الجمعة، 1 فبراير 2013

My Night Routine ♡ عنايتي الليله


السسلام عليكم بنات

حابه اوريكم ماي نايت روتين  = روتيني في العنايه الليلي
يعني اشياء اسويها يوميا قبل النوم بصراحه افضضضل شي النايت روتين
انا انسانه انسسسى واتكسسل دايم وكنت اسوي شي يوم وعشره لا
بسبب انو بعد شويا بعد مااكل بعد ماصلي ويروح اليوم ماسويت شي !!
شوفت فكره النايت روتين حبيتها مرررا وخلاص تسير سهله وتتعودي عليها
واذا ماسويتيها تحسي نفسك ناقصه بس طبيعي ايام اسحب هههه
وحقلكم افكار وانا اعرض الروتين تسهلك الروتين

اوول شي اسوي اغسل اسناني وارفع شعري وابدا ،،،



اول شي احب اشيل الميك اب بقطنه وزي ماتلاحظو عندي ثلاثه ليشش ؟
بصراحه احب اوزعهم شي بالحمام *الله يكرمكم* وشي بالتسريحه واللي بالدرج ،،
فكره التوزيع هذي تسهل عليك بالروتين مو مثلا تدخلي الحمام *الله يكرمكم*
تفتكري انو المزيل بالغرفه تكسلي وتطنشي هههههه !!
اول واحد من اليمين ( كل الصور راح ابدا بالشرح من اليمين )
- نيفيا ترا مو وسخ بس بالدرج مع الميك اب فتلون وكذا
بصراحه هالمزيل مررررررا كووويس واحبو بصراحه يعني من المزيلات
اللي اذا اخلص غالبا ارجع اشتري انا وبنات خالاتي نحبو وسعرو كويس
- بيوديرما هالمزيل اللي الا ابغى احبو غصب من مدح الناس
بس ماادري مااحسو حاجه وووااااااووو زي مااسمع واقرا
حللوووو وكوويس ومايحسس ابدا وخفيييف يعني كاانو مويا بصراحه
كوويس جدا للاستخدام اليومي .. بس بصراحه مرررا يتعبني بالمسكرا لازم تبقى !!
مااتوقع ارجع اشتري
- البينك من غارنييه بصراحه هذا بطل بطل بطل افضضلهم واصلا واضح
عليه علامات الكرف وتقريبا مخلص هههههههه
مرا يعجني جد مزيل ميك اب وراح ارجع اشتري



بعدها ابدا بغسول الوجه امسح وجهي مويا واغسل بالغسول

اول واحد من اليمين

-غسول من كلينيك تبع ثري ستيبس كوويس وحلوو بس خربت
الظغاطه حقو وماعاد استخدمتو *ادري زوله ههههه * بس يعني مو الحاجه الواو
اللي يستاهل سعرو ترا ماادري بكم بس اكيد فوق ال ٥٠ بما انو كلينك
يعني مااحس يستاهل السعر مايسوي شي !
 

- مورنينج انيرجي من كلين اند كلير جبتو لاانو زي ماقولت هذاك
خرب وابغى اجرب شي رخيص شوفت جوجو تمدحو تحمست واشتريتو كووويس
بصراحه مافرق عن كلينيك بشي !! حللوو ويستاهل التجربه وينفع يومي ماهو قوي
بس من الحماس ماشميت الريحه وهيا اورنج وانا مااحب الريحه هذي

- شامبو جونسون حق الاطفال استخدمو اذا كنت مسويا ميك اب كتير
والله خطيرررر اعتبرو امكن افضل مزيل ميك اب جد والله بطططل
هوا استخدمو كمزيل وغسول مرا وحده
جربو وقولولي



فرشه الوجه تبع بودي شوب استخدمها مع الغسول بس مو يوميا بس لو كنت حاطه
ميك اب حفله او من فتره لفتره حللوووه استخدميها بعد ماتشيلي الميك اب
وشوفي كيف لونها يقلب من الميك اب اللي راح تشيلو هيا كمان
كثير سالوني عن طريقتها سهله اغسل وجهي مويا واحط الغسول بوجهي
واحط على نفس الفرشه نقطه وبعدين احركها على وجهي بشكل دائري



