الجمعة، 17 مايو 2013

أيهم افضل ؟! مقارنات ممكن تساعدك ❀





هاااي بنوتات ،، ميسسسس يووو مرررا ماتصدقو قد ايش وحشني البلوج
ووحشتوني انتو وكل شي
بفتره الاجازه عرفت اني من جد احب التدوين والله اني قرقر لازم مكان اطلع في قرقرتي
هههههههههههه !!

المهم اليوم البوست فكرتو تقريبا معروفه بس انا حبيتها اكثر مع البلوج
اللي هيا انو منتجين زي بعض او نفس الفكره واقارن بينهم للامانه مع التدوين
سرت احب اجرب منتجات اكثر حتى لو كانو نفس الفكره بس علشان اعرف احكم
ع المنتج بطريقه افضل واعطيكم رآي فيها بثقه اكبر


نبدا بااول منتجين



اللي هما بلاشرين كثييرر قالو انهم متشابهين
من اليمين اورجازم من نارس مقارنه باليسار بهوت ماما من ذا بالم



ممكن تشوفو بالصوره تشابه كبير باللون وانو في شيمر وجميييلين
بس فرق باللون اللي باليمين اورجازم يميل للبينك شوفو هنا



زي ماهو واضح مايل للبينك اكثر اللون مايبين بسرعه لازم تعيدي كم مرا عليه
علشان يبان معاك حلوو وناعم ويناسب اغلب البشرات وثباته جيد ،،
كنت مرررا متحمسه عليه ع اساس انو بلاشر كيم كارديشان وكذا هههه
ناسيه السعر بالظبط للاسف ،، تلاقو برا السعوديه وعند التاجرات ..



هذا اللي جد جد فتتتنه بصراحه انا واريج من بعد هالبلاشر سحبنا ع اورجازم
هذا اجممممل بكثيرر اللون جاي ع مشمشي المهم شي جممييل يبان معاك
بسرعه وثباته كوويس اتوقع راح يكون بمفضلاتي ،، وسعره اتوقع اقل من نارس




هذولا برايمير للاي شادو
للي مايعرف البرايمير هوا شي تحطي قبل الاي شادو علشان يوضح لونه اكثر
ويثبته لك لمده اطول بصراحه منتج مهم وراح يفرق معاك بالشادو مررا ،،
حقارن بين اللي باليمين بينت بوينت من ماك وباليسار تبع اربن ديكاي
وراح اوريكم الفرق بين تبع اربن ديكاي الاثنين الموف والذهبي ..



هوا بالاساس اي شادو كريمي بس بالغالب يستخدم كااساس للاي شادو
في منو درجات كثيره بس اخذت هذي بيج زي لون الكونسيلر علشان تكون اساس
لكل الشادوهات



زي ماهوا واضح قوامه ثقيل وترا مو مكروف بس سلطان لعب فيه مرا :"(
المهم حلو شي بسيط يكفي وكميته كبيره ،، حبيته انو له لون يعني تقريبا يوحد الجفن
بحيث انو يخفف من الخطوط بالجفن مررا ويوحد اللون قبل مااسوي اي شادو
بس لو عندك سواد راح يقلب رمادي بس مع الاي شادوحيروح الرمادي ،،
عجبني مع اي شادو غالي او رخيص كويس ويبينهم بلوك مخملي
ثباته جدااا عاالي غالبا للمناسبات والسهرات والشادو زي ماهوا



الحلوين من اربن ديكاي  .. قوامه خفيف يعني زي المرهم بس اثقل !!
حلو وخفيف ويتوزع بسسسرعه بس ماتحسي مثلا يوحد الجفن ويغطي الخطوط
اللي فيها لا جفنك زي ماهوا !! من ناحيه تثبيت الشادو مررررا كوويسس بس
مو مع اي شادو لا مع الشادو الكويسه اصلا يكون واااوو بس لو شادوهات
مو مرا مايثبتها كويس ووتبان خطوط الجفن !!
يعني حلو للاستخدام السريع والخفيف اما لسهرات افضل تبع ماك


نيجي للفرق بين الموف والذهبي .. الموف جاي ع بيج ومع التوزيع يختفي تقريبا



الذهبي في شيمر ولمعه وع ذهبي يعني حق سهرات مررا يعني ممكن هوا
ومع شادو لون واحد يعطيك لوك ناعم شوفو سواتش له






