الأربعاء، 24 أكتوبر 2012

All about my Brushes!♡



السسلام علييكم ورحمه الله وبركاته


اليوم راح اتكلم عن شي انسال عنو كثثثييررر و من ززمااان
اللي هوا مجموعه " فرش المكياج " اللي عندي



كثير يسالو ايش نجيب وايش افضل مجموعه
وهل الفرش ضروريه ولا لا
بصراحه الفرش ضروريه في المكياج ولها دور كبييير بصراحه
تخلي الشغل ارتب وانظظف
انا مو بروفيشنال ولا ميك اب ارتست انا بنت تحب تجرب وتحب الميك اب فقط!

الموضوع طويل حبتين وراح اتكلم في
- عن المجموعات اللي عندي وتفاصيلها
- طريقه تنظيف للفرش
- الفرش الي انصح تاخديها اذا كنتى مبتدئه

اول شي حقولكم عن المجموعات اللي عندي بالظبط وبعدين راح نتكلم بالتفصيل



عندي مجموعه سيجما ال ١٢ فرشه من غير العلبه طلبتها من التاجره اسرار الابيض
حلوه العلبه بس ليش مااخدتها ؟؟ لاانو في اكواب اشكال احلى تنحط ع التسريحه
حجمها كبير اذا حشيلها بالسفر بصراحه !!



وهذي المجموعه من ريل تكنيك اللي هيا تبع بيكسو الاختين اللي باليوتيوب
اربع فرش مع بعض وشنطه ممكن شنطه وستاند بس حسيتها بايخه لاانو ماتقدري
تضيفي معاهم فرش فيعني بشيلهم هما بس !!
تجربتي معاهم امكن شهر او اقل بس عرفتلهم على ططووول
المهم اخدتها من تاجره بالانستجرام وبصراحه الوحيده اللي لقيتها عندها ب ١٢٠
وهذا حسابها بالانستجرام @foshiastore تعاملها مرررا عسسل

وعندي مجموعه فرش من مكياجي اللي ١٢ حبه من زممان اخدتها
ومجموعه اللي ٥ فرش من ماك اللي يكون عليهم عرض
وفرشه وحيده من اتش اند ام بس بصراحه حمستني اجرب منهم اكتر
وفرشه وحيده برضو من ميك اب فور ايفر بعد ماجربت تبع سيجما سحبت عليها



هذي صورتهم حاطتهم في كوبين الكبير للفرش حق الوجه والصغير حق العين
الاكواب اخدتها من سنتر بوينت هيا اصلا شمعدانات بس انا خليتها للفرش
من ززمااان اخدتها بس قريب شوفت تشبها باالوان فوشي وازرق .. تجننن



نبدا بالكوب الاول الكبير تبع الفيس
وراح اتكلم عن الفرش بالتفصيل
ابدأ بتبع الفاونديشين = كريم الاساس



الفضيه من ميك اب فور ايفر والسودا سيجما
تبع ميك اب فور ايفر سعرها قريب ال 200 ماادري وين عقلي لمى اخدتها
ومجموعه سيجما كامله ب 400 وفرشه سيجما هذي لوحدها اصلا
تغطططي واافضضل من ميك اب فور ايفر ليش ؟
ميك اب شعرتها بلاستيك + كثيفه او عريضه فتسوي خطوط اكثر من تبع سيجما
وعن نفسي احب اوزع الفاونيشين بيدي بصراحه اسهل واسرع
وتحسي ينفرد على وجهك تمام او عن طريق الاسفنجه كمان كوويس
علشان كذا ناويه على البيوتي بليندر ان شاء الله



هذي تبع الفاونديشين من ريل تكنيك مررررا صغييييرررا لو اوزع كريم الاساس فيها
بجلس لبوكرا ههههههههه ومااقدر اوزع فيها الكونسيلر = خافي العيوب
لاانو يتوزع بالطبطبه بالاصابع فماادري مالقيت لها استخدام لسى !