تونيك من كلينيك عندي رقم ١ و٢ شويا منو بقطنه وامسح التي زون
هوا يخفف من الدهون بهالمنطقه استخدمو على حسب بشرتي زي بالصيف
تكون الدهون اكثر فتقريبا يوميا اما بالشتا جفاف والدهون مررررا خفيفه
مره او مرتين بالاسبوع يكفي لاانو قوي وبطططل بصراحه
هوا اكثررر شي حبيتو من مجموعه الثري ستيبز
جد اول مااستخدمتو مررررا فرقت بشرتي معاه




سكرب الشفايف تبع لوش تكلمت عنو قبل في مفضلاتي هنا
استخدمو مرتين بالاسبوع تقريبا او لو حطيت روج لون ثقيل وباقي اثار 


بعد هالخطوات نيجي للترطيب



مرطب اورنج دايلي ... من شهرين امكن عندي ناسيه بالظبط بصراحه عجبني
اول الايام ماكانت تتشربو بشرتي بسرعه يعني وجهي يكون يلمع ههههه بس دقايق
وخلاص ومع الايام سارت تتشربو اسرع بس عموما مو سريع يحتاج دقيقه امكن
بس من جججد يرطب  ويعطي شوويه نضاره وملمس البشره نااعم ..




بيو ريجينا كريم مبيض علاج للنمش وصفلي هوا الدكتور وقالي استمري ٤ شهور
وليا اكثر من اربعه شهور ومااختفت ايوا خفت امكن ٤٠ الى ٥٠ بالميه
بس مااختفت وهوا قالي تروح !! حروح المراجعه واشوف ايش يقول
بس عموما راضيه بالنتيجه يعني حتى لو ماراحت بس خفت كويس
تراها نقط خفيفه وكل ماقولت لااحد يقولي وين النمش !! بس احتياط علشان ماتزيد



ترطيب الجسم *كسلانه واكثر شي ينسحب عليه هههه *
اللي من اليمين
- افينو اسمو ماادري بالفرنسي واخاف اخبصو ههههههه
بصراحه صاحبتي قالتلي عنو واحنا بفرنسا كويس للاكزيما علشان توني واخدتو
وبعدين مدحو ليا صيدلاني انو مرطب ورجعت وجربتو بصراحه بطططططططططللل
شي خوورافي جد الكريم الوحيد اللي اذا حطيتو وجيت اتوضا كم مرا لسى باقي
استخدمو بالبرد ومع جلسات الليزر لاانو تررررطيب
بس ترا كثير يقولو الكريمات عندنا جودتها غير عن اللي برا فعلشان كذا قولت
انو من فرنسا .. وترا ريحتو موش ولا بد بس حطي عطر جسم وتمام
-من فازلين الموحد استخدمو الايام العاديه حلوو والاحلى ريحتو
اما توحيد ماشوفت شي ههههه اصلا مو منتظمه عليه ..



كريم فيولا مبيض للركب والاكواع وصفتلي هوا الدكتوره
للان ححلووو وبيض تقريبا اممم ٥٠ بالميه يعني بالوسط تمااام بس اطراف الركبه
لا لسى :S بس متامله خير ان شاء الله
تستخدمي مرتين او ٣ باليوم عادي .. نقدر نقول نتايجو سريعه نوعا ما




ترطيب الشفايف هذا من اهم الاشياء اسويها قبل النوم
الاثنين اللي بالصوره اكثر شي حبببييتهم صح اي او اس *اللي باليسار*
قريب جبتو بس جد مررررا عجبني وقريب من الثاني اللي تكلمت عنو بمفضلاتي





كريمات ترطيب اليد ترا احب كثير علشان اوزعهم بكل مكان وترا هالحركه تسهل
عليك لاانو دايم انسى ارطب فخلاص الاقي واحد جمب راسي
من اليمين
-الهاند فود من سوب اند جلوري تكلمت عنو قبل جد مرررا احبو
ريحتو زي مارشميلو او حلاوه ياتحبيها او لا انا مااحبها بالبدايه بس بعد دقايق
كويس وترطيبو ججججدا عالي
-مرطب نيفيا للوجه واليد والجسم ههههه جربتو للوجه سسيئ !! حبوب بيومين
ولليد عادي مافي شي جديد نيفيا المعروف
اللي بعدو الهاند فود الحجم الكبير
-مرطب اليد من باث اند بودي حللوووو ويخلي يدك اللمسه المخمليه هههه
يمديكم ع الوصف خخخخ لا جد يدك تسير ناااعمه ... بس ترطيب لا ابدا يعني عطي
فتره بسيطه ويختفي مفعولو



