الأحد، 9 ديسمبر 2012

how to start a routine ? + lil new thing



صباااح الخيييررر بنوتات

كثير منكم طلب مني انزل روتيني واشياء استخدمها وكذا بس مو عارفه كيف ابدا
لاانو انا مو من النوع اللي تلتزم بروتين كوووويس بس والله بعد البلوج مررررا عقلت
وسرت استخدم المنتج كووويس علشان اديكم راي عنو من قلب

فاليوم حبيت اتكلم عموما كيف تبداي بروتين عنايه واوريكم كم شغله
دخلتها بروتين العنايه عندي وماخلصت بكملها كلها ان شاء الله
انا بنت زي زيكم اللهم ليا تجارب واقرا واشوف كثييير فنصايح مني ومن اللي اشوفو

اوول شي لازم لازم تعرفي نوعيه بشرتك كووويس لاانو على اساسها راح تشتري
المنتجات وباقي الاغراض وفي بجوجل واليوتيوب مقاطع كثييره تشرح
كيف تعرفي نوعها ؟ عاديه - دهنيه - جافه او مختلطه بين نوعين مثلا انا بشرتي
عاديه ماعدا التي زون = الجبهه والانف والدقن دهنيه
مع اخذ ملاحظه انو ممكن تتغير نوع بشرتك بسبب الجو او الهرمونات وكذا
يعني انا دحين من دخلنا الشتا في اجزاء بدات تقلب جافه 

ثاني شي تبدأي بالروتين الاساسي اللي هوا غسول + تونر + مرطب
هذولا الثلاثه شي اسسساسي بالعنايه بالبشره الغسول ينظف ويزيل بقايا ميك اب وكذا
التونر هوا سائل قوي تحطي بقطنه وتمسحي وجهك في والله تشوفي اشياء تنزل
وبعدو المرطب
بالنسبه للشركات افضل تكون طبيه عندك فيتشي بيو ديرما سيتفيل كلينيك وكثيرر
اهم شي بدون عطور وكذا بصراحه مااحب اللي تكون من ديور وشانيل وكذا
الغسول ممكن تجيبي رخيص مايفرق مررررا جربت كلينك وجربت كلين اند كلير
ماشوفت الفرق الكبييير يعني حطي فلوسك بالتونر والمرطب
التونر عن تجربه تبع كلينك بطل بطل بطل بس اختاري رقمك كووويس
ترا مو انا بس اشوف كثيييير يوتيوبرز يستخدمو هوا وانو جربو غيرو بس
هوا الافضل وبصراحه هوا الوحيد من الثري ستيبز تبع كلينك اللي عندي راح ارجع
اشتري لو خلص
المرطب مرا مرا مهم احس يعطي روح للبشره وماينفع تستخدمي غسولات
ومقشرات واشياء بدون مرطب
انتي دوري واقراى وشوفي باليوتيوب ريفيوهات انا من النوع اذا شوفت روتين بنت
سواء يوتيوب او بلوج قببل كل شي اشوف ايش نوع بشرتها وهذا اهم شي
لاانو وقتها اعرف تقريبا اذا راح يناسبني ولا لا وبعد البحث والحصر قرري وجيبي
اللي تبغيها بالظبط لا تروحي تشتري كذا خبط لزق
اعرفي كلمات مهمه مثلا اللي بشرتها دهنيه اي منتج مكتوب عليه اويل فري
يعني خالي من الدهون بيكون مناسبها والعكس للبشره الجافه


بعد ماتجيبي الروتين وتبدا فيه بقلك كلمه ادي فررررصصصه جد اشوف بنات
تقول جربت يومين طلعلي حبوب وعدم بشرتي وتركتو !!
انا كذا اول ماجربت ثري ستيبز من كلينيك طلعلتي حبوب وروحت للبايع وقالي عادي
مافيها شي هذا دليل انو جايب نتيجه ويطلع الشغلات اللي تحت ويشيل الجلد الميت
وجد والله استمريت امكن حق اسبوعين بدت تخف هذي الاشياء ومررررا تحسنت
بشرتي :)) وهذا الشي مو بس انا اقولو برضو من اللي اشوفهم دايم يقولو ادي
المنتج فرصه ممكن الى اسبوعين وقتها تحكمي اذا ايوا ولا لا !!
بس طبعا في بعضهم يجبلك تحسس وحكه وكذا فهذا طبعا توقفي على طول

