الأربعاء، 17 أكتوبر 2012

قرابيعي من دايسو :))



.
.
السلام عليكم بنات
كيفكم ؟؟ اليوم اجازه مين قدكم
المهم اليوم حبيت اوريكم كم شغله بسيطه بس المغزى منها ادلكم على المحل
المحل اسمو دايسو هوا ابو ريالين بس ياباني ههههههه
بس مو ابو ريالين من جد لا ابو ٧ ريال
وفي منتجات تكون فوق السبعه بس ماتتعدا ال١٠ يعني محل قشي وانبسطي
في قسم مطبخ وحمام وعلاقات وتجميل والعاب وتغليف هدايا وخياطه
يعني شي يجنن والله وكل المنتجات يابانيه او الاغلب
المحل فروعو بالرياض بالعثيم مول الربوه والعثيم مول بخريص
وبالدمام الشراع سيتي سنتر ودارين مول
الخبر الراكه المخازن الكبرى
المدينه المنار بلازا
الاحساء المبرز العثيم مول
ترا نقلتهم من الكيسه



يلا اوريكم قرابيعي ترا كل فتره اروح واجيب اشياء تعجبني منتجاتهم كويسه ماتتكسر



سلتين بحجمين الوحده ب ٩ ريال بس
خليت وحدا للكريمات ووحده للعطور شكلهم احلى ع التسريحه



علبتين حديد الوحده ب ٧ ريال في اشكال والوان تانيه
فكرت اخلي وحده لعده البدي كير ينقالي بسوي بنفسي



قلفز للسكرب جربتو قبل شويا هههه حسيتو ناعم شويا مو زي بودي شوب
ب ٧ ريال
والثاني كاب او طاقيه اللي تلبسيها لو حابه تغسلي جسمك وماتبغي تبللي شعرك
بس انا استخدمها اذا حطيت شي بشعري اغطي فيها علشان يتفاعل من قلب
ب ٧ ريال



ماسكات للوجه واخدت اتنين بالكولاجين امس جربت واحد وابدا ماخوفت
جود وسلطان هههههه مكتوب مرتين لثلاثه بالاسبوع
وانا مااخدت الا اثنين فماادري احس ماراح اعرف نتيجتو كويس
بس حسيتو ترطيب عميق اول مرا افهم الكلمه هذي منو
الثاني ماادري مكتوب وجه العنايه الميزانيه ههههه عاد حلوها انتو
الواحد ب ٧ ريال



كماده روحت ادور حق اسال مجرب ووراني الهندي هذي واخدتها
تسير حاره او بارده
تحطيها بالميكروف كم دقيقه او بالفريز واستمتعي لووول
ب ٩ ريال



فرشه للرجول لها وجهين هنا اوضح



انا كنت ناويه اخد عده حق البديكير بس مالقيت الا هذي
 بس اليوم رحت الصيدليه وكملت
جربتها حسيتها حلوه للرجول وبالذات انها وجهين ب ٧ ريال



حاجه تسوي مساج للبطه اللي بالرجول قولت اجربها لاانو دايم تعورني
ب ٧ ريال



اشتريتو للصابون صرفو ليا الدكتور ودحين ضيعت الصابون
ب ٧ ريال



اعترف اني تحمست واجد واشتريت الشي هذا هههههههه
معطر للشعر وهوا زي الشامبو !! الله يستر
ب ٧ ريال



اسفنجات مررا ناعمه جبتها ع اساس اظبط هذيك الحركه اللي بالمناكير
اللي نزلت صوره تجربتي الفاشله بالانستجرام ههههههه
ب ٩ ريال



لااحد يسال ليش كيفي ههههههه
ب ٧ ريال



اخرر شي واااجممممل شششي



جبتو من مدح اسال مجرب وبلوجرز تانيه ناسيتها للاسف :\
هوا مبرد اظافر كهربائى والله يابنات يجننننن بالذات اللي ماتعرف تبرد زي حالتي
لمى جربتو بالبيت ندددمممت مااخدت كم واحد لاانو قربوعي ب ٧ ريال
شويا نلاقي واحد زايد بكيس اريج واخدتو من غير كلام
وامكن يعني تلاقوني بعد كم يوم هناك اشيل كمان
جد جد لايفوتكم يابنات اصلا كلها ٧ ريال
واخدت حق الاظافر شي بس شكلو بكيس اريج
وصصحح منزلين اشياء ديزني للاطفال صحون وكاسات وخرابيط تدنن
اريج انبسطت عليهم ههههههههه

يلا روحو وانبسسطوو وقولولي ايش اشتريتو

استودعتكم الرحمن

هناك 28 تعليقًا :

