الخميس، 23 مايو 2013

Fashion can be bought Style one must possess



"الموضه تقدري تشتريها الستايل لازم تملكي "


من زمان وانا افكر اكتب بوست يتكلم عن هالاقتباس ،، بالذات لمى اخذت اكثر من ورك شوب وتاكدت من الفكره اكثر
ومع اليومين هذي بتجيني اسئله كثيره انو اميره هل مازال البيبلوم مثلا موضه ؟؟ اقدر البس كذا ولا يعتبر قديم ؟؟
كثير نعاني انو يالله نفسي البس هالشي بس اخاف يقولو قديمه وراحت موضتها :"(
كنت دايم اجاوب البنات انو اذا كان عندك بالدولاب او انتي حابه تلبسي البسي عادي مو مشكله .،،
ليش ؟؟ لااني مقتنعه كل بنت بستايلها وبطريقتها حتكون غير ،، ولا تخلي شي بنفسك هههههه

مره في ورك شوب الستايلست شرحلتنا نقطه مررررا حبيتها وفهمتها اكثر وقولت لازم اقلكم عليها لاانو كثيير بنات
ملخبطين وحايسين بينهم .. اللي هيا هناك فرق بين  "الفاشونيستا" وبين "الستايليش"
الفاشونيستا اللي تكون بتتبع الموضه اول بااول ولبسها ع التريندز داايم حتى لو ماكانت مقتنعه فيه ١٠٠ بالميه 
بس هيا بشطارتها تخلي يناسبها ويكون وااو ,,
الستايليش اللي تكون لبسها جمميل ومرتبه وانيقه وممكن تلبس من التريندز بس مو لازم !! 
يعني "كل فاشونيستا تعتبر ستايلش بس مو كل ستايليش تعتبر فاشونيستا"
انا غالبا اميل انو اكون ستايليش اكثر من فاشونيستا بشخصيتي اصلا لاانو مو اي تريندز بيدخل مزاجي 
 ومن النوع اللي ممكن مثلا البس بيبلوم وراحت موضته بس بشكل انيق ومرتب واكون ستايل !

يعني مو لازم تتعبي نفسك انو اوه لا لازم امشي ع الموضه ولا ماحكون كشخه .. لا عادي البسي اللي تحبي بس بطريقتك
وستايلك صدقيني حتطلعي انيقه ومرتبه ،،


من الافكار الحلوه انك تكوني ستايلش وشويا فاشونيستا انو خلي بدولابك دايم دايم قطع كلاسيك حتتلبس كثييير زي مثلا بلايزر اسود / بيج وليجنج او سكيني اسود / نيود بس خامه كويسه وفستان اسود ساده مثلا ،، يعني القطع الاساسيه تقريبا .،
هذولا ماتصدقي قد ايش حتقدر تعملي عليهم تنسيقات كثييره بحركه بسيطه منك انو تاخدي قطعه وحده بس تكون مثلا من التريندز سواء شنطه او شوز او جاكيت او اكسسوار كذا حتقلبي اللوك كامل ويطلع اجمممل وماشيه ع التريندز ..
لو نفرض مثلا حاليا موضه طوق الورد لو انتي عندك فستان اسود ناعم مع طوق الورد تلبسي بحفله تخرج حيكون جممييل
وانتي ماشيه ع التريندز بدون ماتشتري ميه قطعه وقطعه !!
طلعت موضه الستريبس = المخطط تقدري تاخذي قميص مخطط وتلبسي مع ليجنج اسود وتلبسيها وفوقه بلايزر اسود ومع اكسسوارات جميله صدقيني حيطلع لوك جميييل
لمى تسير تخفضيات لا تروحي وتشتري كل شي هذا اكبر غلط لا دايم حاولي تاخذي القطع الكلاسيك اللي ابدا مو ع الموضه
ولمى يسير ينزل الكوليكشنات الجديده خذي القطع المميزه وتستاهل 
مفكره تاخذي شنطه ماركه لااول مرا !! خذي شي  "كلاسيك" ولون محايد مثلا اسود / نيود الالوان اللي بتمشي مع تنسيقات
كثيره وابتعدي عن اللي نازله بكوليكشن لاانو راح ينمل منها وتقدم وغير انو حيسير عليها خصم وتزعلي ههههه

حبيت اوريكم كم لوك من اللوك بوك اخترتهم باليومين هذي انو مو ماشين ع التريندز او شي بسسيط ومع ذالك كانو بالتوب

التوب "اكثر لايكات زي ماتقولو" حبيت اوصلكم فكرتي انو مو شرط تكوني ع الموضه علشان تكوني كشخه
اهم شي ستايلك انتي وطريقتك هيا اللي راح تجمل لبسك :))




هذا اول لوك نزلتو بالانستجرام اللوك مررا بسسيط ومافي اي تكلف << ابدا مافي تكلف وسيلين اللي كبر راسي ههههه
بس طالعه انيقه ومرتبه وستايليش 


مافي اكثر اناقه من الاسود والابيض ماتحسي ابدا يقدم 


مين مافي بدولابها تنوره سودا وبلايزر ابيض ؟!! دخلت القميص المخطط وغيرت اللوك مررا



 اناقه وبساطه "الباج هذي نفسسي فيها بس للاسف اكبر مني ههه "


