الأحد، 7 يوليو 2013

كيف ارسم حواجبي ؟؟! والمنتجات اللي استخدمها ♡♡


السسلام عليكم والرحمه يااحلى متابعات ♡♡

البوست هذا متحمسه له من فتره طويله لااني احسه شي مهم وله دور كبير 
حتكلم عن المنتجات اللي استخدمتها او جربتها برسم حواجبي وافضلهم
توحاولت اوضحلكم بالرسم طريقتي برسم حواجبي وبصراحه ماوصلت لها بسهوله
انا دايم دايم احاول اتعلم كيف ارسمها بطريقه تناسب وجهي وللامانه كنت دايم اروح
صالونات واسويها عندهم ونادر تعجبني الى مااخر فتره ظبطت الرسمه وسرت 
خلاص اعيد عليها الى ماتعلمتها كويس وظبطها بنفسي وارتحت من الصوالين :)♡



نبدا بالمنتجات اللي استخدمتها او جربتها للحواجب بصراحه جربت كثييير لااني احب
الشي الطبيعي المرتب ماحبيت الاقلام ابدا احسها تبين حاده ومحدده لاانو القلم غالبا
مايندمج معاك :$
جربت من ماك اللي ينبرم ومن بنفيت متشابهين وامكن افضل قلمين كانو هما بس مااقتنع
فيهم وجربت بعدهم ،،


هذا تاتو من ميك اب فور ايفر بصراحه عششششق♡♡♡♡♡
في فكره غلط ماخوذه عنو علشان اسمو تاتو انو ثقيل ومو طبيعي !! وهالشي غلللط
بالعكس المنتج جممييل ثبات ولون والنتيجه الطبيعيه الجميله
بس يبغالو شغل شويتين يعني مو بسرعه لا يحتاج وقت وتعلم
 وبس تتعلمي عليه كويس راح تظبطيه ويعطيك شكل طبيعي ججدا:)
هذي ثاني علبه اخذها بس للاسف غلطت بالدرجه لاانو غيرو شكلو واخذت اتوقع
اغمق شي امم غامق شويتين بس سويت حل لهالمشكله واموري تمام
موجود بسيفورا ب ٢٠٠ ريال ويجي معاه فرشتين كويسين لاتستهوني فيهم
الجزء الثاني من البوست راح اوريكم طريقتي برسم حواجبي بهالمنتج 
وراح اشرح عنه اكثر



بودره الحواجب من بودي شوب اتوقع تكلمت عنها قبل بالبلوج بس راح اقلكم اكثر
هيا بودره وحلوه للاستخدام اليومي والسريع حتعجبك ومرتاحه عليها لكل يوم
ممكن لو انتي من النوع اللي يصبغ حواجبه تستخدميها للترتيب حلوه ..
بس عيبها ثباتها بصراحه مو مرا ممكن مع الغطا تلاقي خفت !! وحتى مع الوقت 
حدتها تخف او ممكن لو روحتي مكان اضائتو عاليه زي السهرات تبين خفيفه :|
من بودي شوب ب ٧٠ شي زي كذا


قلم للحواجب من جيفنشي بصراحه ابدا ابدا ماعجبني ومبين انو لسى جديد مع انو من 
فتره طويله عندي :| ماادري هوا منو العيب او انا ماعرفت اتفاهم معاه ههههههههه
هوا قلم بس مررا خفيف يعني كاانو شادو !! لمى تيجي ترسمي في يسويلك خط عريض!
ماحبيت هالشي ابدددااا وله طريقه تستخدمي مع المويا علشان ثبات لو حابه ويسير
زي الكريمي بس بصراحه يسير خط اعرض من قبل !!! 
ابدا ماانصحكم فيه وحتى الثبات ابدا مافي !!