كحلين حبيت اقارن بينهم لاانو اثنينهم احبهم بس فرق بينهم مررا



كحل اسود من اربن ديكاي من مجموعه ٧/٢٤ معناها انو ثابت ٢٤ ساعه
ب٧ ايام حق الاسبوع !! تحمسو الله يهديهم ههههههههه
المهم اللون سوادو جمممييل وكريمي يمشي معاك بسرعه بس ابدا مااستخدمه
للعين من جوا مررا يسيح معايا :"( وكرهته بالبدايه بس بعدين جربت ارسم فيه
ع الجفن العلوي يعني كااي لاينر مررررررا حبيته لاانو تحسي كريمي فبسرعه
يمشي معاك ولو حابه تموهي ينفع وسواده بطل وثباته خرافي ،، بس زي ماقولت
للعين من جوا مرا مايثبت معايا ويسيح وعيون الباندا هههههه



كحل اسود من مكياجي من مجموعه صبايا اتوقع حكيت عنو هنا :/
كحلي المفضل للعين من جوا  من سسسنين انا واريج واللي حولي
سواده جميل وثباته اجمل ،، مايسيح معايا وكويس ..



هذولا منتجات تقريبا نفس الفكره انو اي شادو بس بشكل قلم بصراحه مااستخدمها
كثير بسبب اني انساها :/ ومااعرف ادمجها ههههههه !!
بس حلوه تستخدميها كبرايمير للاي شادو لو ماعندك برايمر توضح لك اللون اكثر
وتثبته لمده اطول ،، من اليمين من اربن ديكاي واليسار من نيكس
تقريبا متشابهين بس تبع نيكس انعم يعني تحسيها كريميه شويا تتوزع معاك بسرعه
وخفه مو زي اربن ديكاي تعيدي كم مرا وبقوا شويا .. بس للاسف عندنا هنا بنيكس
ماتلاقي الوان حلوه دايم :"(



اللي بالنص نيكس والباقي اربن ديكاي شايفين اللي لونه بنفسجي هذا حاله خاصه
احس اني اكتشفته ههههه المهم هوا الوحيد في زي حبات الجليتر جليتر مو شيمر
يعني حبات لمعه صغيره مرررا نعوووم لو تحطي شي بسسيط بس بسهرات
بفرشه امشي عليه وبعدين اوزعه وطبعا مو كل الجفن !!



صح بنات في بنت قالتلي انو السواتش اللي احطها مو واضحه ادري والله بحاول
بس الاضاءه مابتساعد غالبا السواتش احلى شي بضوء الشمس بس مايمديني
فااحاول ابين قد مااقدر وانتو ممكن تاخذو اسم المنتج وتسوي بحث بجوجل
بالصور عليه وراح تطلعكم سواتشات لين الليل لووول :))



امكن حتستغربو كيف اقارن بين نفس المنتج !! هههههه
الله يسلمكم هذي لوس باودر من ماك المقارنه راح تكون بدرجه اللون





من اليمين ميديم تقريبا درجتي على بيج شوويا واليسار ميديم دارك برونز
المهم بالبدايه اخذت الميديم دارك كبرونز كانت جمييييله استخدم قبلها ستروب من
ماك وتعطي لوك برونزي خططيررر من كثر ماحبيتها روحت جبت الميديم ع اساس
انو باودر مع الفاونديشين بلوني العادي بس ابدا ماحبيتها !! صدمه ههههه
بس كذا تبين كاانو حاطه طبقه بوجهي ومغبره واللون مو حلو :"(
حبيت اوريكم تجربتي علشان تعرفو انو ممكن نفس المنتج بسبب درجه يختلف
راينا وبكذا حطي ببالك انو مو كل منتج يناسب غيرك ممكن يناسبك

ان شاء الله حبيتو البوست وفكرته لو عجبكم قولولي يسير دايم نقارن بين المنتجات
حتى لو مو ميك اب بكريمات بااجهزه بااي شي حابينو :))

لو لك تجربه مع شي من المنتجات اللي ذكرتها اكتبيها بالكومنت ترا مررا انبسط
لمى اقرا تجاربكم يعطي خلفيه اكبر عن المنتج

وسلامتكم ،،

هناك 21 تعليقًا :

  1. يقولون كحل مكياجي فيه رصاص ويسبب العمى

    ردحذف
    الردود

    1. سمعت هالكلام بس شوفت تجارب على اكحال ثانيه نفس الشي
      والله يحمينا يارب

      حذف
  2. يجنن البوست مرا كثري منو خخخ
    انا اليوم جربت بلاشر هوت ماما كنت بشتريه بعدين شوفت من سيلك باليت بلاشر ٣ الوان وفيلو نففففس درجة هوت ماما وبنفس السعر طبعن ع طول بدون تفكير أخذته وكنت مجربتو ع يدي ماراح لين غسلتها يعني ان شاء الله يكون ثباتو حلو كمان الحمدلله ماحس انو ندمت
    ويعطيكي ربي ألف عافيه بس شوفت في أنستقرام انك نزلتي بوست جيت اجري ع اللاب أشوفو مرررا استفيد من تدويناتك ربي يسعدك ويخليلك سلطان الي انا لو منك مدري ايش كنت سويت فيه عشان برايمر ماك هع