حبببيييت تنسيقها مرررا وكيف دخلت المخطط بشكل جميييل وناعم 


طول البنطلون مايل للبرمودا هوا من الموضه للفتره الاخيره
"شايفين كيف بحركه بسيطه سار لبسها فيه حياه ومو عادي"



اللوك مررررا بسيط بس الستايتمنت نيكلس = العقر الكبير اعطاه جمال 


ها لابسه بيبلوم ماقالت قديم ههههههه وكانت بالتوب وجد التنسيق جججددااا شيك
بنات حبيت انوع باللوكات علشان توصلكم المعلومه

وبسس يارب وصلتلكم افكاري ولو انها مو مرتبه :/ البوست جا ببالي فجاءه وقولت لازم انزله 
وشكرررا لصاحبتي اروى من بلوج -لا دانتيل - ساعدتني ولاانها اصلا بكل ورك شوب تكون معايا وتشرحلي اكثر
من خبرتها ودراستها " احوووبك ياعسسل "

وبسس يارب استفدتو من البوست ،، باااي



هناك 29 تعليقًا :

  1. لو ممكن اميره الوورك شوب كيف ممكن احضرها يعني هي بطاقات دعوة ولا كييف ؟

    ردحذف
    الردود

    1. غالبا تجيني دعوات علشان تكون للبلوجرز
      بس لو كانت عامه راح احط لها اعلان بالانستجرام

      حذف
  2. Wow ., as usual u r post gorgeous and I'm thrill to be the first one who common ❤❤❤❤

    انتصار ...

    ردحذف
  3. جميل انك تكلمتي بهالموضوع وانتي بالذات لانو ماشاءالله متابعاتك كثار ويسمعون منك حبيت انك صححتي هالشي لانو البعض عنده مبدا انو اذا ماكانت ترندي يعني مو انيقة وزي ماذكرتي الاناقة في التنسيق والطريقة ومافي مانع من شوي ترند :p
    الله يعطيك العافية وانتِ خير قدوة بموضوع الستايل وكذا
    شكرا :)

    ردحذف
  4. مرررره رووعه اخر لوك

    ردحذف
  5. عفوا شنوو البيبلوم

    ردحذف
    الردود

    1. امم شوفي اخر لوك البلوزه البيضا هذا لشي اللي يجي طالع
      اسمه بيبلوم :)

      حذف
  6. آنتئ إنسانه جمممميله ومدونتك رائعه تتكلمي بعفويه أحب أسمع بنصائحك وااااثقق بمدحك للمنتج أو أي شيء يتعلق بالفاااشن شكرااااا أميره لكي كل احترامي

    ردحذف
    الردود

    1. كل احترامي لك ولااسلوبك الراقي
      وان شاء الله اكون عند ثقتك :)

      حذف
  7. حبييت موضوعك كثيير

    يعطيك ربي العافية

    ردحذف
  8. يعطيك العافيه عالبوست الحلو بس شلون اعرف اسلوبي

    ردحذف
    الردود

    1. مع الايام راح تعرفيه ماراح تعرفيه بيوم وليله
      البسي دايم وجربي دايم مو مشكله بااخر شي راح تعرفي ستايلك :)

      حذف
  9. مرا حلو استفدت منو كتير يعطيكي العافيه ياقمر

    ردحذف
  10. امووت في الفنانه يا ناس ماشالله ماتحتاجي انتي عندك خبرات تكفي بلد 3>

    ردحذف
    الردود


    1. حبييييبي ارروو الله لايحرمني :)

      حذف
  11. اميرة ممكن تنزلي بوست عن طريقة رسم الحواجب وافضل بودر تشقير يعني خاص بالحواجب بكون شاكرة لك لان هالموضوع مسبب لي ازمة بليز

    ردحذف
  12. اموره تكفين ياعسل اعملي مقارنه فالمدونه بين اساس بينفت واساس ميبلين فيت مي للبشره الجااااااااافه ؟؟؟ ايات افضل ؟؟
    << احترنا فاللي تمدحه للبشره الجافه واللي تقول لا مايناسبها
    وكمان بين شادو الحواجب تبع البدي شوب وبين باليت الحواجب من بينفت ؟؟؟؟ ومشكووووره 😘😘

    ردحذف
  13. مساء الخير
    فعلا صدقتٍ .. الوحده لازم يكون لها ستايل و مو كل شي بالموضة نتبعه
    شخصيا اشوف ان البنات الستايلش راقيات جداً ..
    تدوينه جميلة ..

    ~ توافيق

    ردحذف
  14. شكرًا لك يا اميرة

    ردحذف
  15. حبيبتي ممكن تفيديني شلون اقدراصير بلوجرز والله يجزاك خير

    ردحذف
  16. ماشاء الله
    كلامك فمحلو وكثيير كثيير يحتاجون مواضيع زي كذا
    شكرا حبيبة قلبي

    ردحذف
  17. اسسستفدت كثيير يعطييك العافيه .. جعلك بالفردددوس ♡ ~

    ردحذف
  18. ياحبيلك تحبي تفيد الناس ربي يزيدك .. عندي سؤال كيف تعرفوا الموضة :/

    ردحذف
  19. أميرة أحبك وأحب مدونتك اللي تحسسني بجمال الحياة ..آستمري يالغلآ

    ردحذف
  20. أميــــــــرة ايش في الوان غير دي الالوان اسود / نيود / بيج ؟ ^-^

    ردحذف

Back to Top