مرطبات للرجول حلو ترطبيها وتلبسي شراب نعووومه بس انا مااحب شراب وانا نايمه نادرا البسو احس يضايق :$
من اليمين
-سوب اند جلوري جربتو كم مرا بس مااقدر احكم عليه ..
-فازلين عاد مايحتاج ههههه استخدمو اذا مافي الا هوا مايعجني مرا بس كثير
مرتاحين عليه
-اخر واحد من صيدليه بوتس جممميل وتكلمت عنو قبل هنا تحسي سحر خخخ
حطي والبسي شراب وقومي رجولك شي ناااعم بس عيبو مفعولو يوم !
في بنت قالتلي انو اللي يجي منو بعلبه قزاز المركز مرررا كويس ويجلس ٣ ايام
للي حابه تجرب انصحها بالمركز

اقولكم ليش مااستخدم الفازلين كثير لاانو دايم نخبي من هالشي اللي بالصوره



ههههههههههههههههه توني وانا اصور يوم شافو جا جرررري شالو وهررب
يعشششق شي اسمو فازلين حتى الصغير لمى اشتريتو هوا اللي خق عليه




اخر شي ابلع حبه من فيتامين حبوب هيردال
حبيتها بصراحه شعري احسسسن بكثير واظافري تقوت
كثير قالولي لاتاخديها تخرب ع الليزر وتكثر شعر الجسم سالت الدكتوره قالت لا ابدا
مالو دخل .. ومن جد سويت ليزر واخذها ولا ااثرت ابدا الحمد لله
من ناحيه تفتح الشهيه ولا لا ماادري والله انا بالبرد اصلا شهيتي مفتوحه دايم هههه

اخر شي نصيحه حبيت اقولها لكم لااني طبقتها وجد مررررا ارتحت معاها
هيا اني بعد مااخلص كل شي امسك القران واقرا والله يابنات مرررا النفسيه
ارتاحت لاانو طوول اليوم زي ماقولت قبل نكون مشغولين و ناجل نقول بعدين بعدين
ويعدي اليوم ماسوينا شي !! بس في اشياء مهمه ولو تاجلت راح نتعب
بس اذا خليتيها عاده محدده بوقت معين حتلتزمي فيها ان شاء الله
اقري حتى لو ايه عادي اهم شي تمسكي القران لاتكثري علشان ماتقطعي
وجه او وجهين احسن من اننا مانقرا ابدا وبعدها اقري اذكار النوم
صدقيني حتنامي مررتاحه ان شاء الله

وبسس هذا روتيني يوميا بالليل عاد ايام اسحب يومين او ثلاثه بس ارجع
وفي خطوات ينسحب عليها ههههه بس جد من سويت روتين ليلي انتظمت
اكثر من اول بكثيييررر

المنتجات اللي اللي حطيتها اغلبها موجوده بالصيدليات الكبيره

ماعدا مرطبات الشفايف ومنتجات سوب اند جلوري مو عندنا :(
وكريم ترطيب الرجل تبع بوتس متوفر في بوتس فقط
واتمنى انكم استفدتو من البوست

سلامتكم

هناك 20 تعليقًا :

  1. يسعدك ربي ياعسل
    بوست جميل ومتكامل ، ومن جد انك تمشي على شي معين صعب.
    ميرسي ياقميل استفدت كثير :*

    ردحذف
  2. ربي يسسعد قلبك ..
    بغيت اسألك كريم فيولا
    كم لك استمريتي عليه وبانت نتيجته ؟؟
    وبرضوا بسألك كم سعره ..

    ومششكورة.. ♥♥

    ردحذف
    الردود


    1. اممم امكن اسبوعين وبينت بس زي ماقولت بس بالنص
      والسعر 175

      والعفووو

      حذف
  3. كلين اند كلير الغسول اليييم >< بشرتي مو حساسه بس عدمهاا على طول طلعتلي حبوب
    وبصيدلية بوتس قالولي هالماركه تجاريه ومو كويسه

    ردحذف
  4. ماشاءالله عليج
    من بعد هالبوست احس نفسي مقصره وايد في نفسي هههههه
    و عن جونسون انا استخدم سائل قبل النوم (الي اساسا حق ولدي) و اغسل فيه وجهي بالليل
    الصراحه نتايجه رووووعه ثاني يوم ... الوجه له جلووو و سوفت وايد ... الي ماجرب خل يجرب بصراحه شي جميل