  1. كل ما اشوف مشتريات البنات من دايسو اتمنى يكون بجدة فرع له
    تتهني بمشترياتك

    ردحذف
    الردود

    1. ان شاء الله يفتح عندكم
      بس انتو عندكم مهجه يجنن لووول

      حذف
    2. من جدد ي ريت يكون في جده

      حذف
  2. على قد ما اسمع عنه نفسي ادخله

    ردحذف
  3. مره حلوى حاجاتك بس انا كل مره اروح ما اعرف ايش اشترى كأني ضايعه في المحل

    ردحذف
    الردود

    1. هوا هذا تضيعي من الخرابيط
      تعرفي انا اشيل واشيل واشيل وبعدين قبل لااحاسب افرز الاغراض
      ههههه
      :))

      حذف
  4. ههههههههههههه اسمها العناية المتوازنة مو الميزانية

    يارب يفتح عندنا مرا مخققني
    Solisar.Blogspot.com

    ردحذف
    الردود


    1. ههههههههه شوفتي ترجمه ابو كلب
      اصلا اول ماكنو يترجمو الاغراض فماتدري الشي لاايش
      بس كويس سارو يكتبو بالانجلش وبعضو بالعربي

      ويارب يفتح ولا تعالو الرياض انتو :))

      حذف
  5. احب هالمشتريات خصوصا من ابو 7 ريال زي هنا ههههه
    من جد لو عالاقل يفتح في جدة .. ظلم ):

    حبيت مشترياتك وسواليفك وتصويرك كلاام ...

    يعطيك العافية xx

    ردحذف
    الردود


    1. لا طماعين بنات جده عندكم مهجه يكفيكم ههههههههه

      والله يعاافيك ياررب :)))

      حذف
  6. حبيت القرابيع دي ^_^
    دايما المحلات زي دايسو ومهجة يبغالها تنبيش وتطلعي منها بأشياء خطيييرة

    ردحذف
  7. حلوه لكن لهجتك تلوع الكبد

    ردحذف
  8. من جد دآيسو يبغا لو روقآن .. وآخر مرة رحت آشتريت المبرد نفس الشي من أسال مجرب الله يسعدها

    ,, وجد نفسسي آدخل مهجه , يلا الصيفيه جآية وطريقي لجدة لامحال له =))

    .. سمآح

    ردحذف
  9. اقراضك تجنن تتهني بيها يارب دايسو دخلتو بس فرع ماليزيا وكان مرره حلو يارب يفتح عندنا بجدة

    ردحذف
  10. روعه ماشاء الله ممكن تقولين وين مكانه بالضبط ؟ انا من الرياض

    ردحذف
  11. اسمه مبرد الاظافر الكهربائي !
    وين فروعه في الرياض !
    واهى نفس ساكو ولا يختلفون !

    ردحذف
  12. جميييل مرره يارب يفتح في جده يفتح ويضمن اني حكسبو وﻻ يهمو
    بس مهجة ما يبيع زي دي الاشياء الدميلة
    تتهني بيها يا عسل

    ردحذف
  13. مممررةة جميل دايسو وكم مرة اروح له واشيل الدنيآآآ كلها

    انصح البنات فيهه

    واغراضكك مرة جميلة تتهني

    ويعطيك العافيه على الموضوع الاكثرر من رائع

    ردحذف
  14. ماشاء الله رووعه اغراضك حمستيني,يااليت يفتح بجدة صح مهمجة روووعه بس الطمع شيين

    ردحذف
  15. المراية الصغيرة الموجودة على تسريحتك من فين

    ردحذف
  16. قد دخلته ذي المره بالمدينه مره حلو وحاجات غريبه بس للأسف رحناه أخر شيء معناته الطفره ماكان في بوكي الا 26 ريال ^xD

    أشتريت الاشياء اللي محتاجتها محفظة مكياج واكسسوارات وشفت عيدان أكل مره راقت لي وأشتريتها وكلوه بـ 7 ريال شفت حاجات جججججججججججججججججججججججميله بس مافي فلوس يَ خخي ,(

    يَ خخي تحسين أنك باليابان وفي واحد من محلآتهم حاقه قميله قداً !

    ردحذف
  17. اسال مجرب في فرع في المدينه

    ردحذف
  18. في المدينة في سوق المنار الصراحه المحل دا رووووووووعه بس بعض الاحيان يكون فاضي

    ردحذف
  19. يجنن ونفسي يكون في جدة

    ردحذف
  20. فى فرع منه ف الدمام

    ردحذف
  21. فيه له فرع بالخبر بجوار رماية واكسترا الليي بالخبر جيته فعلا خايس حرام الواحد يضيع فلوسه عندهم وغالين بعد

    ردحذف

Back to Top