فرشه الباودر هذي الفرشه كانت من اهم الفرش عندي بالمجموعه كلها
وللاسسسسف شعرها مررررررا يطيح بشششكل مو طبيعي
معايا امكن من قريب سنه والى الان يطيح شعرها !!
راسلت سيجما وقالولي هاتي رقم طلبك ونبدلك هيا بس للاسف اخدتها من تاجره
فكيف اوصل لرقم الطلب وكذا بس جد تعاملهم مررررا بططل
نيجي لاادائها هيا خططططيررره وكبيره ومرررا كويسه بتوزيع الباودر
ودمج البلاشر بس زي ماقولت ممشكلتي معاها الشعر اللي يطيح !
اللي عندها حل تنقذني



فرش الكونتور والهاي لايت = تحديد الوجه والاضاءه





عندي وحدا كمان من ماك زي البيضا اللي هي للتحديد بس ماادري وين مختفيه
عموما اثنينهم اللي من ماك  نننفسسس الاثنين اللي من سيجما
الاداء نفسو  ومافرقو معايا بشششي نفس الجوده نفس نعومه الشعر
ونفس الحجم تقريبا !!
بصراحه ماحبيتهم مرررا بسبب حجمهم الكبير !! يعني اذا حتستخدمي
اللي تبع الهاي لايت اللي هيا الاثنين اللي تحت راح تكون المنطقه
اللي تتغطى بالهاي لايت مررا كبيره يعني الهاي لايت مفروض ينحط على عظمه
الخد مثلا هذي حتغطي الخد كلو هههههههه !!
بس حبيتها  في استخدامات ثانيه احط البرونز فيها ودمجها مررررا كووويس
بعد مااخلص من كل شي ادور فيها على وجهي لااني زي ماوضحت حلوه في الدمج
يعني من الفرش اللي ممكن تستغني عنهم وبالذات حسبت حق ريل تكنيك
مرررررررا حلوين للتحديد والاضاءه لاانو حجمهم صغير وراح اتكلم عنهم دحين


الاثنين هذولا من مجموعه ريل تكنيك بصراحه مرررررررا حبيتهم في الكونتور
والهاي لايت والبلاشر لاانو حجمهم صغير فسهل التحكم فيهم يعني ماتخافي
انو يزيد الهاي لايت ولا البلاشر مثلا
الفرشه اللي فوق مكتوب للكونتور ومن ججددد بطله للكونتور والهاي لايت
اللي تحت حجمها مرا صغير كفرشه باودر بوريكم مقارنه بينها وبين تبع سيجما
علشان ماتنصدمو من الحجم زي ههههههه !!





شوفتو فرق الحجم يعني اتوقع لو استخدمتها للباودر راح تاخد وقت معايا !!
ترا مازلت ابحث عن افضل فرشه باودر بططله
بس زي ماقولت مررررررا كويسين في الهاي لايت والكونتور والبلاشر



هذي الفرشه الوحيده من مجموعه مكياجي مازالت عندي وماادري ليش
صراحه فرشهم مرررا فاششله والسبب انهم مررررررررا ناعميييين
ماتمسك الباودر او الشدو او اي شي واذا مسكتو ماتوزعو بشكل كويس
ناعمه مرررررا بصراحه



الفان برش = فرشه المروحه هههههه
اشتريتها من ابو ريالين بريالين ههههههههه ماادري احس ماتستاهل اخدها غاليه
حتى شكلها غبي واستخدامها مررررا خفيف انو احط اللوس باودر الابيض
على خدي علشان لو نزل شادو ولا شي مايوسخ وبصراحه مااسوي الحركه هذي
الا في قمه الروقان ههههه يعني ماتحتاجيها مرررا !!


نيجي للكوب الثاني تبع العين او الاي شدو






الحلوين هذولا كلهم سيجما جججد جدد قليله عليهم كلمه بططططلييين
اااحححححححسسسن شي بالمجموعه هما احححبببهم
مرررررا كوووويسين ومرررا يسسسهلو الميك اب بصراحه انا مو شاطره
بالاي شدو بس معاهم مرررررررا تحسسسسنت
نبدا من اللي فوق وفي صور مقربه لهم



البينسل برش = فرشه القلم لا تدققو ع الترجمه ههههه
هذي شغلتها لمى تبغي تحطي لون في  الكريس = الجفن المتحرك او الجفن اللي جوا
مااعرف اسمو بالعربي بالظبط يعني لمى تبغي تسوي مثلث بالشادو بطرف العين
او ممكن ترسمي عينك بشدو اسود بها لاانها نحيفه ودقيقه مرررا كووويسه

اللي تحتها الانجلد برش = الفرشه المشطوفه هذي اككثثر فرشه اشتريها واجربها
حق سيجما حلللوووه وكووويسه عيبها صغيره وطويله شويا بس مو العيب اللي ياثر
استخدامات النوع هذا كثثثير ترسمي حواجبك ترسمي بالاي لاينر اللي هوا
انا استخدمها مع بودره الحواجب حق بودي شوب مررررا كووويسين
لاانها شعر مو بلاستيك والبودره زي الشدو فيمسك مع الفرشه