اخر شي اذا سويتي روتين وبشرتك كويسه ماشاء الله احس وقتها تبداي تجيبي
الماسكات مقشرات كريمات تفتيح اي شي تبغي لاانو بشرتك نظيفه وكويسه
وراح تبان نتايح معاها النتايج افضل ان شاء الله

بنات هذا الكلام للبنات للي بشرتهم مافيها مشاكل كبيره وكذا غير كذا لازم لازم دكتور
اذكر روحت لدكتور بس اسالو كيف اعتني وكذا طالع فيني قالي انتي بشرتك كويسه
ماتحتاجي شي جات اريج تقولو ايوا دلع بنات جا طالع فيها قالها تصدقي
انو انتي بشرتك فيها حب شباب بس تحت البشره مو مبين تورطت
يعني مافيها شي تشوفي دكتور يقلك نوع بشرتك ينصحك بااشياء وكذا بس
مو اي دكتور لاني بجد اكررهه دكاتره الجلديه

المهم نيجي للاشياء اللي جبتها لروتيني طلبتو مني اوريكم هيا
بالنسبه لتغيير او تجديد بالروتين غيري اول شي حاجه وحده بس مثلا بس المرطب
علشان تقدري تحكمي اما تغيري الروتين كلو فجاه وقتها ماتقدري تحكمي اي واحد
منهم ناسبك واي واحد لا

هذي اشيائي بسيطه باقي الاشياء مو موجوده هنا وناويه اوصي عليها
وزي ماقولت ماابغى اجيب اشياء كثيره مرا وحده وبعدين ماادري مين الكويس





نبدا بالوجه
كريم المرطب تبع كلينيك خلص ودورت وكنت تقريبا ناويه على سيتفيل
بس كثيير مدحو اورنج دايلي بفيتامين سي وكمان كل صيدلي مدحو
والصيدلي وصلو السما <<< ترا غلط نسمع كلامهم هههههههه





اخدتو من صيدليه وايتس وموجود بااغلب الصيدليات يستخدم مرتين باليوم
 مرطب وفي فيتامين سي ويعطي نضاره للبشره
يارب كويس
سعرو ١٠٠ وش



غسول للوجه شوفت كثير مدحو قولت اجرب بالذات نفسي اجرب منتجات نيتروجينا
ب ٤٠ ريال من صيدليه الحبيب




قناع للوجه من البحر الميت انا بس شوفت انو من البحر الميت مرا تحمسست اجربو
ب ٦٨ من صيدليه وايتس وصورت لكم ايش مكتوب عليه




نيجي للشعر كنت ادور على شامبو وفيتامين كويس بالذات انو عندي نقص حديد اصلا
بصراحه الشامبو كنت قاريه عن فيتشي ومتردده والصيدلي وراني واحد وقولت يلا



ايطالي وحصري عند وايتس ب ٥٨ اذا مو غلطانه اخدت النوع اللي يقوي الشعر
ويمنع التساقط جربتو اليوم ونشف شعري بصراحه !! بس تجربه اولى مانقدر
نحكم لاانو شعري يستهبل اصلا



فيتامين هيردال مافي احد مايعرفو سالت كم صيدلي ادور شي كويس للشعر والاظافر
وفي حديد بصراحه في وايتس طلعولي انواع بس ماادري ترددت
في صيدليه حبيب قالي هذا في نسبه حديد توكلي واخدتو
ب ١٢٠ من صيدليه الحبيب بس موجود بكل الصيدليات



CUUUUTEE
نرا حاجه مرررا مرررا صغيره اذكر صاحبتي كان عندها صغير بس هذا اصغررر
شوفو حاولت اوضح



من صيدليه الحبيب ب 3 ريال تصدقو والله فرق عن الفازلين الكبير !!
هذا مرررا خفيف وتمتصو البشره بسرعه ومررا ناعم !! شكلو التصنيع غير ولا شي
عادتي مااحب فازلين بس لو زي هذا اتوقع اححب الفازلين ههههه

