
عن نفسي اكثر شي يجذبني فيهم ديكور المحل نفسو هههههه كذا غريب ويحسسك بالطبيعه :$ وعندهم منتجات مميزه بصراحه
 فروعهم بالرياض الفيصليه / المملكه / العليا العام وبجده بستارز افينيو


امريكان كريم / هير كونديشينر = بلسم 
بصراحه عادي واقل من عادي ترطيب جججدا بسيط وغير كذا لازم كميه كبيره علشان يعطيك نتيجه جيده
مااحب فيه الا ريحته جايه كاانو فانيلا ميلك شيك وانا احب ريحه الفانيلا وغالبا احطه علشان الريحه مو كترطيب !



دادي او شامبو
اول ماصبغت روحت لهم وطلبت شامبو للشعر المصبوغ بشرط انو يعطي شعري ترطيب ويحافظ على اللون الموظف على طول
اعطاني هذا ! مرررا جفف شعري كذا كل شعره كاانها سلك :/ ابدا ماحبيتو ولا ناسبني :"(
الغريب انو بعد فتره شوفت باليوتيوب يتكلمو انو هالنوع من الشامبو اللي يجي لونو بنفسجي غامق يكون للي صابغين اشقر !
لاانو يحافظ على اللون الاشقر وكذا وبجد رجعت اقرا العلبه مكتوب انو للشعر الاشقر !
فااتوقع غلط من الموظف انو يعطيني هوا والغلط الاكبر مني ماقريت ايش مكتوب على العلبه وقتها هههههههه
ومن هالمنطلق حاولي تقري مكونات منتجات لوش غالبا واضحه وسهله وتعطيك فكره وموقعهم قبل كم فتحتو في وصف
لكل منتج وبالعربي طلي عليه قبل لاتروحي وتشتري افضل شي ♥♥



فانيلا بوف - بودره للجسم
وهالمنتج سمعت عليه كلام جميل وغزل بريحه الفانيلا وانا من عشاقها رحت اخذتها وطلعت ولا شميت الريحه بالذات الاسم
فانيلا كمان ♥ـ♥ !
رجعت البيت اشم ريحتها لافندر ! اقرا مكوناتها انو فانيلا ولافندر وبصراحه ريحه الافندر طاغيه علي الفانيلا بكثير !!
من ناحيه ثبات الريحه او شي عاديه ماحسبت شي واااوو بس حبيتها غالبا شور قبل النوم استخدمها مرررا رايقه وتهدي بس اذا
خلصت مااتوقع راح ارجع اشتريها :|



بيج شامبو
هالشامبو سمعت عليه مدح كثيير وهوا من افضل منتجات لوش وكويس ينظف الفروه والشعر من الدهون ويعطي كثافه للشعر
لاانو من املاح البحر واصلا الحبيبات جدا كبيره !
وكذا المهم اختي اريج شعرها مرا دهني شعرها يوميا يتغسل وبشامبو وجربت انواع كثيره من الشامبو ومافي فايده !
قولتلها تجرب بيج وجربتو مرررررا مررررا عجبها تقول ويني عنو من اول ؟؟ مررا ناسبها تقول ماعاد سرت اغسل شعري يوميا
وسالتها راح ترجعي تشتري منو لو خلص ؟ قالت اكككييد مرا ومرتين وعشره مررا بطل ♥♥
المهم اليوم اخذتو منها اصورو وجربتو هههههه انا شعري الفروه دهنيه والباقي جاف حبيتو والله نفش شعري "كشه" هههههه
بس جفف الاطراف بس احس مره او مرتين بالاسبوع او لو في مناسبه ومع بلسم للاطراف يكون جييد



ماريلن شي زي كذا اسمو :\ تريتمنت للشعر = ماسك للشعر
برضو لمى صبغت شعري مررا خررب "للان نحاول فيه وشكلي بقصو اخر شي هههه" المهم كنت محتاجه ماسك للشعر اقدر
احطه علي شعري وهوا جاف مو لازم مبلول ويعطي ترطيب وكان هوا الوحيد ينفع يتحط على الشعر وهوا جاف ،،
اول شي ريحته قويه ماادري ماحبيتها ولو استشورتي بعدها الله تفووح ههههههههه هي صح امكن مقبوله بس قوويه !!
ترطيبه لمى انتظمت عليه مرتين بالاسبوع حسيت بنتيجه بعد امكن ٣ استخدمات  بس مو ذيك النتيجه الووواااوو لا ترطيب بس !
يعني ماراح ارجع اشتريه :)
*بعد البوست انتبهت انو للشعر الاشقر :$*



اي لوف جوسي شامبو 
تكلمت عنه قبل بمفضلاتي وراح ارجع احكي لاانو قرب يخلص وبصراحه هوا اكثررر منتج حبيتو من لوش
هوا شامبو للشعر اللي الجذور والفروه دهنيه والاطراف جافه مرررا بطل وناسبني وعشق معاه واذا خلص راح ارجع اشتريه
اكككييد ♡♡♡



هوني اي واش ذا كيدز - صابون
هالمنتج خيب ظني !! سمعت عليه مدح وصلو السما وتحمسسسست عليه بشكل مو طبيعي شميت ريحتو حلوه وجربتو بالمحل
على يدي ياااي رطبها اخذتو قسملي هوا اربعه اقسام وللان ٣ جديدين ومنهم اللي بالصوره !!
توقعت منو ترطيب عالي بس ابدا لا اغسل فيه جسمي وغالبا اذا خلصت شور اتوضا لمي جيت اتوضا ماادري ماحسيت
بااي ترطيب بالعكس تعرفو الاحساس اللي يجي اذا استخدمي صابون صلب ؟؟ هووا نفسسسو مافي اي زياده !
اتوقع ابطل اخذ اي صابون صلب بعد هالتجربه !!