من اليمين مسكرا شفافه اثبت حواجبي بعد ماارسمها كويسه بس مو واو اصلا مااحس
في مسكرا شفافه وااو ههههه لا يعني وظيفتها تثبت وخلاص فخذيها من اي 
محل مااحس تفرق اللي عندي من ماركات سنتر بوينت وكمان بودي شوب يبيع شفافه


اليسار من ماك من فتره قريبه جبتها بعد ماشوفت المدح عليها بالانستجرام مررررا
واتوقع السبب استخدام حنان النجاده لها بفيديوهاتها هههههه
هيا ماترسملك ولا شي بس تلون لون شعر الحاجب فقط يعني لو مثلا شعرات حواجبك
سودا لو استخدميتها راح تفتحها لك وتسير بنيه ،، قولتلكم انو اخذت الدرجه غلط بتاتو
ميك اب فور ايفر فبعد مااحطو استخدم هالمسكرا وتفتح الحواجب وتظبط الوضع :)
مااحسها مهمه مرررا الا زي ماقولت لو انتي حابه تغيري لون شعرات الحاجب
ممكن تشوفي بفيديوهات حنان النجاده طريقتها وتفهميها اكثر

نيجي للجزء الاهم واللي حاوولت قد مااقدر اوضح واشرح فيه اللي هوا طريقتي بالرسم
لاانو جد اهم شي الرسمه تكون تمام وطبيعيه نصيحه ابعدي عن اللي تكون مثلا موضه
زي التشاينيز وماادري ايش اكبر غلط :|| 
حاولي رسمتك تكون قريبه من رسمه حواجبك الاساسيه لاانها تكون طبيعيه اكثر :)
شرحت على تاتو ميك اب فور ايفر لاانو هوا بجد مو سهل استخدامه ويفرق مرا 
لو استخدمتي غلط :/ بس كان متعب ع الورق لاانو كريمي وصعب بس انتو حاولو
تتخيلو ع الجلد والحاجب اوك هههه


شايفين الكميه الصغيييره اللي طالعه بالصوره هيا تكفيني برسم حاجب كامل !!
اكبر غلط تستخدمي كميه كبيره راح يبين ثققييل :$


بفرشه مشطوفه خذي هالجزئيه البسيطه على كل الفرشه وابداي بالرسم

 صورتلكم المراحل تقريبا بالترتيب من ١ الى ٩
اول شي احاول اني ابدا من وسط الحاجب ولا ابدا من اول الحاجب علشا مايكون حاد
من البدايه 
واسحب خط الى نهايه الحاجب وبعدين نفس هالخط احاول ادمجه واسحبه لفوق
يعني هوا يبغالو اكثر شي دمج ودمج انتبهي ترجعي تستخدمي كميه ثانيه منو لاانو
راح يسير ثقيل !! لا حاولي توزعي وتدمجي قد ماتقدري لو مرا تحسي خلاص 
خف ممكن تستخدمي كمان بس وزعيها وادمجيها وبعدين الجزئيه الباقيه استخدمها
للجزء الاول من الحاجب وبشكل اخف من الوسط وحاولي مايكون زوايا مربعه
كذا يعطيك لوك طبيعي اكثر ،، في بنات ماشاء الله شاطرين يستخدمو درجتين
من التاتو الوسط والخط درجه والبدايه وعلى فوق شويا درجه افتح وجمييييل
حاولي تدربي نفسك دايم عليه ومع الايام راح يكون سهل ومرتب :)


اممم مو واضحه ولا مرتبه مرا بالورق زي ماقولت لاانو كريمي فماينسحب ويندمج
كويس ع الورق :/ بس اتوقع وصلتكم الفكره صح ؟؟