كونسيلر برش = فرشه خافي العيوب
زي ماقولت قبل مااستخدم فرش مع الكونسيلر لاانو دايم طبطبه بس هذي استخدمها
احط الاي شدو برايمير = مهيئ للظل لاانو يجي كريمي او استخدمو في الاي شدو
الكريمي



لارج شايد برش = فرشه الظل الكبيره هيا اللي ع اليسار
تستخدميها لمى تحطي ظل لكل العين يعني بعض الاحيان تحطي ظل لكل الجفن
يكون زي الاساس فهذي كبيره تغطي المنطقه بسرعه

شادو برش = فرشه ظل
فرشه ظل اصغر من اللي قبل لو تبغي تحطي في منطقه بسيطه
الفرشتين هذولا مرررررررا كويسين يمسكو الظل كويس ويوزعو كوويس وبسرعه!



فلفي برش وفي ناس تسميها بليندينج برش = فرشه التوزيع او فرشه الدمج
هذي لمى تحطي لونين فوق بعض او جمب بعض هذي الفرشه حركيها فوقهم
بحركه دائرايه بسيطه وسريعه تدمجلك اللونين بطريقه مرررررتبه وكاانك بروفيشنال
من جد احححححب الفرشه هذي مهما خبصتي امسكيها وادمجي ترررتب مرررا

انجلد شادينج برش = فرشه مشطوفه بس منفوشه
استخدمها للاضاءه تحت الحاجب وعند مدمع العين ححلللوه بصراحه
وتقدري تستخدميها بالظل وكذا



هذي سقطت سهوا من المجموعه اللي هيا الاي لاينر برش = فرشه الا لاينر
تقردي تستخدميها مع اي شي كريمي زي تبع مايبيلين او ماك الجل لاينر
حلوه بس شعرتها طويله يعني التحكم فيها مو مرررا سهل الانجلد برش افضل



الاثنين هذولابينسل برش ولارج شايد برش اثنينهم من ماك
بصراحه نفسسس سيجما بالنسبه للبينسل برش
اما اللارج شايد اللي هيا الكبيره فسيجما افضضضل حق ماك تعزز وقويه !!


فرشه ظل جات مع باليت اربن ديكاي ماحبيتها مررا لاانها بلاستيك
ماتمسك الظل مرا !! تنفع مع شي كريمي




هذولا فرش الظل من مكياجي بصراحه زي ماقولت قبل مررررا ماحبيتهم
واستخدامهم مررررا نادر لاانهم ناعمين بزياده



بس الانجلد برش تبعهم مررررررررر احبهههااا وكرررررفتهاااا لاانها
مررررا نحيييفه
جربت من ماك كانت مرا قريبه لتبع مكياجي بس للاسف ضاعت
هيا بلاستيك مو شعر فمرررا كويسه مع الجل اي لاينر تبع مايبيلين
وكويسه مع تاتو الحواجب اللي من ميك اب فور ايفر
بس لو حابه بديل لها ورررخيص ونفسسسسها بصراحه تلاقيها بااتش اند ام



هذي صورتها مرررررا كوووووويسه واكرفهم اثنينهم بصرررراحه
سعرها في اتش اند ام ب 26 ريال بسسس !!
وتعبتر من الفرش الاساسيه ولا كيف بترسمي حواجب ولا الاي لاينر !!



فرشه للارواج من ريل تكنيك عاديه مو واااو بس اصلا سعرها كوويس
بصراحه انا مااستخدم الفرش لمى احط روج بس في شي لاحظتو
اذا روحت صالون وحطتلي الروج حتى لو الروج من عندي يكون ثاااابت مرا
والسبب انهم يستخدمو الفرش واصلا تقعد ساعه وهي تحط وتحط ههههه
واحس الفرشه حلوه في الارواج الغامه والاحمررر بالذاااات لو خرب شويا
خلااااص  يخرب اووم الدونيا ههههه



هنا الفرش اللي تيجي مع الاغراض وكذا في وحدا حابه اتكلم عنها



فرش تمشيط الحواجب جد استغرب من بنات تدفع ميه ريال عليها
الاثنين اللي زي بعض دايم يدوني هيا بماك مع الاشياء اللي اشتريها
والله استفدت منهم مررررا بتمشيط الحواجب والاخيره جات مع علبه ميك اب