    ردحذف
    الردود

    1. يسسسسلم قلبك وحمستيني على سليك هالشركه اللي ماجربت منها شي للان :/
      والله يعافيك ياررب ويخليلك احبابك يارررب

      حذف
  3. يعطيك العافيه اميرة
    انا بالنسبه لي كحل ماك افضل شي سائل ومريح مايوجع وانتي تدعجيه ومايسيح معايا وصح حلو ترسمي به كاايلاينر فوق العين
    * امممم اذا تقدري سوي مقارنه بين ارواج حلوة ومرطبه بنفس الوقت

    واستفدت كثير من مقارنه البرايمر مااتوقعت اربن مو كويس بس ماك دايم تذهلنا ��
    وكمان لو تسوي عن لوك التان عمري ماسويته وودي اجربه وطبعا مااعرف الدرجه الي بتناسبني :/

    ردحذف
    الردود

    1. الله يعافيك يارب
      الارواج راح احاول اجيب بديل بس اقارن ماادري احس حيكون صعب :/
      البرايمير مايعني حق اربن ديكاي سيئ ابدا بالعكس حلوو بس ماك اتفوق عليه
      و،ضحت الاسباب بس ابدا مو سيئ تبع اربن ديكاي بالعكس ثاني علبه عندي منه

      التان ممكن احاول اكتب عنه بس انا مو راعيه تان للاسف :/

      حذف
  4. يعطيك الف عافيه صحيح الكحل جميل حق مكياجي

    ردحذف
  5. ي حيآتي والله فقدنآك بعد السفر :'(

    المهم مرة ااف شكر عالريفيو

    وعندي كحل مكيآجي بس لمن آنتشر عنو انو في رصاص خفت وتركته !وفعلآ ترآ حطيت مغنآطيس ولصق فيه مرة خفت

    جربي حطي مغناطيس وشوفي كيف ينجذب :-Q

    ردحذف
    الردود


    1. جربت واتلصق وجربت على الباقيين اللي عندي تلصقو بس خفيف
      كان اكثر شي تبع مكياجي اكثرهم انجذاب
      بس ليا سنين استخدمه والحمد لله ماشوفت ضرر والله يحفظنا يارب

      حذف
  6. مرررره جمممميل. البوست. مره استفيد من كذا ريفيو .. أتمنى إلي كتبت عن بلاشر سلك يشبه هوت مأما تذكر اسمه

    ردحذف
  7. ماشاء الله يعطيك العافيه

    بس حبيت انبهك كحل مكياجي يقولون فيه نسبة رصاص عاليه وخطر على العين فبطلت اشتريه

    ردحذف
  8. يابنتي انتي حاجه جمييييله البلاششر حق هوت ماما روعا كنت متردده اششتريه او لا بس من مدحك اكيد بششتريه

    ردحذف
  9. انتي حاجه جمممممممميله البلاشر روووعا حق هوت ماما وكنت متردده اشتريه بس من مدحك اكيد بشتريه

    ردحذف
  10. وحشتينا اميرررة

    من طول الغيبات جاب الغنايم بوست جمممميل

    شكراً من قلبي لاني اثقق بذوقك

    ردحذف
  11. حبوبه وتدخلي القلب بسوالفك ونصايحك نجي لموضوع كحل مكياجي كلش ماناسبني ولاىحبيته صج كنت متحمسه انسمعت له محد كثير بس ماكان معي تمام يسيح وماني عارفه ليش اصلا ليومك مو لاقيه كحل ناشف كويس بس الله لا يخلينا من محمود سعيد ايلاينر وش بقول بعد يعطيك العافيه اميره وعساك عالقوه دايما يارب ياحبي لك. ..........توته

    ردحذف
  12. يعطيك العافية البوست مرة حلو..ياليت تسوين ريفيو عن شدوهات وبلاشرات سليك وتعطينا رأيك فيها :)

    ردحذف
    الردود

    1. والله ماعندي ولا منتج منها ولا ماكان قصرت
      بس شكلي حجيب منها علشانكم بس :)

      حذف
  13. صباحو
    شخصيا احس السواتش مبينه و واضحه ... اني وي يسلم دياتك :*
    ~ توافيق

    ردحذف

  14. -



    يعطيك الف عافيهه ي جمالكك دايم تفيدينا ربي يسعدكك

    ردحذف
  15. ماشاء الله عليك ... بس حرام تكسري نفوس الفقراء

    ردحذف
  16. مره حلوة الفكرة ♥♥

    ردحذف

Back to Top