في منتجات  عندي من لوش غير اللي ذكرتها زي مقشر الشفايف والاكوا مرابليس حكيت عنهم قبل بالمدونه وللان نفس راي عليهم 
وبس هذي تجاربي مع مجموعه من منتجات لوش بس ترا للان احب هالمحل واحب اجرب منتجاتهم تحمس بصراحه ♡♡
لو لك تجارب مع هالمنتجات او غيرها من لوش شاركيني هيا بالكومنت ترا انبسط فيها :) ♡

ولو حابه تتابعيني علي التويتر او الانستجرام حياك ♥♥


و سلامتكم :))

هناك 19 تعليقًا :

  1. بوست مفيد ,,,هذي الماركه ماخشت مخي ابدااا ولااتوقع راح اجربها خاصه بعد تجربتك ...ممكن تجاوبي ع الاسك لو سمحتي ووووشكراااا

    ردحذف
  2. السلام عليكم اميره اول مره اعلق على مدونتك بس متابعتك من زمان
    المهم

    لاش ماحسيت ان منتجاتهم واااو ابدا مرررره عاديه الا صابونه اخذتها منهم هي للبشره الدهنيه
    مره اعجبتني كويسه مره

    انا مثلك احب المحل اكثر من منتجاتهم خخخخ

    ردحذف
    الردود

    1. وعليكم السسلام
      شكرا لمتابعتك
      شوفي المنتج اذا اشتريتي لااحتاجك بالظبط حيكون واااو
      اما اذا غلطتي زي حالتي بااغلب اشيائي ههههههه فيكون عادي بنظرك

      حذف
  3. ميمو انا آحبه ��

    ردحذف
  4. مفكره أشتري شامبو من عندهم
    لأني كذا نفسك الجذور دهنية والباقي جاف
    شكلي باخذ آي لوف جوسي

    يعطيك العافيه أميره 3>

    ردحذف
  5. شامبو بيق بسبب احتوائه على قطع ملح فهو ينظف الشعر بشكل ممتاز. يُفضل انك تستخدمينه بعد المناسبات في الويكند لما يكون شعرك كله مثبت وجل وموس هذا ينظف لك اياه مضبوط وبشكل كامل اخر الاسبوع. اما الايام العاديه يُفضل استخدام شامبو عادي.

    ردحذف
  6. من وين شريتيهم ؟؟

    ردحذف
  7. اميره لوين طول شعرك

    ردحذف
  8. تسملي اميره على هالبوست الجميل , شوفي اذا رحتي عندهم مره ثانيه خذي زبده بافي وتونر ورق الشاي اكثر اشياء عندهم مدمنه عليها♥♥

    ردحذف
  9. مشكورا جداً أميره مدونتك رائعه
    مع أني من دول المغرب العربي.
    مع ذلك مدونتك من المفضلات عندي.
    الله يحفظك ويحفظ الأمير الصغير.
    حبي لك.

    ردحذف
    الردود
    1. العفووو ياعسسسل
      ويااهلا فيك وبااهل المغرب ♥♥
      حبي لك كمان ♥♥

      حذف
  10. مرحبا
    شامبو آي لوف جوسي يجننن انا شعري مثل شعرك وفعلا ناسبني ومرتاحه مرره عليه
    بلسم Happy Happy Joy Joy برضو يهبل ومادهن شعري ابد وريحته حلوه وخفيفه
    مرطب لوجهي اسممه Enzimion بطططل للبشره الدهنيه بعد السكرب
    سكرب ببل قم برضو يجننن انا ماحب ريحة المينت والكاكاو ماعجبتني كثير فاخذته ومرتاحه معه
    هير ستايلر اسمه R & B عادي مو وااااوو بس لطيف ومايدهن الشعر

    هذا اللي حبيته من لش برضو الصابون الصلب عندي منه اشيا جميييله ريحتها لكن ك ترطيب مو مره احسها عاديه
    و بس

    يسسسلمو اميره

    ردحذف
    الردود

    1. العفوووو
      حمستيني على البلسم انا زيك احب اللي يرطب بس مايدهن :|

      حذف
  11. ليتني قاريه هالبوست قبل لا اروح جده !
    للأسف زيارتي للش مع اني كنت مقرره اني اخذ كل شي ابيه لأن المحل ماله فرع عندنا
    لكن انتي حمستيني على اكثر من شغله تمنيت قريت عنها قبل لا اروح
    يعطيك العافيه Big كمان جربته ومره حلو رأيي من رأي اختك بما ان شعري دهني
    وجد هو الشامبو الوحيد اللي خلاني استغني عن غسيل الشعر اليومي
    يعطيك العافيه مدونه جميييله

    ردحذف

Back to Top