فرشه مايبيلين اللي تيجي مع الجل لاينر تبع مايبلين
اول ماجبتو صفيتها لااني دايم اسمع انها فاشله مررا وكذا
قبل فتره قولت خليني اجربها وجربتها بالعكس مرررررررا كووويسه وبطله
نحيفه وشعرتها قصيره يعني تتحكمي فيها بسهوووله حبيتها بصراحه
يعني جربيها قبل لاترميها
وبسسس كذا يكون خلصنا من شرح الفرش واستخداماتها ورأي فيها

دحين نيجي لنصايحي للبنات من تجربتي وبالذات للمبتدئات
دايم يترددو ايش ياخدو وكذا نصيحتي من تجربتي جيبي :
- مجموعه فرش العين = الاي شادو تبع سيجما لانها بجد بطططططللله
وحلال فيها كككل ريييال ومن جد مساويه لماك مررررا هذا من تجربتي
وكلام كثيييررر من البنات
هنا رابط الويب سايت تبعهم لو حابه تشوفي
http://www.sigmabeauty.com/?Click=342712

- مجموعه الوجه من ريل تكنيك هيا اللي لونها اصفر هيا حتكون للبلاشر
والهاي لايت والكونتور وممكن للباودر
هنا رابط الويب تبع ريل تكنيك
http://realtechniques.com


- ممكن تجيبي البيوتي بليندر لكريم الاساس
- فرشه الباودر ممكن تجيبيها من اي براند او تاخدي كابوكي برش كويسين
جربت تبع برجوا للاسف نسيت اصورها ككوويسه بس امكن تغزز حبتين
دااايم اذا جيتي تشتري بالحبه شوفي انتي لاايش تستخدميها لو كان شي كريمي
او سائل يفضل تكون بلاستيك اما لو باودر او ظل جيبي اللي تكون
 شعر بس مو ناعمه مرررا لاانها ماحتسوي شي !!
في بنات تشوف يالله كثير على مجموعه فرش من 12 حبه 400 ريال كثير !
بالعكس الفرش تعتبر استثمار وشي تستهلكي دااايم
فعادي ادفعي مرا بس بتعيش معاك وبتطوووول لو كانت كويسه

نيجي للبارت الاخير بالموضوع وهوا موضوع مهم
اللي هوا تنظيف الفرش



 بجد يابنات انتبهو للفرش ونظفوها
مااكذب واقول انظفها اسبوعيا لااني مااداوم ولا بالجامعه فمااستخدمها دايم
اما اللي تستخدمها يوميا فتنظفها كل نهايه اسبوع افضل
بالذات فرش الاشياء السايله والكريميه
طيب طريقتي بالتنظيف استخدم شامبو جونسون للاطفال
ايوا هوا حق الاطفال !! هههه



والله مررررررا كووويس اول مرا احس فرشي رجعت جديده لمى استخدمتو !!
 جربت قبل حق انجلوت مخصص للفرش ماحبيتو
ريحتو قويه + تنتبهي مايدخل الفرشه من جوا وماادري ايش
وتنظيفو بصراحه مو ذاك الشششي 
وكمان بالنسبه للسعر شامبو الاطفال يفوز



نبدا بالفرش الكبيره

طريقتي اقلب الفرشه وادخلها تحت المويا



واحط نقطه على ايدي من الشامبو



 واحط الفرشه على ايدي واحركها يمين يسار فوق تحت اللي هوا
لاانو الشامبو مايضر لو دخل وبعدين ارجع اغسلها بالمويا



واحاول ارجع شكلها بيدي واسيبها تنشف



لمى تنشف تقريبا ٨٠ بالميه



واجيب الشي البلاستيك يجي مع الفرش والبسو الفرش علشان تحافظ على شكلها





هنا فيديو لبنت منها تعلمت الطريقه ومررررا حبيتها
http://www.youtube.com/watch?v=IiVPquYPINc


وبسسس هناا خلصت البووست  واخيررا

يارررب يارب يارب اني وفقت بالشرح واستفدتو ولو بشي بسيط
اي سوال بالاسك
وصصح سرت راعيه تويتر فولو مي @amiramou
وسلامتكم

هناك 12 تعليقًا :

  1. صادقه فرش الميكياج مرره مهمه وتفرق كثير معك
    وبالاخص حقات العيون
    بجد بنات عالاقل يكون عندك فرش العيون ممكن الفونديشن تستخدمين يدك والبودره والبلاش تستخدمين
    الاسفنجه او الفرشه اللي معهم
    الا العيون ماراح تطلع النتيجه حلوه وبيرفكت الا بالفرش مو فرش الاسفنج البايخه اللي تجي مع الظلال