بعد مااخلص من رسم الحاجب احب استخدم هالقلم اضاءه لتحت الحاجب من بنفيت
تكلمت عنه قبل بمفضلاتي وبصراحه بططل واتوقع له بديل بنيكس بسنتر بوينت
ولو تتابعو ميك اب باي كاميلا دايم تستخدم قلم نفس فكرتو شي جميييل♡
دايم ابدا من نص الحاجب زي الصوره تقريبا ومااحب ابدا من البدايه ابددااا يعطي لوك
غريب بالذات لو مافي شادو !!
وبعد ماارسم بما انو قلم وكريمي ثقيل لازم توزعي وتدمجي انا بااصابعي ادمجه وبعده
استخدم افتح درجه من نيكد ون عليه بصراحه شي جممميل ومرتب :))

-اذكر اخر شي احلى فرش استخدمتها للحواجب المشطوفه من مجموعه من فرش مكياجي و تبع اتش اند ام مرررا كويسين ♡♡

وبكذا خلصت البوست ان شاء الله عجبكم ويفيدكم
ياريت تشاركوني باافضل منتج استخدمتو للحواجب لااني دايم احب اجربهم
حاليا شوفت واحد ببنفيت وماادري شكلو يحمس 
اي تعليق او سوال بالكومنت تحت ،، وسلامتكم 

هناك 53 تعليقًا :

  1. تسلمين ياعسل ع الشرح انا الحمد لله حواجبي مرتبه
    من ربي بس لما احط مكياج ثقيل ارسمها ببودرة بدي شوب او مكياجي

    ردحذف
  2. تسلمي شرح جميل ومفصل ♥
    حبيت البوست وأفداني كتير ~
    بس عندي سؤال : أنا حواجبي مرتبه وفيها شعر زائد خفيف إيش تنصحيني بخافي حواجب ؟! لأني مابا أشقرها :((
    ويعطيكي ألف عافية ♥~

    ردحذف
    الردود

    1. الله يسسلمك ياررب
      والله مااعرف مخفي غير التشقير ومن جد لو شي خفيف ماانصحك بالتشقير
      لاانو راح يزيد الشعر ،، الله يعافيك يارب

      حذف
  3. بسلمووو اميره ... غيرتي انطباعي بالنسبه لتاتو الحواجب لاني ما احبه هالنوع ومافكر اجربه ابد
    بس راح احاول اجربه بنفسي
    افضل منتج بودره وشمع سلييك ترى هو نفسو الي ببنفت باختلاف الماركه بس شفت سليك ارخص
    وكمان بودره بودي شوب

    ردحذف
    الردود

    1. الله يسسسلمك يارب حاولي تجربي بيدك بالفرشه قبل ماتشتري وشوفي
      تبع سليك صححح كلامك نفس بنفيت تقريبا نفسي اجرب واحد منهم
      لاانو نفس فكره الشمع ماجربتها قبل

      حذف
  4. الله يعطيك العافيه ، انا ارسمها بشدو نيود من ذا بالم ومره ماشاءالله كويس احسه افضل من بودي شوب طبعاً مو البني الغامق مره

    ردحذف
    الردود

    1. الله يعافيك يارب
      صح الشادو لو كان كويس وثابت مرا حلو للحواجب

      حذف
  5. شكرااا كثير ياعسل .. انا حواجبي حلوة بس فيه شويه شعر زايد وخايف اشقر مترددة كثير يمكن يكثر وتخرب علي فاننتي ايش نصيحتك ؟ واذا تنصحين بالتشقير ياليت تشرحين عنه الله يسعدك

    ردحذف
    الردود

    1. العفوووو
      اذا شي بسيط ماانصحك بالتقشير ابدالاانو راح يزيدها
      عادي ارسمي حواجبك بشكل بسيط لا تخليها محدده مرا وراح تكون مرتبه

      حذف
  6. رسمتك ماحسيت قيها اي اتقان صراحه ..