    ردحذف
  5. طيب انا بيضا بس اعاني من اسمرار ف الركب بشكل مرره قويي وماخليت شي الا واستخدمته بس عاتي م احس انو نفع لي شي.. تنصحيني بفيولا؟؟
    انتي بالاساس كيف تصفين اسمرار الركب والاكواع عندك؟سمرا ، ولا حنطيه، ولا فحم هههه


    وشي ثاني ي قمر.. ممكن تعملي بوست عن الليزر؟ وين سويتيه؟ ومتى؟ وكم جلسه؟ والنتايج النهائيه؟؟؟ والاسعار ايضا؟؟ وحكون لك ممنونه

    ردحذف
  6. ماشاءالله عليگ يعطيگ الف عافيه عن جد ابداااااااع الله يحفظگ ماخليتي شي …
    بشرتي تقريبآ زي بشرتگ بدأت من هنا ولفيت ع كل البوستات …
    مدونتگ راااائعه واكثر من راااائعه …

    اتمنى لگ التوفيق والنجاح والتقدم لـ اعلى المراتب ياااامبدعه…

    ردحذف
  7. مرحبا اميرا
    انتي فعلا اميرة باخلاقك وذوقك
    كتبت هالتعليق عشان ارد ع الغبيه اللي فوق ردي
    لو مو عاجبتك اميرا ليش تتابعينها اصلا وكلامك يدل على تربيتك ي بنت القبايل
    ناس غريبه
    من جد انا شفقانه عليك لان الغيرة ذابحتك

    ردحذف
  8. عجبني كريم فيولا ان شاء الله راح اشتريه بس انتي من فين اشتريتيه بالضبط؟
    ولفت انتباهي علبة القطن حبيتها من فين اشتريتيها؟

    وشكراً ياعسل

    ردحذف
  9. حبيبتي حرمت خالي كانت سمره والحين بيضه

    ردحذف
  10. يعطيك العافيه حبيبتي
    بوست جميل ومشجع .. الله يقويك ♥

    وانا اطالب ببوست عن الليزر :$

    ردحذف
  11. ششششكرا استفدت كثيييير

    ردحذف
  12. يسعدك ربي ع البوست الجميل...ممكن اعرف كريم فيولا و اورنج ديلي من فين بالضبط؟

    ردحذف
  13. مرحبا اميرة ..

    ماشاء الله تبارك الله من اجمل البلوقات الي دخلتها اسلوبك خفيف ويدخل القلب

    استفدت مرررررة (الله يجزاك خير ويوفقك)

    حبيبتي عندي استفسار:

    انا شعري خفيف مررة خصوصاً مع قدام عقدني وكرهني بنفسي

    ايش رايك بحبوب هير دال كويسه؟ وسمعت انها تسبب زيادة بالوزن صحيح الكلام ؟!

    وبليز نبغى ريفيو للـ هير كير

    شكراً

    ردحذف
  14. السلام عليكم
    شكراً على مجهودك الرائع

    انا اشتريت كريم فيولا بس بستخدمو لمفاصل يدي ودحين داخله ع الاسبوغ التاني ومافي نتيجه ملحوظه 😭

    اذا تعرفي كريم يفتحلي مفاصل اليد اكون شاكرتلك

    ردحذف
  15. برافو اميرة الروتين بتاعك حلو اوي ... اما التقييم للموضوع بتاعك 10 من 10 طبعا ....وياريت دايما تعملي مواضيع وريفيوهات عن المنتجات اللي نجحت معاكي وتفيدينا دايما وطبعا شكرا للمجهود الرائع .. واتمنالك مزيد من النجاح ...توتة..

    ردحذف
  16. بيو جينا حلو استعملته نتيجته حلووه انا استعملته شهرين بس مافتح لي الاكواع ولاماكن الداكنه فتح لي بشرتي عادي يمكن يحتاج لفترة اطول

    ردحذف
  17. الله يسعدك احلى شي االجدول اليومي للقرأن شكرا للتذكير
    موووووووووووووووه ياعسوله

    ردحذف
  18. طيب الغسول اي غسول انا استخدم كلير ! ولا لازم غسول معين *)

    ردحذف
  19. يعطيكي العافية ♥♥

    ردحذف

Back to Top