    انا مثلك عندي هالمجموعه من سيقما
    وكم فرشه من ايلف
    والنيه ان شاء الله على ريل تكنيك

    نصيحه جربي فرشه سيقما الفلات كبوكي رقم ٨٢ راح يفرق الفونديشن معك
    عن استخدامك ليدك او حتى فرشه الفاونديشن المعروفه
    وفيه لها بديل عند ايلف بس اكيد مو مثل جوده سيقما

    طريقه التنظيف انا مثلك بس من تالي بديت استخدم صابون ديتول السايل
    عشان ينظف ويعقم الفرش بنفس الوقت
    بس فيه شي مهم انتي غافله عنه بعد ماتغسلي الفرش لازم يكون مايلين
    يعني ترفعين عصا الفرشه على فوطه مصفوطه او كتاب عشان المويه الباقيه
    ماتروح جهه الصمغ حق الفرشه ويخربها

    وشكراا اميره تدوينه متكامله

    ردحذف
    الردود

    1. العفوووو ياقلببي
      ومن جد انا احس الفرش بالذات للعين مررررا مهمه وتفرق معايا
      وحمستيني للفرشه مع اني اقول ستووب خلاص من الفرش ههههههه
      وديتول كنت حكتب عنو بالذات احسو مهم لو كانو اخوات مع بعض وكذا
      بس طارت النقطه عليا
      وترا انا احطسهم على شي مستوي بس امكن بالصوره مو مبين
      ايوا عارفه لو دخل بيخربها واصلا خربت كم فرشه اصلا هههههه

      :)))

      حذف
  2. رووووووووووووووووووووووعه طريقتك وانا من زمان ناويه على ريل تكنيك لكن بسالك اي تتوقعين افضل فرش العيون من سيقما او ريل تكنيك ؟!

    ردحذف
    الردود

    1. انتي الاروع
      مااتوقع ريل تكنيك للعين حلوه بالذات لو كانت نفس نوعيه
      حق الوجه لاانه تميل انها بلاستيك مو شعر !
      بس ماجربتها انا
      :))

      حذف
  3. هااي ياحلوة ...
    اول شي ماشاء الله عليكي عيني عليكي باردة
    وضحتي وبكل سهولة استخدام كل فرشة وايجابيتها وسلبياتها

    انا حابة اطلب ديىالفرشة من سيجما للفاونديشن
    http://www.sigmabeauty.com/Sigma_Flat_Angled_Synthetic_Kabuki_F84_p/f88.htm
    مرررة دااخلة مزاجي ،، انتي ايش رايك فيها ؟؟

    ردحذف
    الردود


    1. الحمد لله انو وصلتكم المعلومه :))
      هذي والمجموعه تبعها اصلا تحمممسسس
      بس انا عن نفسي سسستوووب من الفرش
      بس ناويه اجرب البيوتي بليندر امكن
      :))

      حذف
  4. ماشاء الله شرحك كافي ووافي :)
    الفرش بالنسبة لي صارت متعة توي اكتشفهاا .. خاصة اذا كانت مريحة في الدمج
    والتحديد والنحت :) .. انا استخدم فرش سيفورا الجميلة .. واروح واجي على سيقما.. بس على قولك سمعتها تمام ..

    تنظيفك للفرش نفس طريقتي بالضبط ونفس الجونسون القديم حق بناتي اللي استخسرت ارميه هههه..

    يعطيك العافيه,, ودمتِ عزيزتي

    xx

    ردحذف
    الردود

    1. من جججد متعه الفرش تحسي ترسمي هههههه
      والله يمدحو حق سيفورا ترا
      تصدقي الشامبو كان حق سلطان كمان بس جبتلو الحجم الكبير
      واستحلت حقو ههههههه
      الله يهافيك ياررب :))

      حذف
  5. بلاستيكات الفرش من فين ؟ ومره استفدت من مدونتك شكرا :**

    ردحذف
  6. الصررراحه اغراضك ماشاء الله لاقوه الا بالله مرررااا انيييقه وياليت تفيدينا بااشياء كمانه وكمانه

    ردحذف
  7. مرا روعة روعة تسلمي على إالشرح ;-) ترا استفدنا منك كثير

    ردحذف
  8. مررة جميل الشرح تحمست أطلب فرش سيجما .. إذا تقدرين أبغا حساب أسرار الابيض

    ردحذف

Back to Top