    ردحذف
    الردود

    1. طيب وانا كاتبه اني اتقنتها ؟؟
      حبيبتي شغلي على ورق بمنتج كريمي فطبيعي انو مايكون مرتب
      لو ابغى شي متقن كان رسمت بالرصاص عاد اسهل شي الحواجب بما اننا كلنا
      كنا نرسم عين وحاجب بدفاترنا وكتبنا ههههههه
      وانا مايهمني شكل الرسمه اللي يهمني الطريقه فقط

      حذف
  7. شكرآ
    طيب وشكل النهائي وين ؟ ^_^
    طيب وهآ تاتو ينفع للجامعة واضح أنه ثقيل! ^_^

    ردحذف
    الردود

    1. الشكل النهائي مايظبط ع الورقه بالمنتج هذا وشوفي تعليقي للي فوقك
      التاتو ينفع اذا وزعتي تمام عادي

      حذف
  8. شرحك واضح الله يعطيك العافيه أنا استخدم بودره الحواجب من سيقما مرا ارتحت معاها ..

    ردحذف
    الردود

    1. الله يعافيك ياررررب
      سيجما المجموعه الكبيره ؟

      حذف
    2. واو حاجب رائع




























































      حذف
  9. اميييره ماشالله انتي شي مراا جمييل
    احب اتابعك و اشوف كل حاجه تنزلينها ♡♡

    انا نفسك استخدم تاتو الحواجب من ميك اب فور ايفر
    مرااا جميل ويرسم مضبوط ^^

    استخدمت كمان حق مكياجي من 22k
    كمان حلوو ( بودره + تاتو )

    استمري ياجميله ♡♡

    ردحذف
    الردود

    1. انتي الاجججمملل والله

      تبع مكياجي سمعت علبه مدح واتوقع مشابهه لحق بنفيت و سليك

      حذف

    2. شكرررا لك من جمال ياختي

      وتبع مكياجي سمعت عليه مدح واحس مقارب لبنفيت

      ♡♡

      حذف
  10. اميييره ماشالله انتي شي مراا جمييل
    احب اتابعك و اشوف كل حاجه تنزلينها ♡♡

    انا نفسك استخدم تاتو الحواجب من ميك اب فور ايفر
    مرااا جميل ويرسم مضبوط ^^

    استخدمت كمان حق مكياجي من 22k
    كمان حلوو ( بودره + تاتو )

    استمري ياجميله ♡♡

    ردحذف
  11. أميرة أسهل طريقة لرسم حواجبي إني أجي عندك ترسميلي ههههههه :p

    ردحذف
  12. جميل البوست♥♥
    بس اللي حواجبهم كثيفه شلون يتصرفون لان واضح الرسمه ان الحواجب خفيفه وبرضو كيف اخفي الشعر الزائد؟؟
    وشكرا😘

    ردحذف
    الردود

    1. الرسمه للي حواجبهم ثقيله مرا افضل يستخدمو بودره او شادو للفراغات والترتيب فقط
      الشعر الزائد انا عن نفسي اشقر

      حذف
  13. مرأأاااا شوكرن حبيبتي جعلس بالجنه انتي واهلتس;-)

    ردحذف
    الردود

    1. يالله ايش الدعوه هذي اللي تجيب السعاده
      امييين ولك بالمثثل يارب

      حذف
  14. ok <شفت وقرأت التعليق الي فوقي ^_^
    مو ضروري الشكل النهائي بس سوري أنا حبيت أتعلم منك
    أميرة ثانكس كثير ,فايتنغ ^_^

    ردحذف
    الردود

    1. اووك انا حاولت اوضح واعلم بس عارفه ورق وجيل مايظبط مرا
      والعفووو

      حذف
  15. مشگوره حبيبتي ع المجهود ♥

    آنا جربت اقلام وبودره حواجب وتاتو وصبغه

    ومازال البحث جاري عن شي ارتاح فيه :/

    ردحذف
    الردود

    1. انا زيك قعدت احوس الى مالقيت شي ارتاح عليه
      الصبغات لو كانت بشكل خفيف وطبيعي حلوه ومريحه
      :)