اخرر شي مالو دخل بالصيدليه وكذا بس كثير سالو عنها





ماي بيوتي بليندر شكلها لوحدو يجنن هههههه
هيا اسفنجه لتوزيع الفاونديشين وكم شغله ثانيه جاها مدح مووو طبيعي
باليوتيوب بلوجرز صاحباتي ميك ارتست هدى قطان وكثييير فقولت اجربها
تقدري تشوفي طريقتها باليوتيوب
http://www.youtube.com/watch?v=UMUPn8dxkKY
في بنات قالو انو ماتنظف وكذا ماادري ماجربتها بصراحه ولا دورت طريقه تنظيفها لسا
اخدتها ب ٨٥ من فوشيا ستور بالانستجرام
http://instagram.com/foshiastore

وخلصنا يارب اكون فدتكم ولو بشي بسيط وزي ماقولت انا بنت زي زيكم
لو حبيتو البوست وتبغوني اتكلم عن اساسيات زي كذا ادوني خبر
اي سوال في التويتر او الاسك موجودين في يمين الصفحه فوق

وسلامتكم

هناك 33 تعليقًا :

  1. مررره شكرا حبيبتي و يعطيك العافيه
    حبيت اكثر شي الكريم المرطب والفيتامين لشعر وان شاء الله اجربهم .. الله يسعدك ويوفقك

    ردحذف
  2. ممره جميل نظامك بس حبيت اقولك حبوب هيردال صديقتي تقول كثر شعرها حتى شعر الجسم احس شي مو كويس بس عن تجربتها هي وموفقه

    ردحذف
    الردود

    1. كثير قالولي نفس كلامك وخوفت ووقفتها مؤقتا
      عندي جلسه ليزر قريبه وحسال الدكتوره واشوف
      :))

      حذف
  3. ممره جميل نظامك بس حبيت اقولك حبوب هيردال صديقتي تقول كثر شعرها حتى شعر الجسم احس شي مو كويس بس عن تجربتها هي وموفقه

    ردحذف
  4. i have the same iron deficiency problem my nails grow ok but my hair falls like crazy :'( maybe i'll try the vitamins thats if i can find them in bahrain thanks sweetie pie for sharing with us and can you please keep us updated about the results ^___^

    ردحذف
    الردود

    1. u will find it Bahrain :))
      and sure i will let u know the results :)

      حذف
  5. ترا كريم اورانج دايلي عادي مررررره ونتايجه بطيئه جدا انا شريت علبه واحس اني م استفدت منها طبعا انا مااستمريت ع الكريم يمكن تكون النتيجه غير اذا فيه اسنمرار

    ردحذف
    الردود

    1. غريبه كريم مرطب ومااستمريتي عليه !
      كريم الترطيب يكون مرتين باليوم حتى لو مافي نتايج واضحه
      يكفي انو يرطب :))
      وللان حابتو بصراحه

      حذف
  6. يا حلوك ويا حلو روتينك مرا جميل :$
    تحمست على قناعقك واتوقع بجيب لي واحد نفسه :$
    انا بشرتي دهنيه لكن مع الجو البارد الحالي مختلطه
    غسول نيتروجينا رهيب يجفف البشره شوي لكن عادي استخدمه واحط بعده موسترايزر واخر حلاوه :*
    طيب ممكن تسوين لنا بوست عن عنايتك بتطريب جسمك بشكل عام وانواع الشاور جل الي تستخدميها
    ولو فيه سكرابز معينه ترا انا مرا احوب اشيائك وربي
    فرحتينا ب هالبوست :*

    ردحذف
    الردود

    1. من عيوني ياعسسل :))
      ومرا مبسوطه انو عجبك

      حذف
  7. استمر ياغلا انتظر ردك على التدوينا الي قبلها

    ردحذف
  8. اميره معليش خدمه
    اضافات الاسك مي والانستغرام كيف اضفتيه للمدونه ؟بحثت في النت مالقيت لقيت بس للتويتر

    ردحذف
    الردود
    1. الانستاغرام تدخلين هاللينك
      http://web.stagram.com/tools/
      و تقدرين تحطين ال Follow Me Button في البلوق عندج اما الآسك صراحه ما عندي فكره
      ان شاء الله افدتج ^____^

      حذف

    2. عادي حطي اضافه اداه وبعدين زي ماتحبي لو صوره حطي صوره وبعدين اللينك
      حطي اللينك تبعك سوا انستجرام او تويتر
      وبس :))