      حذف
  16. شكرا ياحلوه
    افديتنااااا
    راح اجرب بودرة هالمرة لانه الاقلام ثقيلة فعلا
    والتاتو مايناسبني

    ردحذف
    الردود

    1. ترا ممكن تاخذي شادو من ماك مثلا وتستخدمي لحواجبك لو تبغي شي خفيف
      والعفو

      حذف
  17. انا الحمدالله اضبط رسمة الحواجب وتطلع شكلها طبيعيه انصحك تستخدمي بودره مكياجي الي علبتها ذهبي مرره حلو تعطي لوك طبيعي اختاري الدرجه ٢لان الاولى فاتحه والثالثه غامقه مره بس حسب بشرتك طبعا يسلموا على البوسن

    ردحذف
    الردود

    1. حلووو من جد كثير قالولي على تبع مكياجي يبغالي اطل عليها
      شكرا لك

      حذف
  18. يارب يسعدك يا أحلى اميره أنتي انسانه راقيه .. جد انتي أميره ..
    الف شكرا لك ..

    ردحذف
  19. يعطيكي العافية عن جد افدتيني , انا استخدم الشادو اللي اسمو باك من نيكد 1 , بس شوي خفيف وخايفه استخدم تاتو او اي حاجة فيها واكس , مع البوست اتحمست اجرب الصراحة :-)

    ردحذف
    الردود

    1. طيب اذا الشادو يناسبك شوفي شادو درجع اغمق زي اسبريسو من ماك
      الله يعافيك يارب

      حذف
  20. اموره جربي سليك مره مره جميل وفرشته حلو مناسبني كثير

    ردحذف
    الردود

    1. احس سليك مشابه لبنفيت واكس وباودر ولا ؟

      حذف
  21. يسعدك ربي يااعسسل.. جميل جدا اختياركك
    حبيت اسالك افضل مشقر للحوتجب مايكثف الشعر او يطوله
    انتي ايش تستخدمين
    ..

    ردحذف
    الردود

    1. انا استخدم مقشر بوتس ينباع بصيدليه بوتس
      وتكلمت عنه بالمدونه زمان

      حذف
  22. هااااااي أميره
    مره تعجبني مواضيعك وأول م طحت ب صفحتك رحت لأول صفحه وجلست اشوف مواضيعك كلههههههها :$
    بس ماكان عندي أي استفسار ~
    لكن ألحين عندي , وأبي أسألك أنتي حواجبك خفيفه ؟
    لأنو انا حواجبي خفيفه من قدام وغصب م تطلع طبيعيه حاولت ب القلم والتاتو بس ماتطلع حلوه ~
    ف وش رايك وش تقترحين علي أسوي او استخدم عشان تبان طبيعيه ؟

    ردحذف
  23. والي ماعندهم صيدلية بوتسس ..

    ردحذف
  24. اميره جربي الباودر تبع مكياجي جربتها احسن من بودي شوب بكثير ا
    وكمان قلم حواجب من مكياجي اللي يجي نهايته خافي كمان الخافي ممممرا جميل

    ردحذف
  25. بس انا عندي وبستخدمو كدا لكنو غير ثابت ابدا ازاي يثبت بيروح علطول بالميه

    ردحذف
  26. كيف اعرف اللون الي يصلحلي ؟

    ردحذف
  27. كيف اعرف اللون الي ينفعلي اخاف اخذ اغمق ولا افتح مني ؟

    ردحذف
  28. تسلمي وايه رايك في تاتو كاجل

    ردحذف
  29. اهلين أميرة ، الله ينفع بك .. أنا عندي مشكلة ان كل درجات الجل والبوردة تطلع حادة وثقيلة لونا ومو مناسبة لبشرتي ، مع اني اخذ من الغطاء يعني خفييييف ، ودي درجة تشهب حواجبي شوي ، ايش تنصحيني؟؟؟

    ردحذف

Back to Top