      حذف
  9. يآألله يآ أمييييرة اخيراً لقيت بلوجگ ♥♥♥
    مرة آحوب ردودك بالاقلاع و اشوفك تكتبي ادخلوآ بلوجي و ادورها و ابحث عنهآ و مألقآهآ إممكن بتوقيعگ بس اننا مو مسجلة عندهم مايطلع لي التوقيع ! :$
    آسلوبك جمييييل وروحگ حلوة
    استمممري

    ردحذف
    الردود

    1. يااقلللبي انتي والله ماقد جا ببالي اللي مو مفعلين
      المشكله ممنوع اظهار التوقيع
      انتي الاجمل :))

      حذف
  10. الكريم المرطب ينفع استخدمه واطلع الجامعه !!؟

    ردحذف
  11. حبيت روتينك
    برضوه الغسول تبع دايلي اورانج فضيييع كان ب١٠٠وشي وصلر ٩٥
    كمان في تونر بس لسى ماجريته

    ردحذف
  12. حلو روتينك بس ابغا تتكلمي عن البشرات و انواعها بشكل عام و كيف تتم العنايه بيها و كمان كيف اعرف نوع بشرتي شكرا اميره مره استفدت من هذا الموضوع الحلو اتمنى لك النجاح و انا دايم اتابعك مع اني مني متسجله اصلااا بس لما تكلمت عنك جوجو امانه وصليلها سلامي و قولي لها اني انا احوبها مررره و اتبعكم كلكم لانو دايم تفيدوني شكرا لكم

    ردحذف
  13. مررررره عجبني روتينك ...وخاصه شرحك اروع. انا دايم اقرى روتبن عنايه وينقلب راسي بس انتي وضحتي بشكل رائع .....عزيزتي نزلي روتين عنايه بالبشره مرررهمتحمسه عشان افهم فايده الزبده واللوشن

    ردحذف
  14. والله انا بشرتي مختلطه وبمنطقة التي زون دهنيه , ودايم بس اغسلها بصابون البابايا وكويسه , فكرت قبل شهر تقريبا اني اعتني فيها لاني قريت كثير بقوقل واليوتيوب انو لازم نهتم بالبشره ونرطبها ,رحت ذا بودي شوب وشفت اشياءهم ومدحوا لي مجموعة للبشره لمختطله والدهنيه قلت اجربها واشوف بالبدايه حبيت هالشيء كمان لان عندي مسام بخشمي وعند خدودي وقلت كويس نهتم بعد اسبوعين تقريبا وجهي انعدم حبوب :( واستمريت عليها تقريبا 4 ايام ونفس الشيء اشوف الحبوب تزيد بس لاحظت ان المسام بدا يصغر ..


    وحاليا تركتها وايش الحل لو تقدري تفيديني ؟!

    ردحذف
  15. والله مافهمت

    ردحذف
  16. بس توي اجرابه خيفه تكون خطر على بشرتي

    ردحذف
  17. بس توي اجرابه خيفه تكون خطر على بشرتي

    ردحذف
  18. طيب وشرايكم في هذي مره حلوه 1دوكين6 افالون رتنa منيراندلغي بالاعشاب درمو فيت البني
    ان شاالله تعجبكم

    ردحذف
  19. طيب وشرايكم في هذي مره حلوه 1دوكين6 افالون رتنa منيراندلغي بالاعشاب درمو فيت البني
    ان شاالله تعجبكم

    ردحذف
  20. طيب وشرايكم في هذي مره حلوه 1دوكين6 افالون رتنa منيراندلغي بالاعشاب درمو فيت البني
    ان شاالله تعجبكم

    ردحذف
  21. بس توي اجرابه خيفه تكون خطر على بشرتي

    ردحذف
  22. بس توي اجرابه خيفه تكون خطر على بشرتي

    ردحذف
  23. هلاوغلا مين فيكم هاجر مممممممممممممممنوين ياهاجر انتي للقبك المشمراني

    ردحذف
  24. يجب ألا يكون التعليق فارغًا ههههههههههههههههههههههههههههههههههههههههههههههههههههه





    ردحذف
  25. جميلتي ..
    ايش صار حبوب هيردال تاكثر الشعر !!

    اخاف استخدمها و اتوهق :(

    ردحذف
  26. فازلين الشفايف عندي بالروز ونو وردي خطيييير احطو قبل النوم اصحى احس شفايفي مافي انعم منها ♥♥
    والبيوتي بليندر ما يحتاج مره فرقت معايا بتوزيع الفاونديشن والكونسيلر ♥♥

    ردحذف

Back to Top